الجمعة، 4 يونيو، 2010



( شغف اللقاء )
يا حبيبي:
أنت من دون الجميع أرجو لقاءك، أنت أملي الذي عليه أعيش حياتي، منتظرا لقدومك، تحتضنني بعد أن حفر اليأس إلا منك عمري، هل تسمح بلقاء... هل أبقى على أمل... هل لي من رجاء بلقاك يا من لا زلت متأكدا من حبك لي وعطفك علي...أنا لا أنسى محاولاتي في الوصول إليك- رغم قلتها وضعفها- ولا أنسى امتحانك لصبري القليل على تحمل فراقك والالتزام بما علمتني من أصول الحب والشوق والصدق في العشق... كيف أنسى مراعاة حنانك لنزقي وصبيانيتي... ولكن حبك الجارف في صدري وطمعي في كبر حلمك عني وتجاوزك عن أخطائي... يلح في أعماقي على تطرفي في طلب لقاءك وإلحاحي على قبولك عودتي بين يديك نادما راجيا صفحك عني... يا معلمي دروس الحياة... يا منقذي من مراهقتي التي طالت عندي... يا حياة قلبي... متى نلتقي يا حبيي
يا منقذ العالم..

الخميس، 3 يونيو، 2010

كلمات ترغب ان تكون شعرا.. جواد شحاثة

كلمات ترغب ان تكون شعرا ...
جواد شحاثة



اليك يابلادي الحبية

احمل النوارس المهاجرة

وكل عاشق تعرف في عيونه مشاعر غربية

شوقي وحبا هده الهزال

لكنه اصفى من الزلال

وطبعه كانه نسائم عليلة



. . .






يحبية روحي اشتاگتچ عتتني الج يام الطيب

ملهوف اجيت وممتحن واليعتنيلچ ميخيب

يحبيبة ياظيم العلي لو مر على الطفل يشيب

ماجنت اظن سهم الاخو بچبد الاخو بسم يعيب

* * *
يبوية اوصيتي لك امي تراه

لون تشتاگ لعيوني تراها

چان انت نبع صافي تراها

نبع مثلك صفه ميكم زلال

* * *
چبير وگلبي مثلي چبير ينعام

موكلمن تجيه الدنيا ينعام

كل ظني اليحب بالولف ينعام

تاليها الولف مو داري بيه








ارد انشدچ بالله يالنسمة التسير
شلون حال الاهل هم سمعو اسير
***
ارد انشدچ عن اهلي وطبية هلي
شوگي لام الطيب اهو سلوه إلي
ابد منساهم وحگ حيدر علي
الناس منه بشرف وبعز تستنير
ارد انشدچ بالله يالنسمه التسير
***
ارد انشدچ بالله تحچيلي الجره
يوم ضعني عن هلي شال وسره
من بعدهم نار گلبي موجره
ابد ماتطفه ويظل بيها السعير
ارد نشدچ بالله يالنسمه التسير
***
ارد انشدچ بالله تحچلي الصار
شلون حال اميمتي بت الخيار
محودبه وبس الدمع يجري مدرار
يوم من يمي لفه ليها النذير
ارد اشدچ بالله يالنسمه التسير
***
ارد انشدچ عن ابويه المارتاح
دوم ويه الضيم ماشاف الافراح
من يداوي جرح تطلعه جراح
ريت ربي يفرحه بجية البشير
ارد انشدچ بالله يالنسمه التسير
***
ارد انشدچ عن اخوتي شلونهم
رحت عنهم مادريت علومهم
عسى بخير وخيري انه من خيرهم
العون بالله خويه يا عبد الامير
ارد انشدچ بالله يالنسمه التسير
***




ارد انشدچ عالربع هم يذكرون
جواد خيهم للسمر من يگعدون
ادري بيهم لا ابد لا مينسون
الچان إلهم وفي وبالخوة بصير
ارد انشدچ بالله يالنسمه التسير
***
ارد انشدچ سولفيلي علا النجف
شارع الصادق يدر لو لا نشف
بيه سمچ ظل لو البيه كله انسگف
يا حسافه ضاعت ايام الغدير
ارد انشدچ بالله يالنسمه التسير
***
ارد انشدچ سولفيلي على العراق
شلون حال اهله هلي بعد الفراق
الكلشي بيه آنه إله والله مشتاق
للهوه ولترابه والطير اليطير
ارد انشدچ بالله يالنسمه التسير
***
وعود اجزيهم بعون الله نعود
لعد حينا وبيه مثورة الورود
ذاك يوم ايصير بيه النا مولود
وبيه يتيسر الچان النه عسير
ارد انشدچ بالله يالنسمه التسير
***
وهم اخبريهم عن جواد الحبيب
لو يطول البعد ظنهم لايخيب
شما جرالي انه اظل ذاك ابو الطيب
بالخسارة اول وبالمربح اخير
ارد اشدچ بالله يالنسمه التسير
شلون حال الاهل هم سمعو اسير
***

واحة الزاهد.. ديوان الشاعر المرحوم كاظم شحاثة



واحة الزاهد


الشاعر
كاظم عبد جواد شحاثة الزاهد
عميد فخذ آل شحاثة من الزواهد




































الحسينيات

الاجتماعيات

السياسيات

الاسريات

الغزليات









الاهداء

هذا الديوان المتواضع يحتوي على مواضيع مختلفة منها العقائديات والاجتماعيات والسياسيات والاسريات والغزليات وبذلك يكون قد ادى جميع فروع الهوايات الشعرية او المقاصد.
فالى القاريء الكريم مهما تحب نفسه من المواضيع وهواة الشعر الشعبي كافة اهدي هذا الديوان( واحة الزاهد) والله الموفق لما فيه الخير.









الشاعر
كاظم شحاثة





التقاريض

الشاعر الحاج صادق اليعقوبي

تفضل الاستاذ الاديب الحاج صادق نجل الخطيب الشيخ محمد علي اليعقوبي( رحمه الله) بعد ان اطلع على ديوان الشاعر المرحوم كاظم شحاثة المسمى( واحة الزاهد) فهاجت قريحته وقال:ـ


ابا جواد لك البشرى فقد ظهرت
كانه( واحة للزاهدين) حـوت
نظمت فكرك شعرا فيه منتظما
خلدت ذكرك فيه طيبا عــبقا
محاسن الشعر في ديوانك العطرِ
ما تشتهي النفس من ماء ومن ثمرِ
فعاد كالعقد منظومـا مـن الدررِ
لأنه لك ذكـر طـيـب الاثـرِ












الشاعر والرادود الحسيني الشيخ هادي مريطي
هدية الى اخي الكبير المرحوم خادم الحسين عليه السلام الحاج كاظم شحاثة ومن الله التوفيق

يرتفع شانك على مر السنين

والسـعادة الدائمة تحـويها

تظل خالد يالذي تخدم حسين

وهل خدامه ينذكر طاريـها

سمعنه وقرينه ونظرنه بهل حـياة

من مواقف ظل يسولفها الزمان

صور تظهر لك شتحمل من صفات

عن وصفها يعجز بوصفه اللسان

خدمة حسين الذي بيها النجاة

للذي يخدم او مضخور الضـمـان

اهنا اتبيلك الناس الطيـبـيـن

شلــون من افـعالها تـبديـها

على الطيبة والوفه متحمسين


والله لهل المكرمة امعليها

وانت ياوالد جواد تعاهدت

ويه نفسك والعهد ظل مستمر

تخدم حسين بشعورك قررت

بالحضور وبالإبه ونظم الشعر

واحة الزاهد بنظمك أثمرت

ولعد هل واحة وثمرها تنتظر

من تشاهد بضعة الهادي الأمين

بالشفاعه لخدمتك توفيها

ويه أشعارك تهل دمعة العين

مسجلة دمعاتك التجريها




















الأديب خادم الحسين عليه السلام صباح أمين

تفضل الأستاذ الأديب خادم الحسين عليه السلام صباح أمين بعد أن اطلع على ديوان المرحوم الحاج كاظم شحاثة بهذه الكلمات الصادقة
بسم الله الرحمن الرحيم
__ شعر وشاعر __
يقولون إن للشعر فضاء يتسع لكل الأجنحة وعندما تحلق الأحاسيس في هذا الفضاء المترامي الأطراف، فتارة تصادف تلالا من الغيوم وتارة تصطدم أجنحة الذوق بقوس قزح القوافي وتنعكس أشعة ألوانه الجذابة على مرآة النفس فالشعر هو عملية استحضار للأشياء اللامرئية ولا يراها إلا الذي تلامس أحاسيسه.
والشعر طائر لا كالطيور فهو يعتلي ويقطع المسافات بسرعة الضوء ولا يخضع لقانون الجاذبية، والشعر المبدئي لا يسيطر عليه أي حقل مغناطيسي فمعدنه خليط من الأمطار والدخان والياسمين.
والشعر الصادق النابع من الاقتناع الذاتي هو الرغيف الذي لا يستغني عنه كل ذو نفس بشرية.
أما الشاعر فهو الكائن الوحيد الذي لا تستطيع احدث الأجهزة الطبية أن تقيس كمية الحب والغضب في كريات دمه، والشاعر له عيون خلف عيونه بخلاف كل البشر وبها ينظر إلى الأشياء والأسماء بنظرات خاصة.
فمثلا إن الناس ينظرون إلى الشمس كقرص ضوئي في كبد السماء ولكن الشاعر يراها حشدا من الملائكة، والناس تنظر إلى الأزهار بلونها وعطرها ولكن الشاعر يراها طائرا صغيرا ملونا وأجنحته من العطر.
فالشاعر وان كان يعيش في الظل فهو كالنباتات الاستوائية تنمو وتزهر في العتمة.
والشاعر كالشجرة وعصافيرها القوافي وان أراد احدهم أن يهز شجرته فعصافير القوافي تتطاير في كل الاتجاهات.
وهكذا كان شاعرنا شجرة تتطاير قوافيه مملوءة حبا وولاء وغضبا ورأيت رفوف ديوانه يتكدس عليها العتب الشخصي والحزن اليومي ووجدته فارسا متنقلا من صحاري( الغدير) إلى روابي كربلاء حاملا على صدره أوجاع أهل البيت عليهم السلام.
فحبه لآل المصطفى صلى الله عليه واله وسلم يجسده في كل قصائده الولائية.
وبما إن الشعر ابن اللحظة النفسية والمعاناة فان شاعرنا يملأ كؤوس القوافي بعصارة أفكاره التي امتزج بها الخوف والحب والحنين واللوعة ويقدمها للشاربين قدحا طيبا.
ففي كل قصيدة تنبض حبا بالحسين عليه السلام يأخذك إلى المعاني السامية في ثورة الحسين عليه السلام وفي كل قصيدة سياسية نراه ثورة ملتهبة على الأوضاع السائدة في وقته وفي كل القصائد الاجتماعية التي صهر بها أنفاسه وجدته عاتبا ولائما مرة ومرة أراه ناصحا ونادما على أشياء في قرارة ضميره.
فشاعرنا سلك كل الطرق التي توصله إلى ما يريد وكان في كل ما قاله مبدعا ومن قرأ ديوانه يجد السلاسة في الأسلوب والصراحة بمكنونات نفسه فتحية لشاعرنا الذي أثمرت شجرته هذه الثمرات.




خادم الحسين عليه السلام الشاعر كريم رزاق التميمي

بعد أن اطلعت على هذا الديوان وجدته عبارة عن مشاعر رسمها الشاعر رحمه الله بأبعد نقطة في أفق الروح الإنسانية المفعمة بالأحاسيس الجياشة بما يكنه ذاك القلب المتدفق بحب الإنسان الذي كان من خلال حبه لله ورسوله وآل بيته الأطهار ونسأل الله تعالى أن يكون ذخيرة عمله لآخرته ليؤنسه في قبره ويشفع له في يوم لا ينفع فيه مال ولا بنون والله ولي التوفيق.

لا كل من يقضي حياته خادما
إلاك يا خادم حسـيـنا إنما
واجعل خدامتك التي تسعى لها


قد عاش رأسه في العلا مرفوعا

إشراق وجهك للشموس طلوعا
ذخرا لحشرٍ والقلوب مروعا













المقدمة

بسمه تعالى

لم يكن اختيار اللغة العربية لتكون لغة القرآن اعتباطيا فالقرآن فيه تبيان كل شيء فلابد أن تكون اللغة قادرة على استيعاب كل معنى بما تحوي من دلالات وأبعاد.
وأريدَ للقرآن أن يكون كلاما معجزا إذ إن اللغة العربية لغة قادرة على احتضان الإعجاز بكل ما يعنيه من فن وروعة وجمال وسحر، وقد قال رسول الله صلى الله عليه واله وسلم إن من البيان لسحر.
ومن أجمل ما تميزت به اللغة العربية هو هذا النظم الرفيع الذي تجلى في روائع الأدب العربي فلا غرو أن يكتب بعضها بالذهب وتعلق في جوف الكعبة.
ولما جاء الإسلام لم يستنكر على العرب اهتمامها بالأدب لكنه هذبه ووجه أغراضه فأصبح شعرا هادفا وسلاحا ماضيا لإحقاق الحق ورد شبهات المعطلين بحيث يدعو رسول الله صلى الله عليه واله وسلم لحسان بن ثابت حين نظم في يوم الغدير شعرا ويقول له لا زلت مؤيدا بروح القدس ما دمت في نصرتنا أهل البيت.
ويدعوا الإمام للكميت بان يبني الله سبحانه له بيتا في الجنة بكل بيت قاله فيهم.
وكان للشعر الدور المهم في رفع الهمة والاندفاع نحو التضحية والتشمير عن ساعد الجد وحسم المواقف العصيبة.
ولم يكن هذا الدور مقتصرا على الشعر القريض بل شاركه الشعر باللغة العامية الدارجة لأننا كما نحتاج إلى لغة الأدب والتراث اعني الفصحى كذلك اللغة العامية لأجل سهولة التداول والتفهيم وأية محاولة لتذويب إحداهما في الأخرى، غير جديرة بالاهتمام.
إن قصائد الشيخ محمد نصار( قده) في رثاء الحسين عليه السلام بالعامية لا تقل روعة ولا من حيث السبك وعمق التصوير وجلالة المعاني المودعة فيها عن روائع المرحوم السيد حيدر الحلي لذلك أصبح شعرهما معا المادة الرئيسية للرثاء الحسيني، وشاء الله سبحانه أن يتعاصرا في الحياة ويموتا ويدفنا في قبر واحد.
وكان لشعر( فدعة) في إلهاب حماس الثوار ضد الانكليز الأهمية الكبرى مما قد تعجز عن تحقيقه مآثر كبار الشعراء.
كل هذه المعاني استحضرتها وأنا أتصفح ديوان الشاعر الأديب الشيخ كاظم شحاثة وجدت نفسي مشدودا إلى شعره من جهتين:
الأولى: جهة عامة وهي المعاني التي قدمتها والأهمية التي أعطيها للأدب العربي بقسميه العامي والفصيح خصوصا وانه قد نظم الكثير من شعره في الأهداف الدينية والمعاني العليا التي تريد للشعر أن يكون لسانا معبرا عنها وليس هابطا في أهداف متدنية.
الثانية: جهة خاصة فانه تربطني به علاقة القربى الحميمة من أكثر من جهة فأفراحه أفراحي وأحزانه أحزاني وقد قرأت في ديوانه تخليدا لمناسبات خاصة أعادتني الذكريات إلى أيامها.
وأنا ممن تشغل الذكريات قلبه وعقله وقد وجدت الأديب قد جرى على نسق أولئك الأعاظم ونسج على منوالهم وان كثيرا من شعره مادة جديدة في الرثاء الحسيني يقدمه لمن يبحث التجديد من الشعراء والخطباء.
وما أحرانا أن نحتفل بالشاعر وأمثاله من بقية السلف ونستفيد منهم في إحياء سوق الأدب العربي بعد كساده وإعراض الجيل المعاصر عنه حيث وقع ضحية التغريب الذي مارسه أعداء الله سبحانه ليفصل بينه وبين تراثه ويبعده مرة عن لغته الأم ويعزلوه عن قرآنه فلنجعل من جهد هذا الشاعر واخوانه المخلصين خطوة على طريق بعث الحياة الأدبية.
أدعو الله سبحانه لشاعرنا بالعمر المديد والصحة والعافية ليساهم في رفد ( الأدب الهادف) ما تجود به قريحته المعطاء وان يتحفنا بالمزيد انه ولي النعمة.







الشيخ محمد اليعقوبي
1421 هـ.ق








القيم والمفاهيم الاجتماعية في شعر كاظم شحاثة الزاهد
للناقد محمود توفيق مهدي
بسم الله الرحمن الرحيم

في البدء لابد من الإشارة إلى أن كلام الإنسان هو انعكاس لشخصيته ولما يدور في ذهنه وواقعه، وقديما قيل الكلام صفة المتكلم والإناء ينضح بما فيه.
والشعر هو الجانب الأكثر حساسية من أقسام الكلام إذ انه لا ينطلق إلا من النفوس المرهفة والقلوب المتدفقة بعشق معاني الجمال والحقيقة ولذلك فان الشعراء هم اقرب الناس إلى معرفة الحق والجمال من غيرهم من الناس إذ أنهم يتعاملون مع مشاعر النفس الإنسانية بكل مفرداتها، هذا الكلام هو المدخل لقراءة قصائد الشاعر كاظم شحاثة.
القصائد في مجموعها تمثل شخصية شاعرها وثقافته بكل تفاصيلها، فمن يقرا القصائد قراءة عاجلة يكتشف بكل بساطة شخصية كاتبها الملتصقة ببيئته الثقافية بكل ما تعنيه معاني الالتصاق والتقمص من موروثات دينيه وعقائدية وفكرية، ومن معاني وقيم ثقافية وأعراف جسدها بشعره حيث الأعم والأغلب حتى في الانتقال من الشعر العقائدي المحض إلى مواضيع أخرى تجد ان الموروثات العقائدية تتدفق بين معاني الابيات الشعرية التي يطرقها، كذلك القيم والمعايير التي يحملها والتي تنتمي إلى بيئته التي عاش ويعيش فيها الآن والتي يعتز بها كثيرا كما هو في طرحه الشعري.
تنقسم أفكار الشاعر أو لنقل مشاغله الفكرية نواحي عديدة أهمها الأفكار العقائدية والدينية والتي ورثها من أسرته وتلك هي الركيزة التي يرتكز عليها ويحولها بين قصائد عقائدية محضة وبين توظيف تلك العقائد في قصائد لا علاقة لها بالمنحى السابق يندر ما تكون ملجأ ومتنفس يتنفس خلاله الشاعر ويسرب به شحناته الانفعالية حيث يجد اللجوء إلى أبطاله من أئمة أهل البيت هي الواحة التي يستريح فيها من عناء الرحلة القاسية، واما الركيزة الأخرى التي يرتكز عليها الشاعر فهي مجموعة القيم والمعايير الفروسية الموروثة من الإطار المرجى للثقافة التي يرتكز عليها وينتسب لها وهذه نجدها أكثر في قصائده التي وضعها في الفصل الثاني والذي أطلق عليه اسم الاجتماعيات والمعاتبة وهذه القيم قام الشاعر بتوظيفها وجعلها موضوع القصائد ومحورها.
تلك هي الملامح العامة لقصائد الشاعر كاظم شحاثة في هذه المجموعة رغم انها تحتوي على فصلين آخرين هما السياسيات والأسريات والتي أتصور انهما تخرجان من المبدأ من الركيزتين التي ذكرناها من حيث المحتويات المعنوية رغم الاختلاف السايكولجي في الفصل الأخير بالكتابة حيث ان الشاعر هنا يعيش محنة حقيقية أفرزتها تجربة قاسية فرضت عليه حيث ان الحرب مع إيران أبعدت عنه ابنه والذي أصبح هاجسا يؤرقه فجاءت الكتابة هنا مشدودة بانفعالات تلك التجربة القاسية وهذه الحالة تختلف بالتأكيد عن الحالة التي يكتب فيها الشاعر وهو بعيد عن الانفعالات وما تسببه أحيانا من تصاعدات وهبوط من الم وشد وغضب وإحباط وشعور بالنكبة والمصيبة التي لا حل لها.
قلنا ان الركيزة الدينية او العقائدية هي التي أمدت الشاعر وملأت أفكاره وتلك جاءت من بيئته التي ينتسب اليها.
ان انتماء الشاعر إلى بيئة تعتمد على تقاليد موروثة صارمة قد ملأت محتويات نفسه فجعلته جزء منها، ان أشياء مثل التعلق الشديد بأهل البيت والمنبر الحسيني وماله من مجالس في المناسبات وغيرها والمرجعية الدينية قد جعلت الشاعر ينهل من تلك الثقافة الموروثة والتي تحتل خطا واضحا بين الخطوط الفكرية الشائعة.
ان شعراء المرحلة الزمنية التي عاشها الشاعر كانت مرحلة صراع بين أفكار جاءت من الخارج وأفكار موروثة من الداخل، وفرزت تلك الصراعات مدارس ومذاهب أدبية وفنية كثيرة وبقيت المدرسة التقليدية محافظة على تقاليدها وأصولها لم تهزها رياح التغيير الجارفة فبالرغم من ظهور شعراء كبار تأثروا بالتغيير الحاصل في المجتمع نتيجة الاحتكاك مع الخارج نجد ان شعراء آخرين لم يتأثروا بذلك ونحن لسنا منحازين لهذا الطرف او ذلك، فانا شخصيا احترم كل الشعراء ونتاجاتهم واحترم عطاءاتهم والمهم عندي هو النتاج الجيد وليس الانحياز إلى ذلك الفكر او تلك المدرسة.
فالشعر الحسيني الشعبي فيه شعراء يفرضون احترامهم برأيي على الجميع لما في اشعارهم من إبداعات وإمكانيات فنية رائعة فمن منا لا يحترم عبود غفلة أو محمد علي شحاثة أو ملا سلمان الشكرجي أو غيره من الشعراء الحسينيين ومن منا لا يحترم الفرطوسي واليعقوبي وعبد المهدي مطر وغيرهم من الشعراء.
يتبقى ان نقول ان الفن هو الفن وليس طريقة التعبير التي يستخدمها الأدباء فكثيرا ما نسمع هذا الطرف او ذاك الطرف يلمز الشعر الشعبي بالمحدودية او يلمز الشعر القريض بالقديم او الشعر الحر بالتحلل في حين ان جميع الألوان الأدبية فيها الغث وفيها السمين، فيها الراقي وفيها الهابط وليس الشكل هو المشكل انما في المضمون الذي هو حجر الزاوية ومعيار الإبداع.
شاعرنا كاظم شحاثة نهل من المدرسة القديمة بكل أفكارها وملابساتها يعتمد على أفكار وقيم أصيلة لا يمكن لنا الا ان نحترمها ونجلها لانها افكارنا وقيمنا واصالتنا بل هي هويتنا الحضارية والثقافية وعلامة زهونا.
امَدَّ المنبر الحسيني مجتمعنا بثقافة خاصة، ان المنبر هو المدرسة التي تعلم فيها جمهور المثقفين الاصلاء في مجتمعنا والذي يعتز بانتسابهم وانتمائهم إلى هذه الأمة رغم عدم الوضوح أحيانا وضبابيته أحيانا أخرى فكان المنبر هو المدرسة التي يتثقف فيها المستمعون إلى ألوان الأدب والتاريخ ومتنفس المجتمع واداته الاعلامية.
ثقافة المنبر نجدها متجسدة في قصائد شاعرنا كاظم شحاثة معبرا تعبيرا عقائديا ومعززا بمعرفة تاريخه أو لنقل توظيف التاريخ ومعلوماته في القصيدة كما في قصيدة( عزم الحسين على المسير) ولا أريد الخوض في القصيدة لانها ستأخذ مجالا واسعا يحدد الاختصار المهم ان توظيف التاريخ هنا واضحا في القصيدة بدءا من مسيرة الامام الحسين عليه السلام والكتب التي وردت اليه إلى آخر القصة المعروفة والتي تناولتها كتب التاريخ.
ان قضية الحسين عليه السلام تأخذ مساحة اوسع من تفكير الشاعر، ويبدو انها اهم مشاغله فهو يتناولها بالتفاصيل وبشكل دقيق ونراه أحيانا يوظف قضية الحسين( عليه السلام) ويربطها بقضايا معاصرة تهم الأمة في العصر الحاضر والتي تعيش حالة التشرذم والتمزق، فالحسين عليه السلام هنا هو رمز التضحية والثورة وهو البطل الذي يجب ان يدخل في نفس كل إنسان عربي وكما يقول في قصيدة( أهداف نهضة الحسين) حيث قال:ـ
العرب خل تسمع نصيحة عيب هيئة امم تنفع
شعب هيه سلبت ارضه شلون بيهه ردود يرجع
يرد بالعاصفة وجبهة يرد بالرشاش مدفع
خلها العرب تاخذ عبر* من حسين بن عليا ومضر* بطف كربلا ضحى النحر
بعد ما ضحى الرضع
التضحية هنا هي الهدف فالموت الحسيني لم يكن موتا عاديا بل كان ولادة حقيقية لأمة كانت في طريقها إلى الموت وهذا معنى الحسين
بموته عطشان * خط بالاكوان *فكرة اصلاح * سجلها بشرف
فالموت بهذه الطريقة رسمت لوحة الخلود الازلية التي طرقت بوابات الزمن واستقرت في ذاكرة الضمير الانساني يقظة دائمة تتمتع بربيع دائم لا تزيلها إغفاءات وكبوات التاريخ مهما تراكمت فثورة الحسين وموت الحسين في صحراء كربلاء هو الذي حقق الخلود الدائم لأمة خالدة فيقول:
ياهو الذي بيها ربح * منه الذي منها انذبح * ميزان ياهو اللي رجح
بالعدل انظر ذكرها
العرش منهار ظل دوم وعثر لاچن حسين خالد بالدهر
راعي ثورة * اخذ فكرة * عدل لو جور * رايد للبشر
وحقا ان قصائد المجموعة من الشعر الحسيني تمثل كلا متكاملا للثورة الحسينية إننا يجب ان نشير إلى جانب مهم وهو ان الشاعر كتب هذه القصائد من وحي إيمانه بهذه القضية وتعلقه بها فكثير من الشعراء كان يكتب من اجل التكسب المادي ونحن لا نعيب ذلك ولكننا يجب أن ننتبه إلى ان الشاعر كاظم شحاثة الذي يكتب مثل هذه القصائد بعيدا عن الأهداف المادية، وله ميزة إضافية وهي صفاء الفكرة وخلوها من أي غرض ثانوي قد يفقدها أحيانا الهدف الأساسي.
عاش الشاعر حياته كلها مؤمنا حقيقيا بأئمة أهل البيت فهم حصنه الحصين وملاذه من محن الزمن وباب حوائجه ومحطة دعوته:
يحسين كاظم خادمك كل عمره
ممتن الك والله بنور الزهرة
بيك استجاب الله اله بهل زهرة
ما ينسى هلشنيار ابنوره الحبابة
وإذا كانت القصائد الحسينية ملجأ للشاعر ومتنفسا لشحناته النفسية فاننا نشعر بعظيم الأسى حين نقرا قصيدته في الحجة عليه السلام فانها استعراض مؤلم لحادث الطف تصدر ماساتها الدموية بكل أبعادها الدراماتيكية ومنحنياته التراجيدية، انها لوحة تتداخل في داخلها أهوال الفاجعة التي حلت بعائلة الرسول الأكرم صلى الله عليه واله وسلم والمصائب التي واجهتها تلك الأسرة الكريمة، وإذا كانت القصيدة موجهه للإمام الحجة عليه السلام فان التاريخ الكربلائي هو الذي يتحرك في مداخل القصيدة التي تبدأ بالحسين عليه السلام أولا ثم بأخيه أبي الفضل العباس ثم ما جرى لباقي الأسرة بعد انتهاء المعركة ولا أريد الخوض أكثر من ذلك في القصيدة رغم انها في رأيي من أجمل قصائد المجموعة والتي تستحق التوقف عندها وقراءتها.
هذي هي القيم الدينية التي يؤمن بها الشاعر كاظم شحاثة إيمانا واضحا لا لبس فيه معززا بعمل وبرهان ليس كثيرا على إنسان ينتسب إلى بيئته وأسرته ان يكون من هذا الطراز.
ان العقل الديني الفاعل هو الذي يقف وراء هذه المجموعة ويبقى ان ننتقل للركيزة الأخرى أو الجانب الآخر من المعايير في شخصية الشاعر وذلك هو المعيار الاجتماعي المحض.
ان القيم العليا هي دائما الهدف الأهم لكل النفوس السوية في المجتمع وهي الغاية التي يبحث عنها الباحثون الشرفاء على اننا نجد انه هناك الكثير من الناس ممن ينحرفون عن هذا المضمار ولنا ان تصفح كتب الأدب ونرى كم من الشعراء غمرتهم سيول أوهام الذوات الرفيعة وصار هوى نفوسهم يقودهم ومع كل الأسف إلى تلك المحطات المأسوف عليها رغم انهم يمتلكون مواهب عظيمة كان أحرى بهم ان يوظفوها بالشكل الصحيح الذي يرضي الله ويرضي الضمير، ان شاعرنا من النوع الأول يوظف هنا القيم العالية الرشيدة في أشعاره التي نجدها نابضة بكل معاني الخير والإرشاد معززة بالأمثال الشعبية التي اقتبسها من ثقافة مجتمعه فيقول:ـ
ريض يوليدي واخذ مني الرشد
الشهر لو مالك خبز بي لا تعد
لعد أيامه وتظل مر الورد
ودنيتك فاگد لعد احلالها
وتوظيف المثل في الشعر يعطي للجملة الشعرية بعدا جماليا ويعزز الفكرة التي يطرحها:
لا تهدم الكوخ لو شفت الگصر
من تحس عندك خطا بي لا تصر
ووظف الأمثال الشعبية في هذه الابيات وباقي أبيات القصيدة المسماة وصية إلى ولدي، قلنا ان هناك نوعان من القيم في المجتمع وهذا الذي يؤدي إلى الازدواجية، والواقع ان هذه مسالة شائكة ومعقدة تؤدي إلى حتمية الصراع بين فكرين متناقضين واتجاهين متضاربين وهذه القيم المتضاربة تدخل إلى داخل الشخصية الفردية، فالفرد وفق مقاييس التنشئة الاجتماعية لمجتمع ما نشأ على هذه الأفكار المتضاربة ويتشرب بها فينشأ في داخل شخصيته اتجاهين بين قيم عليا وقيم سفلى أو لنقل مجموعة الشهوات النفسية، القيم العليا تحاول ان تسحب شخصية الإنسان إلى مدارها والقيم السفلى أو الشهوات أيضا تحاول ان تسحب الشخصية إلى مداراتها، هذا الصراع يؤدي حتما إلى ظهور حدود الأنا الخاصة بالشخصية ومثلما في الفرد في المجتمع تعمل القيم الموجبة والقيم السالبة بعملها المستمر من اجل الظهور، وقد اشرنا إلى ان شعراء قد سقطوا مع الأسف في الطرف الآخر الطرف السالب رغم عظيم مواهبهم، ان شاعرنا هنا ينبه إلى هذه المشكلة فنجده يطرقها في قصيدته( مقاييس الرجال) على انه يحاول ان يعزز برهان أفكاره بانها جزء من التراث القادم لنا من الأجيال السابقة فيطرح مقاييس الشرف والنبل والتضحية والإباء والإنصاف في الحكم بين الناس والابتعاد عن جعل المال هو المعيار للحكم بين الناس، وعدوا على بدء نجد ان هذه القيم متممه للقيم الدينية وليست مناقضة لها، فلو راجعنا النصوص الدينية في الكتاب والسنة سنجد ان هناك نصوص تحث على هذه المعايير رغم اختلاف المصطلحات أحيانا ولكن المعنى واحد فالإباء مثلا يكون مرادفا للعزة والتضحية تكون مرادفا للشهادة ان المصطلحات والتعابير تأخذ أحيانا ابعادا زمانية ومكانية متغيرة بتغير العاملين المذكورين ان عاملي الزمان والمكان لهما مكانة أكيدة في اللغة ومفرداتها وهذه يعرفها دارسي الأدب وفنونه ولكل زمان دولة ورجال كما يقولون، وقد قال الامام العظيم علي عليه السلام لا تعلموا أولادكم أخلاقكم فانهم خلقوا لزمان غير زمانكم وهذا هو البعد الزماني الذي تنبه الامام عليه السلام اليه فساقه في حكمته الشهيرة التي اخترقت الأزمنة وجاءت على شكل مصطلح حديث في علم الانتربولوجيا وهو مصطلح الهوة بين الأجيال الشائع الاستعمال في هذا العلم والذي أيضا بدوره يخلق حالة من الصراع بين القديم والجديد.
يبقى ان نتساءل هل الصراع بين القديم والجديد هو نعمة أم نقمة مادامت الحالة قائمة لا مفر منها وهل ان كل قديم مرفوض وكل جديد مقبول أم العكس هو الصحيح، وبعيدا عن كل الافتراضات المطروحة وبعيدا عن التطرف نقول ان هناك معايير عامة لا يمكننا التخلص منها مهما حاولنا وأوتينا من قوة وتلك المعايير هي المعايير المعززة بثوابت دينية فانها تكون ضاربة الجذور في أعماق النفس الإنسانية حتى وان اتخذت أشكال ومسميات جديدة كما اشرنا سابقا فالقيم التي تتناغم مع صفاء الروح الإنسانية النقية الخالية من شوائب التداعي والنكوص تجد لها صدى واقعيا في ذات الروح وقديما قيل اعرض الشيء على نفسك فان وافقته فاعلم انه حسن وان رفضته فاعلم انه قبيح، فالقديم إذا كان نافعا ومفيدا هو قديم مقبول والعكس ايضا صحيح وأحيانا يكون القدم هو مثار همة للجيل الجديد فنحن أبناء امة لها ماضي عريق وحاضر مؤلم مخيف نستطيع ان نتخلص من هذا الواقع، ان إحدى مثارات الهمة هو الاعتزاز بالشخصية واقتباس الدروس من اعمال السلف الصالح، شاعرنا ينتبه إلى هذه الحالة مع طرح الواقع والتنبيه إلى المشكلة فيقول:ـ
العرب چانت منهل علوم البشر
والغرب منها اقتبس نور الفكر
بالمعارف تشتهر والها الفخر
ليش تالي تمسكت بگشورها
ويطرح الشاعر في هذه القصائد قيم جديدة مرفوضة والواقع انها ليست قيم اصيله بل أشياء دخلت علينا من الخارج فيقول:ـ
جيلنا تاه الخطر ظل بي يحف
الشاب متخنفس يهز بس بالردف
تويست يرگص والچتف منه يرف
تميع ولا يعتني بمحذورها
وهذه الابيات من قصيدة( التقدمية بين الماضي والحاضر) وهي قصيدة تعبر إلى حد ما عن الأشياء التي ذكرناها مع إحاطة الشاعر بالتاريخ وتوظيفه بشكل جيد في القصيدة، قلنا ان القيم الاجتماعية هي الركيزة الثابتة في قصائد الشاعر المبدع كاظم شحاثة واننا نجد انها تلازمه في معظم قصائده كالظل بحيث لا تكاد تفارقه حتى ان هناك قصائد بكاملها تنحى في هذا الاتجاه كما في قصيدة( حقوق الجيرة) وهو موضوع اجتماعي ديني كما هو معلوم فالدين يحث على حسن الجوار في حديث مشهور للرسول صلى الله عليه واله وسلم جارك ثم جارك ثم أخاك، والشاعر هنا يطرح تصوراته للمفاهيم المطلوبة في الجوار وكذلك ( العجيد والسلف) يقوم الشاعر بطرح تصوراته التي يجب ان تكون في رئيس القوم والعلاقة بينه وبين الآخرين على اننا لا نعدم عن هذا المنحى الذي سلكه الشاعر في معظم قصائده، فالقصائد التي يبث فيها الشاعر انفعالاته وهمومه نجده ينحى المنحى الغنائي الخالص حيث نجد النفثات الروحية التي يتنفس من خلالها الشاعر عن مكامن همومه النفسية التي تحاصر ذلك، فنجدها واضحة بشكل سافر في قصائد( ندم وعتاب) وقصيدة( شيفيد) وكذلك قصيدة( ظن وندامة) التي يعاتب فيها احد اصدقائه هذه القصائد من وجهة نظري من خيرة قصائد الديوان تحمل نفسا شعريا حقيقيا ومشاعر وهموم تجعل القارئ يحس انه امام شعر حقيقي وليس نظما تقليديا، على ان هذا الكلام لا يعني خلو القصائد الأخرى من مسحات الفن الحقيقية.
مع تمنيات المخلص
محمود توفيق مهدي / الزاهد






























الشاعر كما عرفته

اجد صعوبة كبيرة في الكتابة عن إنسان كان ولايزال مثالا وقدوة حسنة لي اتمنى الوصول اليها، وانا لست بكاتب، وكيف اذا كان هذا الإنسان هو والدي، الذي عرفني الله والحياة الدنيا والقيم السامية والدار الاخرة.
ولد الشاعر المرحوم في عام 1932م وتوفي عام 2002م وقد عاش عاملا مكافحا ومتعلما طموحا.
لقد كان الوالد ( رحمه الله) كريما حكيما حليما صبورا نبها يحب نجفيته وعراقيته وعروبته وقبل ذلك اسلامه، وكان يصل رحمه ولا يقبل الضيم ابدا كسيده وسيدنا حسين الثورة والإباء، كيف لا وهو منذ نشاته وحتى وفاته كان خادما للحسين، وقد ابّنه وارخ وفاته ابن خالته الاستاذ الشاعر الحاج صادق نجل الشيخ محمد علي اليعقوبي قائلا:
ابو الجواد قد قضى راحلا
بفقده الناعي نعى أربعا أرخ
للخلد فلتبك له كل عين
فقدت خادما للحسين

وكذلك أبَنَّه وأرَّخ وفاته الشيخ احمد بن الشيخ نعمة الخفاجي قائلا:
رايتك في مدمع ساجم
تودع وتجعل مسك الختام
بيوم سبقت لعيد الغدير
فسبحان ربي شاء الرحيل
فأرِخ( وفي لوعة وجده
بمأتم سبط النبي الهاشمي
وتنعى الحسين إلى فاطم
تمسكت في حبله العاصم
لحلو المحيا وذي المبسم
سلام وطوبى الى الكاظم
17/ذي الحجة/1422هـ
وكذلك أبَنََّه وقرّض ديوانه عدد من الشعراء الاخرين من خَدَمَةِ الامام الحسين عليه السلام.
والحمد لله فقد اورثنا أهل بيته حب محمد وال محمد كما هو حال الوالدة، ونحن نتمثل قول الشاعر:
لا عذب الله أمي انها شربت
وكان لي والد يهوى ابا حسن
حب الوصي و غذتنيه في اللبن
فصرت من ذا وذي اهوى ابا حسن

وقد شربنا منه حب العراق والوطنية والعروبة، وعلى الرغم من ان شاعرنا المرحوم كانت اغلب قصائده في حب محمد وال محمد والحسين عليه السلام، إلا انه كتب في مختلف اغراض الشعر، وكان من قصائده الثورية العربية، ما كتبه في تحية الثورة الفلسطينية بمناسبة ذكرى انطلاق ثورتها، وقد قمت بإلقائها في المهرجان الذي نظمته متوسطة النجف عام 1968، وكان مطلع القصيدة:
صوت عاصفة الفتح من يافا
صدح صوت الحگ يصك سمع اليهود
صدح يعلن ثورته الخطافة


ثورة يعلن عارمة وبيها يذود

وكان رحمه الله يشدد على اهمية وضرورة المقاومة التي آمن بها ومات على هذا الايمان، ومما قاله في نفس القصيدة:
الحگ يعود بسيف ميعود بخطب
يرن بالمذياع والحگ عافه

وكان له مواقف سياسية معروفة، فهو يعرف حزب البعث المنحل في العراق ووقف ضده منذ مجيئه عام 1968 وحتى وفاته عام 2002، ولم يتمتع بنعمة سقوط هذا النظام البغيض عام 2003، وكان قد شكك في صدق الحزب عند مجيئه عام 1968، بقصيدته، اليلزم للدف يغني بكل الاطوار حيث قال في أحد مقاطعها:
هناك لن البعث عوَّد واستلم بيده الرياسه
گال صفحة جديده نفتح للتفاهم بالسياسه
الحكم شعبي ودمقراطي الجبهة تركيزه واساسه
تالي الحچي كله طلع * بس للدعايه والطمع * غدر الحزب شع وسطع
للشعب صارت نخاسه
كما كان رحمه الله مرهف الحس قوي العاطفة، وقد كتب بروحه أروع القصائد والابيات الشعرية واكثرها حبا والما ودفئا عندما كنت اسيرا في ايران للمدة( 1982 – 1990) وصلني في اسري الكثير منها: وكنت قد كتبت بيت شعر في اوائل اسري اقول فيه:
يبوية وصيتي لك امي تراها
لون تشتاگ لعيوني تراها
انچان انت نبع صافي تراها
نبع مثلك صفه ميكم زلال
وعندما عاد احد اصدقائي الاسرى إلى العراق قبلي وهو معوق والتقى به الوالد وسمع منه الشعر تاثر كثيرا معتبرا انني اشكك- معاذ الله- بصفاء نبعه بقولي( انچان انت..) إلا ان صاحبي فقد المقطع الاول.
ومن نباهته وحسه وقيمه، ان زارنا في بيتنا ليلة وفاته – وكان يعالج بنفسه من جلطة دماغية يمينا وشمالا وهو ينزف دما من امعائه – ابناء عمنا محمد زاهد واخوته وبعض ابناء عمومتنا، وكنت واخوتي مشدوهين به نقلبه تارة وندعو له اخرى، لم ننتبه لتقديم شيء لضيوفنا، فقال جيبوا لاولاد عمكم شاي( بالاشارة)، فاعتذرنا لهم وجلبنا الشاي، فكان واحدا من دروسه الكثيرة لنا في كيفية التعامل مع الاحبة والناس عموما.
وكان أبيّ النفس حتى مع اولاده، فقد اوصلنا جميعا إلى مراحل دراسية متقدمة بجهده وجهاده، عاملا وموظفا ومتقاعدا يعمل في البيت، حتى اكمل اصغرنا دراسته لتكون كريمته الصغرى طبيبة كما كان هو يتمنى ان يكون طبيبا، والاخرين حسب رغبتهم ومعدلهم الدراسي، تكفل نفسه وزوجته ومن يلوذ به بعمل يديه، كما ان ديوانه هذا قد رتبه واختار عنوانه وبعض من قدم له مثل سماحة الشيخ اليعقوبي والاخ محمود زاهد، وكان ينوي طبعه في حياته اذا سقط النظام البعثي، واوصانا بطبعه في حال وفاته، وها نحن ننفذ الوصية ونرد بعض الدين الذي لن نستطيع ايفاءه ابدا... فجزاك الله يا والدنا عنا خير الجزاء.













ولده
جواد كاظم شحاثة







الحسينيات











بيعة الغدير ومناقشاتها
من الله حيدر للبشر واليها

ليش تنكث بيعته تاليها



للبشر حيدر بعد سيد الرسل
لاچن ارباب السنن تأبه العدل
وصي والي منصب بگول وفعل
فكرة الشيعة العدل جاليها


الگول يتمثل بگول المصطفه
والكتاب البي جهر ما ظن خفه
الما نطق عن الهوى وحيٍ لفه
لاچن صدور الحقد ماليها


خلنا نچشف للاحاديث شتگول
من يحگ الحگ على الباطل يزول


بحگ علي ومنهو الولي بعد الرسول
ما نظل بافكارنا انغاليها


دوم چان الهادي يصدح يَمُتي
ولاية الكرار من ولايتي
فيكم اترك للكتاب وعترتي
والفرض لولايتي باريها


الهادي گال يعيش حيدر ملتي
نصرته واجب وهي من نصرتي

وارث لعلمي وكتابي وسنتي
آنَه المنذر وهو هاديها


منزله عندي لعلي محسوسة
طاعته من طاعتي مقيوسه

مثل هارون انبعث وي موسه
{ وطاعتي آمَر الباري بيها



قاتلت لاجل الوحي بتنزيله
والكتاب لحيدره يباريله

وعلي يقاتل عگبي لتاويله
بثلثماية آية من يخفيـها


عشر هذا الحچي حچيته من الاصل
القلم يبره وبالنظم عگلي يچل
من اسرد شگال النبي يَهْلِ العگل
الالها يـتصده عِجَز يحصيها


خلنا من سيد الرسل واقواله
وي الامين عله الامين وحاله

بالوصف خل نصد لـ الله شناله
بالخلافة الحيدرة يجريها


بلغ شما نزل من باري النسم
الله لك من البشر هوه يعَصِم

وان تصد عهد الرسالة ما تتم
رگا يبلغ والسنن ترويها


من صدح بالبيعة هادي الامة
وارتضه الدين واتم النعمة

الباري للاسلام بيها تمه
وبخن(بخٍ) گال والهَه رد ثانـيها


انما الله وليكم يلبشر
واللي آمن والزكا منه تظهر
والنبي القرآن بي ينطق جهر
وهُو يصلي وراكع وينطيها


بشر الله المؤمن بقرآنه
بخوف نفسه ما تظل حزنانه

النفق ماله بليل سر واعلانه
الاجر عنده بجنته يجازيها


رضا الباري المرتضى اشراچ النفس
علي من بيوت الذهب عنها الرجس
بنومته ابدال النبي انطه درس
انبنت باذن الله ويذكر بيها


مؤمن وصدّق عهد باري الهــوه
أفَمَنْ آمن ويه الفاسق سوه
حمل بالايمان والصالح لوه
شلون ترضه السنن من تفتيها


گلت يهل السنن انطوني الجـواب
شلون حيدر ينعزل ترگا الاذناب
سمعتوا گول النبي وتصريح الكتاب
للخلافة وحيدره راعيها


گالو الانزع احگ والحگ اله
گلت مو اجماع لاچن مهزلة

لاچن الامة اجمعت متخوله
عله بساط البحث خنخليها


بالسقيفة اولها للبيعة جنا
ونفر قلة من الهجر مكة ومنى

بدء ثانيها وأبو عبيدة ثنا
بايعو غل وطمع عاميها


شلون اجماع الذي بهذا الشكل
الهاجرو والنصرو مغيبه الكل


وال هاشم كلها للهادي تغسل
لبيعة الاول فلا تدريها


گالوا الإجماع بالتالي انعقد
خوف عالاسلام حيدر من گعد
بالوعيد تجمعت گلت ووعد
بالوصية مچتف يجاريها


ظل جليس الدار حيدر بالفتن
مثل حيدر صبرت وحگها انغبـن


وتتره عالعترة غدت بعده المحن
ننتظر بي ينتهض مهديها








عزم الحسين عليه السلام على المسير

حسين انوى لوطن جده يعوفه


يگصد بگومه وهله للكوفة


من غدت تتره على حسين الكتب

خبَّر اصحابه وهله ودمعه يصب


بيها تطلب منه للكوفة يطـب



حيث يعلم بالخفه ويشوفه

حسين جمّع كل هله وكل صحبته

صدح بيهم يشرح بسر نهضته



بالرحيل يبلغ الكل نيته

وغايته من نهضته معروفه

بنهضته لصرح الظلم رايد يبيد

نهض نهج المصطفى رايد يعيد

البيه يتحكم على الامة يزيد

الغيرت نهج العدل مكشوفه

حسين صاح بصحبته وباجي هله

نهضة الصفوة وبني عمر العله


الليلة ارحل والظعن يطوي الفلة

وكل فرد باليمنه هز مشروفه

حي بني هاشم تناخت بالعزم

گروم كلها مصگره وصيد الزلم

وانوت عله الموت لاچن ما تهـم

نضح كل منهم نبل مظروفه

تباشرت وانوت ويه حسين الرحل

يشد كل محمل ويتچَّفَل نفل

محوربه وناخت على الباب الابـل

وتزم لزمام الذلول چفوفه

مهودجه البل ناخت بعتبة الباب

للحراير عاهدوا نحمي الرچاب


والهواشم مشوسه وچن اسد غاب

واليصل چاس الحتف مرشوفه


عل الهوادج للحراير ارچبت

بس عقيلة حيدره تطلع ابت

گروم هاشم والذوايب شمّرت

مخدرة وبي للخلگ موصوفه

مخدرة وما تود تترك للخدر

يبت حيدر دونچ رماح وبتر


من سمع عباس اجه ليها يهَدِر

الظعن شال وبي تطوف سيوفه

يالعقيلة مخدرة ماني عدل

من العده لغدي الدمه ميازب تهل

شحد نذل يختي لعد خدرچ يصل

سدة اسكندر تچل تروفه

لمحملچ گومي يبت عقد الوله

يالگمر نادت كفو وحي وهله

والخدر آنه الذي متچفله

لچن خوفي يحين بدري خسوفه

نهضت ونادت يشيال العلم

من سمع زينب وصد ليها انهظم


بشيمتك اطلع ومدمعها انسجم

نشر للراية وشهر مرهوفه

بيده سل مذهَّبه وهز رايته

بگمر هاشم امّنت وبهمته


واركب الحرة عله هودجها الفته

وسارت بصيد الزلم محفوفه

هذي طلعه والها طلعه بكربله

بالعليل وبالحرم متچفله


هذي بالعز لچن ذيچه موجله

ميسره وفوگ الهزل مچتوفه


**************









اهداف نهضة الحسين عليه السلام

بنهضت حسين ابحث عل الهدف فكرة اصلاح سجلها بـشـرف
رسم عنوان للبشر بان
فكرة اصلاح سجلها بشرف
-------
انظر التاريخ شوف، شرايد حسين بنهضته
هو ينبيك الاخبار، شچان گاصد شنهو ظنته
راد كرسي وسلطة يحكم، لو على التحرير همته
افحص التاريخ وسِيَر * تنبي علََه بن سيد البشر * ثار بوكت بيه الخطر
شافه محدق فتك بامته
للظلم شاف بالامة عصف البل حكم ساد بالجور نوصف
ثورة فجر * بيها فكر * فكرة اصلاح * سجلها بشرف
-------
حسين شاف الامة جارت، من حكم جاير وظالم
الحكم بس همه الخراج، يفْرِضَه بقانون ظالم
خل تموت الناس جوع، بس يظل العرش سالم
متهمه صيحات الشعب* من الجور لو ثار وغضب* يحسبهَ هلثورة شغب
بيها من تحچي الوادم
لاچن حسين ما هاب وخذف ظلم الاشرار بالنهضه چشف
على الظلم ثار * بث بالامصار * فكرة اصلاح* سجلها بشرف
-------

رسم نهضته حسين بيها، يهد عرش الظلم رايد
إبه يمد ايده ويسالم، حكم بالتهديد سايد
الابي شلون لحكم ظالم، يخضع ويبگا يساعد
ينهض على صرح الظلم* ثائر وميهاب الخصم* الما يطمع بسلطه وحكم
يظل للثوار خالد
يظل نبراس ثوار الخلف كل شهم ثار من عنده ارتشف
اخذ نظره * فكرة حره * فكرة اصلاح * سجلها بشرف
-------
ضحه للنهضه حسين، هله واصحابه الاطايب
وبگا وحيد وبِذَل نفسه، ابد ما هاب الكتايب
وفتح منه خذت عبرة، انتفضت وگامت تحارب
تبعت فتح نفس الاثر* عهد الخطب عدها اندثر* بيها الشعب ثورة انفجر
يحرر ارضه من الاجانب
شعب الخيام بالثورة اكتلف والفتح صوت بالمدفع هتف
لازم نعود * نغرس اردود * فكرة اصلاح * سجلها بشرف
-------
شعب من ارضه ايتشرد، بداله الشذاذ تسكن
ذاك عاش بخيم لاجيء، هاي تتملك الموطن
بهذا هيئة امم قرّت، والها مجلس امن يعلن
منريد مجلس للشغب* البي يشتكي حگه انغصب*خل تترك الهيئة العرب
الهيئة هي لحگنه تغبن
صوت الاحرار بالحگ اعترف يرد بالسيف ميرد بالوسف
صوت الفتح * بالمدفع يلح * فكرة اصلاح * سجلها بشرف
-------
العرب خل تسمع نصيحه، عيب هيئة امم تنفع
شعب هيا سلبت ارضه، شلون بيها ردود يرجع
يرد بالعاصفه وجبهة، يرد بالرشاش مدفع
خلها العرب تاخذ عبر*من حسين بن عليا ومضر*بطف كربله ضحّه النحر
بعد ما ضحّه الرضع
ينصر الدين بالحومه وگف وعرش الاشرار بالنهضه نسف
من تِخذَّم * كتب بالدم * فكرة اصلاح * سجلها بشرف
-------
آه لولا الآه تنفع، لولا ما سهم المـگدر
ما يظل حسين وحده، ولا عليه العـسكر افتر
الچبد بمثلث تمرد، والجبين بحجر ينطر
تالي وگع من المهر * وتولته طعن وطبر * تفتر عليه من كل كتر
وشيبه من دمه تِعَفَّر
من الظمه ذاب دلاله وتلف وجدي عطشان للعسكر حلف
بموته عطشان * خط بالاكوان * فكرة اصلاح * سجلها بشرف
-------
ما كفاها الگوم چتله، هجمت على خيامه تنهب
فرت من الخيم خدَِّر، والثياب بنار تلهب
والعليل اعله الحراير، والاطفال بوَجِد ينحب
دمعه على الوجنه سجم* لحال الاطفال وللحرم* وينظر تشب نار الخيم
المرض أنحل جسمه ويلي، والدمع كت ما نشف



خلود الحسين عليه السلام واهدافه في نهضته
ابحث حسين مخذول انتصر عدل لو جور، رايد للبشر
شنهو فكرة، شعنده نظره، عدل لو جور، رايد للبشر
-------
حسين شاف الامه تاهت، والمباديء عدها كثرة
هذا كرسي يريد يحكم، والخلگ ختموت حسره
ذاك بس الطمع همه، بالدراهم شغل فكرة
أمة غدت متدهوره، شين الرجال تأمره، بأفكارها ترد ليوره
مستبد حاكمها بامره
نهج الاسلام بالامة اندثر بس الحسين يشعر بالخطر
بي تامل، عنه إسأل، عدل لو جور، رايد للبشر
-------
حسين شاف الخطر حايط، بامته من اهل المصالح
عهد لا ميثاق عدها، بالغدر تعلن تصارح
ما يهمها ابليس تتبع، لجل غايتها وتصافح
ما تحكم بغير الظلم، لنهج العدل صارت خصم، كلها لاجل كرسي وحكم
والتهَم سهم المكافح
لاچن حسين للامة نظر صارت تعيش بالذل والقهر
منها ينقم، الها يرسم، عدل لو جور، رايد للبشر
-------
نهض ثائر نهض مصلح، يِبِث أحكام العداله
اختار ارض الطف يكافح، بيها منهاج الجهاله
نشر رايه وراي عنده، بي يهد عرش الضلاله
فجر الثورة اللاهبه، عله عروش اميه الغاصبه، كل همته راعي الابه
يحرر الامه بنضاله
ينظر حسين للجور انتشر حزب الاشرار بالامه ظفر
بي تفكر، شنهو يضمر، عدل لو جور، رايد للبشر
-------
حسين بارض الغاضريه، ثورة للامه فجرها
الخصم الها عروش اميه، والتبع إلها ونصرها
حسين اجا بسبعين واحد، ذيچ سبعين الف ورها
ياهو الذي بيها ربح، منهو الذي منها انذبح، ميزان ياهو الي رجح

بالعدل انظر ذكرها
العرش منهار ظل دوم وعثر لاچن حسين خالد بالدهر
راعي ثورة، اِخِذ فكره، عدل لو جور، رايد للبشر
-------
افحص التاريخ وانظر، نظرة الباحث الناقد
لعد حكم يزيد يوصف، حكم غاشم حكم فاسد
فرق الامه وعليها، بالحديد ونار سايد
هذا الذي خاف وجزع، هذا الذي غرّه الطمع، هذا بوعد واهي شبع
هذا سلطة وحكم رايد
بالظلم ساد، عل الامه وجهر، لاچن حسين ما هاد ونفر
شنهو رايه، شعنده غاية، عدل لو جور، رايد للبشر
-------
رد اخذ جانب حسين، واسئل التاريخ عنّه
يگول عنه بطل ثائر، هو خط الـثورة سَنّه
رمز للثوار صار، كل نهج للثوره منّه
بنهج الحكيم انطي النصف، ناهض على الجور نوصف، بوجهه بعزم لمن وگف
ينصف المظلوم ظنه
لاچن الناس تاخذ عل الظِهَر تغشها الاشباح تترك للصور
نهض ليها، شگصد بيها، عدل لو جور، رايد للبشر
-------
تلح ذيچ الناس جانت، على حسين ولي كتبها
بكثرة تترى عليه رادت، ينهض يلبي طلبها
گصد ليها باهل بيته، بيه تغدر ما حسبها
بطف كربله لمن نزل، أنصار اله چان الامل، ما يدري تغدر بالعجل
انگلبت عليه بحربها
الكِتَب لحسين خان عل الاثر اتجمع عليه بالطف وغدر
مغمضه العين؟ ما تدري حسين؟ عدل لو جور، رايد للبشر
-------
طبع عدها الغدر چانت، ما رعت لحسين حرمه
بيه حاطت بالمواظي، بكربلا سفكت لدمه
غِده مْوَذّر ويل گلبي، ما خذتها عليه رحمة
انتدبت عليه خيل الكفر، وتحاشمت من كل كتر، لمن گضه طعن وطبر
-------
ما كفاها ضامي يگضي، تعمدت تگطع لنحره
خلاف گطع النحر عمدت، خيلهم تهشم لصدره
وظل ثلث تيام عاري، ما تچفن على الغبره
ذاري الهوى صار الچفن، والدم غدى غسْلِ البدن، تالي البدن وحده اندفن
البدن وحده اندفن والراس بگا ويه الحرم
----------------------

























أهداف الانصار

انظر الانصار تكتشف شعدها من اخبار وشتزف
شنهو مگصدهه، بكربله شعدهه، تكتشف
-------
انظر التاريخ ينبي الانصار للاهل عافت مابگت بالدار
ثارت ويه حسين عله الظلم من ثار
رادت من حسين تستشف منهل الثوار ترتشف
دايم الاحرار، جوهر الافكار، تكتشف
-------
نهضتِ الانصار ثائرة ويه حسين رضت من تموت تحيي صرح الدين
بالعرش خلدت من رضت بالبين
خيرةِ الانصار تنوصف خالدة القرآن يعترف
ابحث تثبت، مو رضت فرحت، تكتشف
-------
حسين للانصار نظرت عيونه گلها هذا الليل جمل اخذونه
هل عساچر هاي نحري يردونه
ل رواياها اللي ترف عدها بس حسين ينهدف
تشوفني ويه يزيد، احط ايد بايد، تكتشف
-------
سمعت الانصار گول ابو اليمه عرفت شيگصد من حچه الچلمه
هاجت وماجت بالعزم يمه
من العزم گامت ترتجف جردت بالـزود للرهف
من تصد ليها، من مواظيها، تكتشف
-------
هاجت الانصار من مرابضها شبول چنها الجوع والعطش كظها
جاوبت يحسين هاي نرفضها
كل فرد يحسين منشغف دونك وللديــن بالحتف
تعرف الفرسان، تالي بالميدان، تكتشف
-------
للبنين ومال والاهــل عفنا وللـحلايل كـل تـدري طلـگنا
نحمي صرح الدين والطنب ردنا
گلوبنا عله الويد هل تزف هيه والبتار چل ولف

ننظر عيونك، من نگف دونك، تكتشف
-------
باچر الميدان من يصير تشوف نغدي دم الگوم سيل بالمشروف
سدة اسكندر تچل بيه تروف
نظر الجيمان تنكشف وشمس امية نريد تنكسف
عليها هذي الگوم، باچر من نحوم، تكتشف
-------
من سمعها حسين شكر مسعاها وبمصارعها النفل دلاها
گصور بالفردوس عدها راواها
لو ولت هل گوم ما تعف بمنطق التاريخ تنقذف
من تجي الاجيال، تعرف المحتال، تكتشف
-------
حسين للانصار حشم الها وگال يهل صفوه اليوم بيكم الامال
حاموا عن الدين والحرم واطفال
تنسبي النسوان ينوسف باچر على النوگ تنچتف
تالي الوادم، تعرف الظالم، تكتشف

---------------












































شجاعة العباس عليه السلام

صال عباس عله جيمان الكفر

صال حي عباس من زم رايته
من لفه گروم العرب كل هابته

درعم عليه و شمّر ساعده
بيوم ظل مذخور اله من والده

جالها بسيفه وغدت منه اتخذف
عجز ملچ الموت ظل سيفه ايخطف

شتت الشوس الغدت بالبر تهج
الشرد مَنَّع والثبت راسه يشج

گصده يملك من حمل للمشرعه
لف رواياه الگمر چالصاجعه

تنوسمت زينب بابو فاضل الحيد
جال عسكرها وشرد ذاك العديد

شچخ بيها معسله ورد العلم چشف ذاك العسكر ومنه استلم

ملك بيده المشرعه وليها نزل
يرد بي للخيم كل گصده الفحل

لكد بمطهمه وگاصد للخيم
احنى ظهره لچن حز گلبه الولم

ارخا راويته وغدى يسجي الاطفال
بهل عمل عباس اشرف لقب نال
مشبل عله الفرس وگام ايهدر

وركب غوچه وگحمه الحومه الفتى
مصيت بسوح الوغى لهاشم بدر

ودار لرحي الحرب ويه العده
كرها وتنموس وظل بيها يكر

بحومته الابطال راواها الحتف
بالارواح وما سلم منه اليفر

خايفه وتيّهت من سيفه الطرج
فتك بيها وعين فارسها يگر

الچانت عليها الگروم موزعه
انصبت بطف كربله عله اهل الغدر


من نوى عله المشرعه وزلزل البيد
ما يطير بسمه الطير ويه الصگر


المشرعه واغده الجثث بيها خذم
عگب ما للروس خلاهه نثر

ملى الجود ورد رگا مهره البطل
يروي رضعان العطش بيها يضر

تلگته الاطفال عطشانه وحرم
وارخا الها الراوية ودمعه يخر

عنه تاريخ الطفوف بفخر گال
ساجي العطاشه واله خصمه يقر


















عتاب زينب لاخيها العباس عليه السلام

زينب لفت للعباس، والمدمع يكت اعبار
تگله من الوطن بحماك، تدري طلعت يلمغوار
----------
لفت يم الگمر زينب عدها ويا الچفيل عتاب
من شافت جيوش الگوم حاطت خيلها الاطناب
اجت متكدره من الخوف وي عباس عدها حساب
لفت والمدمع تهله، لخوها وتشعر بذله، تريد تحشمه تگله
من طيبه طلعت وياك وانت تهز بالبتار
----------
دخلت خيمة العباس، زينب والدموع تسيل
نهض گاللها يخيتي شجابچ بهل ليل
گالتله يبو فاضل اخاف الدهر بيه يميل
من بيتي اجيت وياك، من خدري اطلعت بحماك، بيك امنت يا فتاك
اجيت ومحملي محروس، باسمك يبن حامي الجار
----------
عفت الوطن يا عباس من تچفلت خدري
وعهد يا أبو فاضل طوگ برگبته تدري
لچن بارض الكرب حسيت باچر ينهتك ستري
باچر لو تعوفوني، اخاف الگوم ياذوني، أذل وما يرحموني
شلون تذل يبو فاضل تقبل بت علي الكرار
----------
بارض الطف يبو فاضل شو گلبي يحس بشر
عليمن هلجموع تحوم يم خيامنا تفتر
گلبي رجف يا عباس من تجمع العسكر
متگلي عل مخيم، عليمن هل فزع ملتم، تظن خلافكم تسلم
يو لاله يبن حيدر تشب اعداك بيها النار
----------
هم فكرت بخيامك باچر من يحرگوها
وين تروح هل عيله لو رادو يسلبوها
تحامي ارواحها يولا تحامي اطفال سحگوها
متحاچيني شنهو الراي، من يسگي اطفالي الماي، ترضى من انسبي لعداي
واشوف اطفال اخيي حسين بالبر هجت وطشار
--------------------














شكوى الحوراء زينب إلى اخيها الحسين عليه السلام

تودع زينب ابن امها وتگله يا ضوه عيني
باچر عگب عيناكم منهو اللي يحاميني
----------
زينب لفت يم حسين ولهانه وتجر حسره
تودعه وعينها بعينه لاچن بالگلب جمره
تگله يبن حامي الجار وتهلّ الدمع عبره
جيت من الوطن وياك، يخوي من طلعت بحماك، شلون تعوفني ويه عداك
شنهو العذر يبن امي باچر من تخليني
----------
عفت الوطن يل والي وآنه مخدرة تدري
عگب الوالد الكرار انته توزمت خدري
شلون بكربله يحسين تقبل ينهتك ستري
حاچيني يبن حيدر، شلون تعوفني تگدر، وحيده بّين هل عسكر
حرمه وفاگده الوليان بيها الدهر چاويني
----------
يبن امي لوطن جدنا ردنا يبن داحي الباب
صعبه من عگب عينك خويه اظل بين اجناب
ترضه شيمتك زينب بطف كربله بغير حجاب
شحال الراح واليها، منهو اللي يحاميها، العسكر لو گرب ليها
انطي الوجه عگبك وين باچر خويه حاچيني
----------
باچر من تشب النار بخيامك يبن حيدر
شِيْلِّم الحرم واطفال لو رادت تهج بالبر
شحالي من اشوف النار بطرف ثيابها تسعر
يظل مني الفكر محتار، أَلِمها لو غدت طشار، يو لا ألتهي بالنار
بخَيل ونار وبأطفال خويه شلون تبليني
----------
باچر من تجيني الخيل شنهو البُصر يل أمجاد
فوگ المرض للباجي من اهلي بالعمامه انگاد
من اشوف الگوم فوگ الگاع تسحب يخوتي السجاد
عليل وحيل ماله وحال، ودمعه عله الاهل همال، وحيد بولية الانذال
بعليل وعيله وبرضعان خويه اكتلف تاذيني
----------
باچر لو نوه العسكر خويه يطر بينه البيد
ارْكَب لو ارَچْْب اطفال يو ارْچِب حرم يا حيد
يو ارْچِب عليل الطف والجامعة مطوگه الجيد
منهو الحرم يا ظلها، من تركب يعاونها، والعسكر يعاينها
رِچْب العايله يحسين چاس الذله يروّيني
----------
باچر لو گضيتو شلون لو سار الظعن بينه
رِچْب النوگ يبن امي هِزَّل يصعب علينه
تقبل عگب ابو فاضل يصير الشمر والينه
من ابچي وتهمل عيوني، بسوطه يوَرِّم متوني، يهون الكم تعوفوني
وحيدة بّين گوم اشرار منهو اللي يباريني
--------------------

وصية الحسين عليه السلام إلى شقيقته زينب

زينب لفت ولهانه، يم حسين واليها
بيه تلوذ كل ظنها، غده بعيلته يوصيها
----------
زينب من لفت لحسين والمدمع يكت عبار
تگوم وتگع من تگوم والدلال يلهب نار
ناداها السبط اوصيچ يختي يبت حامي الجار
انتي لنهضتي تحيين، البيها انجيم صرح الدين، مو هذا الوكت تبچين
لارض طيبه من تردين هلي العين جاريها
----------
يختي باچر الانصار كلها تنذبح بالطف
وخوتي وكل أهل بيتي بيها يخذِّم المُرهف
مايبگه إلي ناصر وحيد بكربلا اوگف
والعسكر عليَّ ايدور، من تخله من اخوتي الدور، الچانو حصن دوني وسور
وحيد بحومة الميدان ابگه بّين ضاريها
----------
يختي وباچر تشوفين يم المشرعة عباس
چفوفه مگطعه وعامود يختي يشج منه الراس
الراية بجانبه والجود يمه والرمح والطاس
وعينه بسهم مطفيه، گمر هاشم چسف ضيه، لمن وگع ماضيه
ظهري انجسم وخيامي راح الچان حاميها
----------
يختي وباچر من آخذ عبد الله الطفل وياي
ضامي واطلب من الگوم يسجونه باديهم ماي
بدال الماي يا زينب يوگف حرمله رماي
يفطمه بنبلته لطفلي، ونحره ينگطع گبلي، ياهو اللي حمل مثلي
رضعانه على ايده الگوم چاس الحتف ترويها
----------
يختي بالصبر اوصيچ باچر من تشوفيني
وحيد بّين هاي الگوم يختي وفاگد معيني
برماح ونبل وسيوف بالحومه موذريني
والجبهه بحجر تنطر، وگلبي يمرده العسكر، بالمثلث يبت حيدر
والف وتسع ميه جروح بيَّه تصير تاليها
----------
باچر يبت حامي الجار يحز راسي الشمر فرحان
وعگب الذبح يا زينب تلعب خيلهم ميدان
عشرة من الزلم تركب تِهَشْم ضلوعي العدوان
راسي من يگطعونه، وصدري من يرضونه، إلهم دين يردونه
لچن رضعان شلهم دين عدها نبال ترميها
----------
يختي باچر العسكر تشوفينه عليكم دار
گصده يفرهد خيامي وبيها يشب تالي النار
يختي والحرم واطفال بالبر لو غدت طشار
كلهَ تشرد من الخوف، بيهَ الخيل تبگه تطوف، دمعها على الوجن مذروف
يختي مكلفه بلمها ومن الخوف أمنيها
----------
عگب حرگ الخيم يختي نيب الهزل تتجدم
يِسْبُوكُم خلافي الگوم مثل الروم والديلم
برَچْب العايله باچر غيرچ منهو يتوزم
بهيده من ترچبيها، اخاف الگوم تاذيها، ما يرحم اليوليها
ولو سار الظعن بالبيد انتي اللي تباريها
-----------------------











































عتاب زينب لاخيها الحسين عليه السلام في ليلة الوداع
¬¬¬¬¬زينب لفت لحسين تسچب العبره
تودعه وتزيد اعتاب والگلب جمره

*****
زينب لفت لحسين وتگله يحسين
اكتلف بالرضعان لو بالنـساوين
لو رحتو يل وليان انطي الوجه وين
شلون اكتلف يحسين وهمومي كثره

*****
من اكتلف بالرضعان ينهتك ستري
بيهم اهم يحسين يو همي بَـسْري
من اكـتلف بالنـسوان افگد لخدري
لو ظعني سچ بالبيد يبن امي واسره

*****
عيلتك والاطفال تدري چثيره
صعبه من اظل يالحيد عگبك يسيره
مخدره تلمهَ شلـون يبن امي حـيره
والگلب يل مظلوم مو نفذ صبره

*****
شنهو البُصُر يحسين لو چلچل الليل
من يرد عني الخيل لو تهجم الخيل
ابگه أَلِم بطفال لو أرعه العليل
بهل حاله يل عطشان ما تلقي نظره

*****
شنهو العذر يحسين من تعوفوني
تدري الشمر يحسين يوجع امتوني
حرمه وأدير العين لليسلبوني
بسوطه من گولن آه وامك الزهره

*****
عسكر عداك شلون يبن امي لو دار
شنهو البُصُر يحسين لو شبوا النار
بخيامك وفرهود تصبح للاشرار
خويه وعلي السجاد محتاره بامره

*****
لو هجَّت بهل بيد يبن امي الاطفال
يهونلكم بهل حال ابگه ويَ الانذال
وتبگه الحرم يحسين ماعدها چفّال
شربي النياحه يصير وغـذاي حسره

***************

شكوى الحوراء زينب إلى اخيها العباس عليه السلام بعد مصرعه

گوم عباس لهلي وديني
شلون ترضه ميسره تخليني

؛.؛.؛.؛.؛.؛
تچفلت عباس ظعني من الوطن
ليش تالي بكربله خاب المظن
سرت ترفل رايتك ويه الظعن
بيك يل ضنوه واذل ترضيني

؛.؛.؛.؛.؛.؛
گوم شوف اختك يشيال العلم
تحيرت بطفال يل حيد وحرم
عگبك العسكر على خْـيَمها هجم
وانته بيه تچفلت تحميني

؛.؛.؛.؛.؛.؛
شلون يحلالك تخليني بخطر
ريت سهم الصاب عينك والگدر
شنهو عذرك من تغض عني النظر
صابني وگبل اليسر يفنيني

؛.؛.؛.؛.؛.؛
گوم عباس الخيم شبت بنار
والتفر ينسلب من عدها الازار
عل حراير شمتَّت گوم الاشرار
شلون اَلِم هذي الحرم حاچيني

؛.؛.؛.؛.؛.؛
شلون تقبل شيمتك عگب الخدر
ريت گبلك خذّمَت بيه البِتِر
أنْسِـبي ويـِنْهـِتِكْ من عندي السِتِر
ولا أظل عگبك أدير بعيني

؛.؛.؛.؛.؛.؛
اگعد وشوف العده جت بالهزل
من ارْچِب الحرمه يگع مني الطفل
بچَت عيني وما بگه بيها وشِل
والعليل بحالته ماذيني

؛.؛.؛.؛.؛.؛
اگعد وشوف الابل ما تنرچب
شلون تقبل شيمتك بيَّ انسلب
والحراير ترگه عل الهزل صعب
وأستر لوجهي صرت بيميني

؛.؛.؛.؛.؛.؛
أرچبونا النيب كلهه بلا غطه
من التفت سوط الشمر متني سطه
الحرم وطفال بحبل متربطه
الشمر عگبك تقبل يباريني

؛.؛.؛.؛.؛.؛
حرم وايتام الظعن بيهم سره
الجامعه بجيده ويهمل ناظره
مالهم غير العليل ميسره
وآنه حرمه وفاجده لمعيني

؛.؛.؛.؛.؛.؛
بالحرم عل المعركه ظعني سعه
گلت يلحادي اگف خَنْوَدِِّعَه
شفت جسمك يل گمر عل مشرعه
الشمر گام بسوطه ايناديني








































محنة الامام زين العابدين

استنتج وشوف وابحث عل الاثر
شعنده نظره
بزين العباد شتگول السِيَر
شعنده فكره

بزين العباد شِتگول السير
^^^^^^^^^^
تصفح التاريخ شوف شينبي عن والد الباقر
نهض للظالم يكافح يو بگا گاعد وصابر
اعتزل دنيا الناس بيها بگت للظالم تساير
منها يغر بيها الطمع، ومنها على الذل انطبع، ومنها الظلم عدها ولع
ومنها بالاسلام كافر
ينظر الناس تمشي على الخطر
بِعَد عنها
والظلم ساد على الامه وظهر
گِرَب منها

بزين العباد شتگول السير
^^^^^^^^^^
شاف ابو الباقر الوادم غدت للظالم تعينه
ناس كلها تعيش بالشر والحزازات وظغينه
كل فرد منهم بابخس ثمن صار يبيع دينه
عبره اخذ من كربله، من غدرت بگومه وهله، ما وثّق وياها الصله
اعتزل بس اتهمل عينه
يتذكر حسين مگطوع النحر
نهض بالثار
يتذكر حسين من دمه انهدر
گعد بالدار

بزين العباد شتگول السير
^^^^^^^^^^
فگد يعگوب يوسف هزل من فگده وتعذب
ظهره محني عليه وعينه ابيضت وعل فرگه شَيَّب
فگد واحد يدري سالم يرد بالسلطنه مهيب
السجاد فاگد عل النهر، من هاشم العليا گمر، ويا فگد ستة عشر
كل فرد منهم مسلب
ينظر حسين كل جسمه وذر
يعگوب انعرف
وكل هله يشوف حف بيها الگدر
مهموم انوصف

بزين العباد شتگول السير
^^^^^^^^^^
اخذ ايوب العليل وابحث بحاله وناظر
نوصف صابر چي عليل وصحبته منه تحاذر
لاچن السجاد بالطف هم عليل يشوف غادر
يهجم بنار عله الخيم، ينهب ويسلب بالحرم، ينظر هله كلها خذم
ما اله بالگوم ناصر
ينظر اطفال بالنار اتعثر
صابر قنع
ما حصل حيد للخدّر نغر
يو لا جزع

بزين العباد شتگول السير
^^^^^^^^^^
تصفح التاريخ يوصف خمسة بكائين حسره
آدم عله الجنه يعگوب عله يوسف احنه ظهره
وعلى الوالد نِحَب يوسف بچت عل المصطفى الزهره
لاچن علي دمعه همل، عله حسين ولباجي الاهل، عل الخدّر اللي بالوجل
عله الرضيع الدمع عبره
بچه الانصار ولصبية مضر
ياهو الاشد
بچه العباس مرمي على النهر
ظامه الوعد

بزين العباد شتگول السير
^^^^^^^^^^
كل عليل انعرف واجب هله تداويه وتباري
وعلي عله الهزل تباشر من غده بالظعن ساري
والطبيب الشمر صار بسوطه لمتونه يداري
ضامي العطش فت چبدته، مچتف لزينب عمته، والجامعة تحز رگبته
ودمها ويه الدمع جاري
والاشد حين للكوفه نظر
بممشه الظعن
وبلدة الشام شر منها وامر
شكابد محن

بزين العباد شتگول السير
^^^^^^^^^^
بگه سجاد الهواشم خلاف يوم الغاضريه
ينحب شما ذكر عَوده وصحبته والطالبيه
ينحب شما ذكر زينب عل هزل والفاطميه
بهذا الوضع ظل معتكف،عنده البچه غاده وولف،من الماي ماراد الرشف
راد مِنِ الدمع ريه
يترك النوح ما راد وگدر
شنهو شسلك
ينسه الحسين يو عيد الظفر
لبچا ترك

بزين العباد شتگول السير
^^^^^^^^^^
ترك لذة الكرى وساهر بالوجد من المصايب
وغدت تترى عليه شتى من المحن ومن النوايب
اجتنب دنياه لهشام الما رضا عنه يجانب
سمه ومرَّد چبدته، خلا يلوج بحالته، يذوب الصخر من ونته
ودع عياله وسلَّم للگدر راعي الحميه

^^^^^^^^^^^^^^^^^^^^




















دعوة العباس عليه السلام للتوجه إلى الحسين عليه السلام ثم إلى الله
لطلب مولود لولده الحاج عبد الكريم وزوجته العلوية فاطمة بعد ان تاخر ذلك ثمان سنوات تقريبا، فقال( في محرم الحرام في اليوم الذي تعود الشاعر المرحوم ان يطبخ به بثواب الحسين في كل جمعة بعد العاشر من المحرم) مناجياً:

يل عباس گوم وياي يم حسين وصحابه
انته وزيره وقائده للحاجه انته بابه

**********
انهض يشيال العلم گوم وياي
خادمكم آنه ومعتنيكم شچاي
نتعنه لحسين الگضه وما ظاگ گطرة من الماي
مطلب الي عجَّز الطب واطبابه

**********
يحسين اريد انخاك تنخه الموجود
يحفظ بنيتي فاطمه ويمن عليها بمولود
ابجاه امك فاطمة عله المعبود
باري الكون هل مطلوب بيكم يهيأ اسبابه

**********
اسأل وارد ردود يبن الزهره
بجاه الطفل- لابني طفل- وي نحره
إلمن الخادم يلجأ بكل عسره
تسره لكريم وتِسِر كل احبابه

**********
لهنا يگف نظمي يبن حامي الجار
بي نفرح بجاه النبي المختار
وانتظر ست شهور منّك شنيار
ونذرك يحگ بعاشـور للعشه وريح اطيابه


( إلى هنا ظل الشاعر المرحوم كاظم شحاثة الزاهد ينتظر ولم يكمل القصيدة ينتظر استجابة الحسين عليه السلام لدعائه بالشفاعه بان يرزق ولده عبد الكريم طفل من زوجته العلويه فاطمة وفي شوال وقبل ان تدور السنة استجاب الله دعائه بشفاعة الحسين عليه السلام ورزقوا بابنة اسماها والدها (( نور الزهراء)) فاكمل القصيدة المرحوم كاظم شحاثة الزاهد قائلاً:
ننتظر ظلينه اليوم الموعود
بجاه حسين طفله اجت چنها ورود
ولن فاطمه يرزگها ربها بمولود
اتسمت بنور الزهره جدها حسين اسبابه

**********
يحسين كاظم خادمك كل عمره
بيك استجاب الله اله بهل زهره
ممتن الك والله بنوره الزهره
ما ينسه هلشنيار ابنوره الحبابه


*******************

















استنهاض الحجه عليه السلام

يمته يالغايب تجيس عنانها
وتجلي عن هاشم العليا احزانها

^^^^^^^^^
يمته يالغايب تلوح مطهمك
شتعتذر ما تطلب بثار لهلك
وتغدي ثامن سمه على عداك الرمك
ضاع بالطف عد ابن سفيانها

^^^^^^^^^
شنهو عذرك من تغض عن كربله
نسيت المثلث يبن عمر العلا
نسيت بالطف جدك الدم غسله
المرد دلاله وهوه بميدانها

^^^^^^^^
نسيت جدك من هوه من المهر
تولته وتفتر عليه من كل كتر
غدرته الگوم وطبع عدها الغدر
بالصوارم والسهام وزانها

^^^^^^^^^
نسيت جدك من وگع فوگ الثره
تدري عگب الذبح لحسين شجره
رگه عليه الشمر ويحز منحره
ترض صدره تحاشمت فرسانها

^^^^^^^^^
نسيت يبن العسكري راعي العلم
والسهم للعين طفاها السهم
عله النهر راسه بعامود انهشم
وگَطِع چفينه اشتهر تبيانها

^^^^^^^^^
نسيت يبن الحسن أهلك والاصحاب
الغسل دمها والچفن ذاري التراب
من گضت بالطف چتل دون الاطناب
معفره وبغير روس ابدانها

^^^^^^^^^
نسيت جدك من گضه عگبه شصار
سلبت ونهبت عقايل حمه الجار
هجمت عله الحرم كل گوم الاشرار
وبالخيم تسعر غدت نيرانها

^^^^^^^^^
نسيت يوم خيامكم تلهب غدت
والحرم بعد الخدر تدري نولت
والاطفال تبرهجت وتفازعت
مذعّره ظلت عگب وليانها

^^^^^^^^^
نسيت يوم الجدمو نيب الهزل
الحرمه من ترگه الابل يوگع طفل
منهو يرْچِب للفواطم عل ابل
شلونها اللي تنولي لعدوانها

^^^^^^^^^
نسيت يوم السار بالعيله الظعن
ميسره تمشي فلا چان المِظَن
صار واليها الشمر يبن الحسن
تستر بچفها عگب فتيانها

^^^^^^^^^
نسيت جدك زين العباد العليل
من ايده وساگه وجيده الدم يسيل
الجامعه مطوگه لجيده يحن ذليل
وعينه تهمل ما نشف جروانها

^^^^^^^^^
نسيت عماتك مشت متيسره
بسوط ينشف منها لو مدمع جره
الشمر على اليمنه وزجر عل ميسره
متونها سـودّت يبن عدنانها

^^^^^^^^^
نسيت طبت عمتك للكوفه
من الخوراج صارت وملهوفه
مخدرة حامي الحمه المعروفه
بيها سفيان اشتفت لضغانها

^^^^^^^^^
نسيت يوم الطبت لديرة الشام
مكيفه بعيد الظفر نشرت اعلام
بيها نامت عين ما چانت تنام
وغدت تتمايس طرب بالحانها

^^^^^^^^^
نسيت عيلة جدك بمجلس يزيد
الازر مسلوبه وتلاوذ لِوَت جيد
مچتفه وسجادها بايده الحديد
تِوِن تندب صار كل دَيدانها

^^^^^^^^^
نسيت يبن العسكري طشت الذهب
بعوده ينكث مَبسِمه ويا للعجب
بيه راس حسين ليزيد انّصب
عينك تغضها وتطبگ اجفانها

^^^^^^^^^
نسيت كل اهلك گضت سم وچتل
الصبر ملَّك يمته من صبرك تمل
وانذبح بالطف ظمه حتى الطفل
الزلم مطلوبه شذنب رضعانها

^^^^^^^^^
يمته تنهض تنشر لراية بدر
نوع من الذل يگولون الصبر
وتاخذ بثاراتك من اهل الغدر
ودوم ما تقبل تذل اعيانها

^^^^^^^^^
يحگ بثلاثه الجهاد وينفرض
والك كلها انهدرت وما تنتهض
اليعتدي عله الدين والمال وعرض
شوكت چا تنهض يعزها وشانها

^^^^^^^^^
شلون الك عيشٍ يلذ لو يلذ نوم
بيها ذلت هاشم وعندك علوم
والك بالطف خدّر توَلَّت الگوم
اشد ذل ثاراتكم هجرانها

^^^^^^^^^
مَلِّتَك صبرك وسيفك والمهر
ماتهيج شيمتك يبن الطهر
العفه لصبرك تحمل الذل شكثر
هاشم الذلة تظل عنوانها


^^^^^^^^^^^^^^^^^^





























تمسك الشيعة بالعادة السنوية الحسينية

يحسين دخيلك عل عاده
تعودنا مياتم نحييلك
هم نتطبر دم نجريلك
نعزي ونلطم هم نبچيلك
كل الناس العام وسادة

يحسين دخليك عل عاده
عزيات انجيم ونتعنه
نرد ونلطم نحزن حزنه
يم حيدر والصحن نرجنه
ونعزيه بچتل اولاده

يحسين دخليك عل عاده
بشهر محرم كل الشيعه
تبذل تصرف للتوزيعه
تلبس اسود وهي مريعه
الكل منهم يطلب لمراده

يحسين دخيلك عل عاده
ينذر لمصابك بالحاجه
الباري بجاهك يگضي مراده
ونار بگلبه تظل وهاجه
يظل نذرك زاده وزواده

يحسين دخيلك عل عاده
هذا يوزع چاي وشربت
ومنها فواكه تنطي تعودت
وذاك يوزع ماي وينهت
يطبخ منها يوزع زاده

يحسين دخيلك عل عاده
عاده وصارت عند الوادم
ويريد يكافحها الظالم
تتكرر كل عام ولازم
ما يگدر نمشي عله عناده

يحسين دخيلك عل عاده
عدنه ايام نزورك بيها
منها الركبان وما بيها
نتعناك انصِّر عليها
ومنَّه اليتعناك بياده

يحسين دخليك عل عاده
احنه اولاد الانزع نتبع
خله الظالم كلما يصنع
ج كل عام العاده وما نگطع
احنه گباله نسوي زياده

يحسين دخيلك عل عاده
يحسين احمينه من الظالم
لاچنها بحبك مَتسالم
يظهر ياخذ ثار اجـداده
عل ويلاد تخاف الوادم
تتحده الظالم بالقائم
يـحسيـن دخيلك عل عاده

يـحسيـن دخيلك عل عاده
-------------------















سُجِن الاخ محمد بن حسن عطيه زاهد مع مجموعة من الشباب المؤمنين ايام الطاغية المقبور، لانهم ذهبوا الى مرقد سيد الشهداء الحسين بن علي عليه السلام مشيا على الاقدام، وعند خروجهم من السجن قيلت بحقهم هذه الابيات من الابوذيه.
هله يل حامل وسام حسين يلعود
ريح البيك اشم لـحسين يلعود
يعود اليوم بي لحسين يلعود
بجاه حسين والزهره الزچيـه
%%%%%%%%%%%%%%%%
فداك الراع گلبك يخي والماك
خليني ارشف شفاك والماك
لجل حسين سجنك شرف والماك
زچي وتشفعلك الزهره الزچيه
%%%%%%%%%%%%%%%%
يحيد الزلم و الطيبات والروح
لحسين الزياره شرف والروح
وسميك نظل الهم خدم والروح
وجزه الخدمه على الزهره الزچيه
%%%%%%%%%%%%%%%%
الشيعه ابطال والهم باع منباع
بضمايرهم الحب لحسين منباع
يبيعون العمر ويريد منباع
اجر يـ( محمد) الزهره الزچيه

%%%%%%%%%%%%%%%%%%%%

عندما مرض الامام الحكيم بعجز الكليتين، سافر الى لندن للتداوي فقيلت هذه الهوسات بعد سفره توسلاً الى الله جل شانه بالمعصومين عليهم السلام واحدا واحدا.

يباري الكون تصرخ امة الاسلام
تود منك تشافي مشَرِّع الاحكام
سهدت عينها وبالوِجَل تئبه تنام
يل علام دخيلك سيد محسن

**********
يل مرسول بالحگ ترشد الافكار
نود تشفي الحكيم وخل يرد للدار
انت من الرمد شافيت للكرار
يل مرسول دخيلك سيد محسن

**********
يل مشَيـِّد الدين بسيفك البتار
للمحسن تجيره يامجير الجار
عليك بكسر ضلع الطهر والبسمار
يل كرار دخيلك سيد محسن

**********
يل زهره الگلب مالوم بِلهَم ذاب
للمحسن تشافيه واگولن طاب
عليج اقسم بحيدر والسگط بالباب
ها يل زهره دخليچ سيد محسن

**********
الك يل حسن كل همي والك شچواي
تشافي المحسن تعافيه من كل داي
عليك اقسم باخوك الما روه من الماي
يل مسموم دخيلك سيد محسن

**********
يمگطوع النحر يلي حييت الدين
تشافي المحسن وتكفيه من كل شين
بسبي اختك عليك وبالطفل يحسين
يل مظلوم دخيلك سيد محسن

**********
يل باجي بيوم الطف عليل وحيد
تشافي المحسن البشفاه عندي عيد
عليك بوحدتك والجامعه والگيد
يل سجاد دخيلك سيد محسن

**********
يا باقرعلوم الدين يمألف بفنها اطراس
تشافي المحسن وتْروي بچفـك چاس
عليك بوگفتك لهشام وبمدين يراعي الباس
ها يل باقر دخلك سيد محسن

**********
يمذَهِّب الدين بمذهب العلام
تشافي المحسن الرافع لوه الاسلام
عليك اقـسم بزينب من مشت للشام
ها يل صادق دخلك سيد محسن

**********
يباب الحاجه حاجه وياك الي وعلوم
تشافي المحسن الحفظ الصلاه والصوم
< عليك بجدك البطَّف گضه مظلوم
ها يل كاظم دخلك سيد محسن

يبن موسى الرضا بنداي اتعناك
تشافى المحسن وبشفا تغيض عداك
عليك اقسم بسمِّ اللي فتك بحشاك
يبن الكاظم دخلك سيد محسن

**********
يَمَن للجود سنيته يتاسع يمة الرحمن
تشافي المحسن ويرجع لبحثه ويرجع الديوان
عليك بمنهج الاسلام وشما شرَّع القرآن
ها يمحمد دخلك سيد محسن

**********
يل هادي علينه انطبج والهم چلچل وخيم
تشافي المحسن تعافيه ومن المرض خل يسلم
عليك بمحنتك ياحيد ويه المعتمد والسم
ها يل هادي دخيلك سيد محسن

**********
حيلي ركد من الوجل يل عسكري ونومي جليل
تشافي المحسن ويرجع يحافظ محكم التنزيل
عليك اقسم بجدك من مشه للشام وهو عليل
يبن الزهره( يابو المهدي) دخيلك سيد محسن

**********
يل صاحب نعيش بذِل بعد كافي
بسگط محسن عليك المحسن تعافي
غده دينك شبه گشه ببحر طافي
ها يل غايب دخلك سيد محسن

********************
























قيلت هذه القصيدة تقريضا لديوان روضة الزاهد للشاعر محمد علي شحاثة

روضة الزاهد غرس باريها
مزهره ودر النظم جاريـها

-------
ناظم الروضه جره واروه الغرس
الزاهد الفلاح وافكاره درس
مايه من عين الحياة اثمر طرس
الناشئه بي تقتدي وقاريها

-------
الزاهد الروضه غرس بيها وبذر
غدت روضه مبستنه وتنتج ثمر
فكر نامي وجرب بحقله فكر
يبهج العين ويظل غاريها

-------
روضة الزاهد زهد بيها وجاد
يمدح ويرثي غدا بس للامجاد
زهد بالحب والغزل كل غرس باد
عترة الهادي وشرف طاريها

-------
من بِدَه محمد علي ينظم شعر
البيت بالعتره اله الجنه اجر
وطرق ميدانه رسخ مـنه الفكر
بشعره ظل للعتره ايباريها

-------
مدح للعتره واطنب بالمدح
بگلب مهديها وبگا بعتبه يلح
يرثي الها وبالرثا احدث جرح
يگله جدك چَفَّنَه ذاريها

-------
هجر دنياه وبگه ابن شحاثة
يگله جرنه من الزمن واحداثه
نفسه للمهدي عتب نفاثه
شيعتك بيها فتك ضاريها

-------
شحث مدية شعره بمدح الامجاد
رشف حبهم وانتهج نهج الرشاد
بيها هزَّر روضته وبالمدح جاد
بمنهج الهادي الملا يساريها

-------
خصص الزاهد شما عنده نظم
وبعض شعره رشد للمسلم يضم
لاهل بيت المصطفى وكشف الظلم
بهل غرس ظل روضته يداريها


--------------------



















قيل هذا البيت من الموال اهداء الى روضة الزاهد للشاعر محمد علي شحاثة رحمه الله ايضاً

طفت بحمى الحيد صاحب كربلا والبيت
بروضة الزاهد ردت منه الحكم والبيت
بتوت الدليل تلفت فد بت بگا والبيت
شاعر الروضة بهالبت روضته زهـره
بمدحه ورثاءه بشرف بيهن رگه الزهره
منه هديه لعد بنت النبي الزهـره
تقبلها منه وتشفعله بجاه البيت


-----------












قدم السيد هادي الطباطبائي الحكيم الى( روضة الزاهد) للشاعر المرحوم الشيخ محمد علي شحاثة فشكره شاعرنا المرحوم كاظم شحاثة بهذا البيت من الموال رحم الله السيد هادي واسكنه جنته

من وره المگصود باري الكون ادره وعلم
بحر الخطابه خضت ياما وبحر العلم
منها مياسم بالجبهة ومقول علم
نبراس الاصلاح ولنهج الشرع هادي
خلف جواد الهواشم والنعم هادي
شكر الزواهد اله وشحـاثة انا هادي
خالد بالايام مگصد للشريعه وعلم


--------------------











الابيات القريض في هذه المقطوعة للشيخ الجليل الشيخ محمد علي اليعقوبي والمباراة للمؤلف

لك ايها الدين الحنيف بمهجتي
جذوات اشجان يشب ضرامها


الكفر بالدين تدري شعمل شبله
غده بي يستخف وتبع شبله
على الدين الحنيف الگلب شبله
بجذوات الاشجان و نار بـيه

-------
ابكي لشرعتك التي قد ضيعت
ولحرمة لم يرعَ منك ذمامها


على ديني ضلوعي انهشمت وحنيت
الملحدة خضبت چفها وحنيت
بچيت لشرعته ضاعت وحنيت
ذمه لحرمته ما رعت هيه

-------
ما خاصمتك يد العدى لو لم تكن
ابناؤك اختلفت وطال خصامها


العده ابواب الهدايه تود تصدها
الغرض للناشـئه عنها تصدها
العده متخاصمك لو ما تصدها
ابنائك تختلف تختصم هـيه

-------
لك نور قدس حاولوا اطفائه
والله يأبى ما تروم لئامها


مرسول لامام العصر وديت
الكفر عل شيعه فرضت فرض وديت
تطفي لنور قدس الدين وديت
والله إبه إلاّ يِتِم ضيه

-------

وقد استبيح حماك بعد حماته
والاُسد ان غابت يُداس اجامها


دين الحگ لسوگ الحگ حماته
تشخص تأبه انت تذل حماته
حماك انباح من راحت حماته
تنداس ان بگت غابة خليه

-------
شُلت اكف معاشر قد فوّقت
لحشاك عن قوس العناد سهامها


عبيط العين لجل الدين شلت
وعيب جروح گلبي چفوف شلت
چف معشر تصيب احشاك شلت
من قوس العناد سهام هيه

-------
ايقضت للرشد الورى من بعدما
قد طال في ليل الضلال منامها


الرذيله سادت استعرت وچانت
واهلها مطوبسة ضلت و چانت
ايقضت الورى ترشد وچانت
بضلال منامها طال الردية

-------
ما امة نهضت لحفظ كيانها
الا وانت الى النهوض امامها


مناهج الك ما تعرف قيمها
الخلگ منها جليل اللي قيمها
ما امة نهضت تحفظ قيمها
الا انته الهل نهضه سجيه

-------
من علمك اقتبست وفيك قد اهتدت
وعلى نظامك اسست احكامها


عله نهجك لنجم سهيل وعلا
العاقل لعد رشدك دوم وعلا
بعلمك تقتبس تقتدي وعلا
نظامك اسست احكام هيه

-------
ان تدمي قلبك وخزة أو ضربة
منهم فاهلك رمحها وحسامها


ديني مصوِّل على الذل وضربة
وفتك بالعارضه عمدا وضربة
وخزه لو دمت گلبك وضربة
هلك الها رمح وحسام هيه


--------------





















ابيات القريض هنا ليست للشاعر بل تاثر بها فباراها

ماذا اقول بمن حطت له قدم
في موضع وضع الرحمن يمناه


حيدر يعم للاسلام يمناه
وكل عاقل شفيعه يكون يمناه
شگول آنه وباري الكون يمناه
بمچان عليه رگه جدم الشفـيه

-------
ان قلت ذا بشر فالعقل يمنعني
واختشي الله من قولي هو الله


بحيدر نلت گصدك يمنعاني
انه محير بشخصه يمنعاني
من اگولن بشر عگلي يمنعاني
واخاف الله ان گلت رب البريه

-------
يا آل بيت رسول الله حبكم
فرض من الله في القرآن أنزله


الشرچ يا ناس للايمان نازل
تالي الحگ يحگ والشرچ نازل
حبكم فرض بالقرآن نازل
يهل بيت الرساله الاحمديه

-------
كفاكم من عظيم الفضل أنكم
من لم يصلِّ عليكم لا صلاة له


البَغَض آل النبي هبهب صلاته
السبب ما وثَّق وياهم صلاته
كفاهم فضل ما تقبل صلاته
العليهم ما يصلي الهم سجيه


--------------------












الاجتماعيات والمعاتبة

































وصية الى ولدي

ريض يبني ونفسك اتولاها
وخلي مقياس العقل مجلاها

-------
ريض يوليدي واخذ مني النصح
درجة درجة اللي يود يرگه السطح
خلي طبعك ليِّن ودومه سمح
واليشب لرويحته يبلاها

-------
ريض يوليدي واخذ مني النهج
اللي يحب للخير للعليه ولج
أرضه من تحچي عدل تگعد عوج
والتحب الشر سقر مصلاها

-------
ريض يوليدي واخذ مني درس
تنعرف باخلاقك ولا باللبس
البشر حِب الها شمتحب للنفس
الخُلُق باقي والهِدِم تبلاها

-------
ريض يوليدي واخذ مني العدل
عمل يومك من يظل باچر تچل
ولرفاق السوء من عاشر يذل
تدور بيك الدايره متلاها

-------
ريض يوليدي واخذ مني الرشد
لعد ايامه وتظل مُر الوِرِد
الشهر لو مالك خبز بي لا تعد
ودنيتك فاگد لعد احلاها

-------
ريض يوليدي واخذ مني النظام
الزمن گبلك للبشر ما بگه ودام
الحجر لو ميعجبك ايشجلك الهام
لا تحاول صحبتك تعلاها

-------
ريض يوليدي واخذ مني الخبر
تأنه تسلم والعجل بيه الخطر
شهر امشي وابد لا تطفر نهر
أشد أخطار الفكر عجلاها

-------
ريض يوليدي وخل نفسك تطيب
النفس لو شذت لصاحبها تجيب
خاليه من العيب لو رادت تعيب
سمعه سيئه وتهبط مْنِ علاها

-------
ريض يوليدي واخذ مني العلم
يبني بالآمال لاچن عل وهم
اللي يراقب للخلگ عمره يهم
تورط ونفسه بشَرَك خلاها

-------
ريض يوليدي وعلى الحگ ارتكز
أبد ما يغني الحسد روحك يحِز
والقناعه للرضا بيها كنز
اللي بلش بيها يفت بچلاها

-------
ريض يوليدي واخذ مني النصر
من تحس عندك خطأ بي لا تصر
لا تهدم الكوخ لوشفت القصر
انتصح واترك فكرتك واسلاها

-------
ريض يوليدي وظل دافي الحلگ
لا تخلي الباطل عله الحگ يحگ
واليدگ باب الخلگ بابه تدگ
من رجال ابليسهم وسلاها

-------
هذا يبني بعض منهاج العدل
دوك يبني وثِّق وياه الوصل
من تزل عنه الجدم منك تزل
تعيش بين الخلگ حگ اولاها

-------
هذي يبني وصيتي الها تطيع
احذر بوادي العمى تظل وتضيع
ريتك وتغدي الگلب مني هجيع
وعن طريچ الحگ تضل تـتلاها


--------------------

مقاييس الرجال

ضاع مقياس الزلم واعرافها
بعصر صار المال كل اوصافها

-------
الزلم الها مياسم البيها تعرف
الاجيال السالفه كلها تاَلَف
دوم والمقياس ينصب عل هدف
للاخلاق وكل فرد صرافها

-------
الاجيال السابقه چانت تقيس
هذا حر وذاك عبد لهوى ابليس
بالموازين الزلم والها تجيس
عايشه والمجتمع مكشافها

-------
انظر الحر واقتبس ميزاته
التضحيه وكل الابه ما فاته
شرف عفه ونبل تنضح ذاته
لو حكم ينصف ابين اشرافها

-------
هذي جزء الميزات البلحرار
حيث كثرة واليعد من عدها جار
لو اعدها لكل طبع يلزم اسفار
بحور سبعه وعدها من جفافها

-------
نترك الحر للعبد خلنه نعود
يجود خسه ولؤم وعليهن يزود
شعنده للمجتمع وعليه شيجود
بالرذيله البي طبع ما عافها

-------
والصفات الباقيه ما تنحصه
عوفه ميفيده العوج ضرب العصه
بعد نجوم البِلسمه وعد الحصه
بمرضعه ينساگ ويه اجلافها

-------
عوف الاجيال المضت وانظر جديد
الفرق شاسع بينهم كلش بعيد
جيل هذا العصر واحكم لا تحيد
ببعد تالي الارض عن اطرافها

-------
جيلنا مثل الغراب ايهبع ظل
راد مثل البط يزف لاچن فشل
تاهت المشيات عنده ومنها چل
رفيف جنحينه نسه وزفافها

-------
جيلنا ظل تايه ببحر العمه
اليملك المال الزمام يسلمه
ما بگه يميز الرجل ويقيمه
على الأمه ويرتگي عله اچتافها

-------
صار ابو المال الشربف بهل عصر
لچن گلي الماله مال المن يفر
وجيلنا بهذا يقر وعليه يصر
من شذوذ الناس ومن سفافها

--------

الناس صارت تسف عل عاقل الحيد
اغسل ايدك من زمن بيه العجيد
چيف بالي الهدم ومصفِّر الايد
شكثر عنده فلوس وشگد ضافها

-------
المال عيب يصير مقياس الزلم
خل نقيس الرجل جاهل يفتهم
ونترك الجد بالعمل ويه العلم
فكرته متنوره لو تافها

-------
المال فاني والتخلد بس فكر
ذاك خسف الارض خُلده ومَ انتصر
شوف قارون واخـذ سيد البشر
والنبي لسابع سِمَه حي طافها


--------------------



حقوق الجوره

الجار واجب يعتني من جاره
العمر يحفظ ذمته وايجاره

-------
الجار اله عله الجار حگ الجوره
يبشره بخير الشفه وبنوره
لو مرض يعتني لداره يزوره
ويِسِر گلبه ويطفي لهبة ناره

-------
الجار واجب لو عرف جاره بضيج
ياخذ بإيده ويسچ بيه الطريج
عون يصبح له ويهب ليه ويهيج
يخفف بظهره الحمل بمساره

-------
الجار واجب لوعرف جاره بكدر
ضلوعه تحنه عليه لو طاح وعثر
يحن وكت الضيج لو شافه بخطر
يشلها من مصيبته العثاره

-------
الجار واجب لو عرف جاره بحزن
يصبره عله الضيج ولحاله يحن
يعتني يواسيه وي ونته يون
ولا يطيع لنفسه الامّاره

-------
الجار واجب بينها توثق الوصل
والعثر خل صاحبه عنه يفل
كل فرد لمشاچل الثاني يحل
عثرته ليظل يدگ باوتاره

-------
الجار لو صارت مشاچل بينها
عله القصاص التضحيه مفضلينها
عله الخطأ خلها تغض من عينها
بيها يصفه العيش من اكدارها

-------
الجار عيب عله الطفل ينفر الجار
الطفل يصفه ويه الطفل بس الكبار
ظهر يطلعله ويحط عل حطب نار
الكل يظل منهم يلوذ بعاره

-------
الجار واجب يترك الگال وگلت
خل يعيش بخير لا يبگه عنت
ويه جاره ولا يظل گلبه يفت
بجاره يتحين فرص غداره

-------
الجار تتصافح شما يصدر ذنب
لا تظل روح الشغب عدها تدب
انچانها تبغي الصفه وتهدا تحب
كل فرد منهم يدوِّر ثاره

-------
الثار عيب يدوِّره جار السرور
يضفي بهجه على الجار ويغدي سور
خلي گلبه بالمحبه يشع نور
يحمي جاره من الدهر واخطاره

--------------------














التقدميه بين الماضي والحاضر

العرب چانت للمعارف سورها
بحور وسعه والافكار جسورها

-------
العرب چان الها العلم منهل عذب
دوك اخذ سيد الرسل واخذ الندب
ترتشف منه وغده بدمها يدب
وانظر اسفاط العلم بصدورها

-------
چان ظامي الفكر من فكره يجف
من مدينة علمه يروي ويرتشف
بحث جدمه ويعتني الهادي يسف
ومن روى يظل للبشر منشورها

-------
ثبت باب العلم للهادي علي
يگول كل باب بالف يفتح الي
الف باب معلمه وبعده ولي
تحوي مكنون الخلگ بسطورها

-------
الحيد حيدر لو رگه اعواد وخطب
آنه لدروب السِمه ادري السبب
اسألوني يگول يرجال العرب
اعلم من ارضي العشت بظهورها

-------
خلنه من علم الفضه ونهج العلم
صادق القول الدحض كل الوهم
ولا نخوض بعلم طب راعي العزم
والابو علوم الخلگ باقورها

-------
خلنه من صفوةِ الاُمه القاده
غير جابر والجبر بي ناده
دوك علم الكيميا من جاده
الها أسس وانتشر مدثورها

-------
انوب لا تنسه الفرابي وبن رشد
وهذا علم الطب اخذ بيه الخلد
ذاك خاض الفلسفه وما خطه بد
اسسوها ونفخوا بكل صورها

-------
وابن خلدون بادب رايه سمه
لاچن الرازي غزه بعلمه السما
بحث علم الارض ارضه الباسمه
للكواكب والنجم وبدروها

-------
جاد علم الفلك والطب والضوه
دوك ابن سينا الوجد علم الدوه
تحت علم الفيزيا علمه انضوه
اشتهر بالطب والدوه على دهورها

-------
والبهائي الچان فارس للعلوم
خلدوا اسم العرب بالعلم دوم
يصف ويه الكندي من تذكر الگوم
شما يشع نور بعلم من نورها

-------
دار حكمه غدت بغداد الرشيد
نرضه رجعيين للماضي نعيد
لقرطبه واشبيليه ماضي عتيد
نحيي العلوم ونشيِّد دورها

-------
العرب چانت منهل علوم البشر
بالمعارف تشتهر والها فخر
والغرب منها اقتبس نور الفكر
ليش تالي تمسكت بگشورها

-------
بيا سواني اللي حيا مجده يظل
من التقدم صفه لشخصيته انتحل
رجعي والبل گِشِر يتمسك بطل

-------
جيلنه تاه الخطر ظل بي يحف
تويست يرگص والچتف منه يرف
الشاب متخنفس يهز بس بالردف
تمَيَّع ولا يعتني بمحذورها

-------
والفتاة ويه الشباب على الاثر
الگرعه تتبرج غدت وام الشعر
يخف منها الثوب كل يوم وگصر
تبدي سيگان وتشد بخصورها

-------
تفسخت عدنا الفكر يرجالنه
بالعلم نتوحد بسلطّانه
نريد قاده تحب مجد اجدادنه
والامم منها تحصل شورها


--------------------



















وداع ودعاء

تروح وترد بالسلامة
تروح وترد بالسلامة

-------
يا وهاب تروح وترد
من تغيب الحيل يرگد
بالسلامه وگلبي تسعد
والگلب يشتد هيامه

-------
من تسافر يا خليلي
من يسر عگبك دليلي
بسفرتك ينهدم حيلي
عاذلي بهواك لامه

-------
لامني العاذل بحبك
من تروح الروح عندك
ما درى بالگلب ودك
يظل بس جسمي علامه

-------
تظل روحي يا مهذب
صبره يا وهاب ينضب
عندك و گلبي تعذب
فراگك لدلالي ظامه

-------
منين اجت مكه منين
رويحتي وگُرت العين
اسلبت مني اثنين
واهب العز والكرامه

-------
انته رايح تحج مكه
عهد وصلي اتلفت صكه
وآنه گلبي الضيم ضكه
تريد صك يوم القيامه

-------
جتي الاحباب لوداعك
طيب وحلوه اطباعك
دوم مالك الها باعك
انته دوم الطيب هامه

-------
مودَّع الله يا فؤادي
يم ضريحه باسمي نادي
ومن تطب للنبي الهادي
گله حبكم ظل وسامه


--------------------



















الفجيعه بالوالد

ريت خطاف الارواح بدالك
گرب مني ولا گدر يدنالك

-------
ريت يالوالد عمت مني العين
لو غبت عني اظل صفر اليمين
ولا تشوفك تتهل ويومك يحين
وافتگد ظل يمنتك وشمالك

--------
ريت يالوالد كسر مني الزند
غيبتك يالوالد الحيلي تهد
شلون تمتد ايدي والعينك تسد
وانته بس مسرتي آمالك

--------
ريت يالوالد تشل مني الاطراف
غيبتك تغدي الكدر بالنفس حاف
ولا هوت نعشك تشيله عله الاچتاف
شلون ترضه وشيمتك ترضالك

--------
ريت عگبك مولحت مني الاجفان
بغيبتك تدري عليَّ العمر هان
ولا اشوف مغسلك يطوي الاچفان
لو رضه الموت بفده يفدالك

--------
ريت يالوالد يبس مني الجدم
غيبتك تنشب بدلالي الولم
شلون يمشي بنعشك وتالي سلم
الحَتِف ريته نالني وما نالك

--------
ريت يلوالد اظل عظم وجلد
بغيبتك ساهر اظل و يه الوجد
ولا شفت حفارك يشگ باللحد
وانته نومك باللحد يحلالك

--------
ريت يلوالد خُفَت مني الروح
عليا اهون من تخليني وتروح
الباري بيها يحتِّم ويسطر اللوح
شلون يرضه بوحدتي دلالك

--------
شلون ترضه بمحنتي ابگه وحيد
اصك راح بغيبتك والوي الجيد
لا معين ولا سند عندي يفيد
وبيَّ تشمت يل ابو عذالك

--------
عگب عينك يل ابو شوف شسده
شهر بتار الجفه وبيه اغمده
جار دهري وحورب وشد مگصده
وچان من يطعن يرد عسّالك

--------
واشد يل والد من صروف الزمن
مثل تفال السمه من احچي السدن
لو تجي من اليود اقسى المحن
وانت عالم ما اظن تخفالك

--------

انته عالم يل ابو جسمي نحيل
تحملت من غيبتك حمل ثجيل
عليَّ لو هب النسم يثني ويميل
دوك اخذني وحالتي من حالك


--------------

































شكاية الى الوالد

شگ لحدك يبويه وأنظر لحالي
جفوني اهلي وصاب الدهر دلالي

--------
چنت حي وچنت مرتاح بظلالك
يل والد سروري يسر دلالك
مرح امشي والمرح يحلالك
افجعني الدهر بيك وشغل بالي

--------
انشغل بالي بعد فگدك وعفت النوم
فتك بيه ولكن اقسى منه اللوم
عچله صروف دهري فوگ راسي تحوم
فت چبدي وجسمي وللگلب سالي

--------
اللوم اللوم آ يللوم فت چبدي
تدري اللوم يل والد لبن ودي
اغده الروح تتهل نفس ما عندي
چان عليك صار اليوم يدنالي

--------
چنت حي وعليك اللوم ليل نهار
يبويه السيف ما جار اللسان الجار
چنها سيوف مجروره عليك وجار
والبي طبع دايم يظل للتالي

--------
جروح لسان كثرة بچبدتك صارت
عگب عينك يبويه الدايره دارت
بگيت تهيم بيها وهمّتك خارت
عليه وصرت مغمز لعد عذالي

--------
عليَّ الدايره دارت ومالي معين
اجيب البين يل والد اجيبه منين
لاهو مشفج اللايم ولاهو حنين
ينقذني واعوف الدَور لطفالي

--------
يل والد اللايم دوم ويايه
المن التجيء من ابث شكوايه
شِعَل نار الحرب واغداها دوايه
عليَّ اعتِمَد دومه وبالطعن فالي

--------
من هظمي ونوحي والبچي والوَن
اصد لن ساعدي وي لايمي ما حَن
صرت ألجأ واشچي لساعدي الايمن
بوَكت الضيج گام يبيع بالغالي

--------
الاخو ساعدٍ عاده يو حزام يصير
من الضيج لبن امه يفر ويطير
بيه الظهر ينشد وهو عليه يشير
وابن امي كسر ظهري وعسالي

--------
يل والد من اشچي وأنفث همومي
شما يجنون مخلصهم اظل دومي
تراني محگ وتناخو علي گومي
بفعل الزين رافع راسهم عالي

--------
شما يجنون خلهم والزمن حاكم
لازم ينكشف كل معتدي لازم
بيني وبينهم والظالم النادم
ويجني ثمار فعله بجانب افعالي


--------------------










شكايه الى ابو فاضل العباس عليه السلام

يبو فاضل الك دزيت اخيي بطلبتي تدري

اريدك واسطه لله وانت العالم بامري

--------
اريدنك يبو فاضل لله واسطه ومندوب

وانت العالم بحالي من الهم الچبد مصيوب

اريدك يلعفت زينب متعيفني وگلبي يلوب

اريدك يا باب حسين* يراعي العلم وينك وين* تراني مضيع الدربين
مضيج ومهجتي تلفت بالهم وانشغل فكري
-------
مضيج وما تعرف الناس غير الموسر الحاله

تحبه وترضه طعناته والحب جاي من ماله

لاچن المضيج وياه اهله مطاعن بفاله

تبيعه الرضع درتها* وتعطب گليبه جمرتها* حْشاي العوز هل فتها
باعتني الشفيجه الام ومن الهم نفذ صبري
-------
ما چنت اظن يلعباس توصل حالتي لهلحال

تبيع الوالده ابنيها چيف الچف صفر بالمال

واشد يلگمر من( هذا) حظي ويه الـ( كذا) من مال

تطعني وتفت گلبي* وفكرها بدرب مو دربي* طيبي وياها كل ذنبي
( فعيله) ولا تعرف الطيب تخذلني وتود قهري
-------
گضيت سنين عالعشرين ترها من العمر بالضيم

اعلمها الالف والبَ تگراها السين وميم

زين وياها سيح الماي لاچن زينها من الديم

سيف لسانها ويجرح* شما ارشد واظل انصح* تراوغ للچذب تصلح
واكثر تظن بيه الشين بالغيض اشحنت صدري

--------------------


















هوسات قيلت عند وفاة حجة الاسلام الشيخ عبد الكاظم الغبان رحمه الله في يوم اربعينه وهو خال الشاعر وأبو زوجته، وكذلك سيد محسن الحكيم الذي وافاه الاجل قريبا من ذلك

مادري أعزي الروح بيك وروح ما عندي
يو لاله أعزي الدين واهله وكل اهل ودي
واعزي اهل الشنافية بفگدك تيهت رشدي
نكبه على الكل ما تنشال محير والله محير

----------
أعزي الروح بيك شلون وأدري بيك انت الروح
من تروح ها يلعود روح اللاذ بيك تروح
الي انته مثل ما چان للهادي حبيب الروح
عود انساك واسلا ايامك اگدر ما ظن اگدر

----------
گضيت ومن گضيت وياك گوض مجد هل اسرة
مجمعها شتت بعدك شخصك چان المعمرة
كظيم الها چنت للغيظ منك تاخذ العبرة
هذا المجمع بعدك صار مطشر والله مطشر

----------
انت الچنت للاسره عميد والها سد وسور
طود ولايذه بظلك وبشخصك فلكها يدور
الها بيك للتوحيد عل عالم علم منشور
بالآيات ونهج الدين تبشر بيها وتنذر

----------
بگا المحراب بعدك وحش والجامع يركن الدين
وتنده باسمك وتنحب كل وذان المصلين
تجيم تريد فرض الله تإمها اعتادت الها سنين
اگعد واسمع صوت الجامع وذن لله وكبَّر
س
----------
گبتك بگت مهجوره تحن للبحث والتفسير
والوادم بشرع الله بحاجه اليوم للتنوير
لِفَتها افكار مسمومه يريد الها وعي وتفكير
لو عفتوها بيوم الضيج الوادم ترتد تكفر

----------

مصاب الدين والاسره والوادم بفگدك هان
سلوه الكل حكيم الدين بمصابك المحسن چان
لچن الطائفه انفجعت بالسلوى عله الاحزان
نعيش بضيج وبالاحزان مگدر ليش مگدر

----------
گضيت انته وسلوانه حكيم الشرع والاسلام
لچنِّ الطائفه هليوم بالمحسن گلبها انضام
منهو اليسد خلتنا وياهو نشيل بيه الهام
وكت الحاجه يصدِّر فَتوه بزود وما يتعذر

----------
امل للطائفه ما ظل عگب المحسن المفگود
غير الغايب المهدي من غيبته يرد اردود
يرفع راية الاسلام عيش الطائفه منكود
بالاسلام يگول المرشد يظهر واجب يظهر

----------
باسم آل الحكيم ارفع والغبان صوت انوب
والصايغ واهل دكسن واردفهم باهل يعگوب
واخص من عدهم شحاثة بهل فاجعه الكل منيوب
بهل تأبين العزّه الكل مشكر منها مشكر


--------------------
















عتاب الخائن للاخوة

وحگ الحگ يخاين لو تعرف الحگ

يفك لحامها بغدرك چثير الطگ

-------
من اريد اعتب يخاين لو اصيحن باع

من احچي سوالفك تدريني اشگ الگاع

الوفي بلا صوچ من ينطعن لو ينباع

يشگ سترك ولا تگدر تخيط الشگ

-------
عليك تعبت يا حيف وذهب تعبي

ريح بشبچ وانته معذبه لگلبي

الك دربك يخاين وآنه لي دربي

وتظل من حوبتي بدمع الندم تشرگ

-------
روح وهاي دنيا تدولب بدولاب

لابد يوم من عدها بسهم تنصاب

اليخون العهد ما ينفع وياه عتاب

بضمير اسود يعيش وعل شرف يسحگ

-------
من اريد اعتب ضمير امنيلك يسمع

عودته الغدر وتظن الك انـفع

على الهامش تعيش وشيمتك تلسع

تحوم عله الوحل هايم شبيه البگ

-------
مو بَس شِيمتك تلسع يبَّدِ الـذات

تراوغ ما تعرف الزين والطيبات

خاين حاضرك كله وزمان الفات

عاشگ للرذيله وبيها ايمطوگ


--------------------
















كشف الحقيقة

ارد اشوف احمد واجس احساسه
بعده يذكر لو نسه المكناسه

-------
اعرف احمد يوگف بباب الصحن
بالعگود مسربل وسدره انشحن
العصر لاچنه الصبح يبحث فتن
وطوز چعب النعل ترس انفاسه

-------
بالعگود مسربل مسوتل يهوش
يعبس بوجه النِزَح خلوة الحوش
عله الطهاير والزبل ريس الطوش
تالي بالريحه يترطب راسه

-------
چان شغله عله النجس بس والزبل
نمه عليها وانتشه عنده العَگِل
عليها يشرف بالعمل عيبٍ يچل
تشوف من عدها الاثر بعطاسه

-------
لو عطس سوده تطل من الخشم
العگل فارغ ما حوه بيه الفهم
چان چاووش الزبل دون الزلم
من تقيسه بذر يخف مقياسه

-------
العقل فارغ واحتوه بس شمخره
شلون للمشروع ريس دائره
ما عرف غير الزبل ويه( الخره)
يصير والكل بي تعرف افلاسه

-------
تميدر بمشروعنه چي لن صلف
ما شفت مثله فرد واحد جلف
بالعگل جاهل وكل حچيه يسف
وحش ضاري وبارزات اضراسه

-------
بارزه اضراسه وبس همه يعض
يعاهد بمنطقه وبافعاله نقض
وبطريج الحگ يسچ يإبه ورفض
ثعلب وثوب الردي ملباسه

-------
ريض يَحْمَد لا تظل دومك قبيح
شما يطير الطير تاليها يطيح
اوفي من توعد وخل گولك صريح
ومن يظل تدري الصگر فراسه

-------



















تهنئة الى بنت اخي وابن خالتي السيد هادي الحكيم بمناسبة مجيئها من بيت الله الحرام

دنيانا ازهرت بازهار دنيانا
دنيانا ازهرت بازهار دنيانا

--------
دنيانا ازهرت فرحانه وتهلهل
خلها عيون حسادچ ترف وتهل
وغنه الطير الها وغرد البلبل
شوچه بعينها الما تفرح ويانا

--------
شوچه بعينها الما تفرح لأزهار
حجيه صبحت وتنور بيها الدار
خلها تموت غيظ وتشب بيها النار
ازهار العليها الروح ولهانه

--------
روحي عليچ زهره من الفراگ تلوب
هبيتي تلبينه ولبستي الثوب
لچن واجب عليچ مثبت ومكتوب
ثوب الطهر كل اشكاله والوانه

--------
من الهادي هذا الثوب الچ مذخور
حسنچ فاض منه ورها لحسن الحور
ومخيط يسلوة من شعاع النور
بسر گلبي يزهره وروحي فرحانه

--------
اگرَّن عين عمچ والاهل كلهم
تمنيت الهِدَه الوادم حضر يمهم
حجيتي يَسِر دلالي وسِرهم
ولو جسمه بعيد بروحه وافانا


--------------------




ندم وعتاب

هوينه الناس كلهه وما درينه
حسبنا الكل توافي
عديمة ذات منها ولا رزينه
ما بيها اليجافي

البعض منها دغش ما حسبينه
هوينا الناس كلها بطيب نيه
ما چنه نظن منها رديه
وضحينالهَ بالميه ميه
مستوره ببراگع من هوينا

هوينه الناس كلهه وما درينه
هوينا احباب كثره ونظن تنعد
بهذا الظن سكرنا وحبنا ورَّد
اخوة ضيج تنفع يوم الاسود
تالي بْوَهم هذا الظن بچينا

هوينه الناس كلهه وما درينه
ضيعنه العمر نهوه ونوافي
حبينه بدِليل نظيف صافي
اليسوه واللي مايسوه ويجافي
ما ندري العوض طعنه شبدينه

هوينه الناس كلهه وما درينه
ما چنه نظن بالآدميه
التسحگ للقيم تنسحگ هيه
تتوحش لجل اتفه قضيه
مَحََكْها المصلحه سْتَونه صحينه

هوينه الناس كلهه وما درينه
شْمال الناس صارت ما تجامل
تتظاهر تِوِد والغايه داخل
تبيع الحابها وتشري المخاتل
تتحين فرص للغدره بينا

هوينه الناس كلهه وما درينه
شجنينه ويه النحبهم بايعونه
الناس الما نسيناهم نسونه
بوكت الضيج كلهم ضيعونه
ايتبدل طيبنه بشين شجنينه

هوينه الناس كلهه وما درينه
المثل مگيول الگلوب الشواهد
وتنحب من تحبلك فرد واحد
تكرهه اللي يكرهك وانته جاعد
ليش اللي نحبهم كارهينه

هوينه الناس كلهه وما درينه
ليش بهل وكت كل طيب ضايع
رفيج الملمس!! وبالمحنه شالع
چثير من الخلگ بس عل منافع
تخون الالها بالمحنه انتخينه

هوينه الناس كلهه وما درينه
على المعروف والطيب السلامه
عبيد المصلحه وما مش شهامه
من ناس التدوس عله الكرامه
حرباء يْتِلون ما وعينه

هوينه الناس كلهه وما درينه
------------------















شيفيد

شيفيد العتب وياك من اعتب بعد شيفيد
حيل بخنجر لسانك مردت الگلب تمريد
بمذبح قبلتك دمه نزف وعملت بي شتريد
چنك دين الك عنده وحان الوكت للتسديد
انچان حساب الك وياي عيب الطعن والتهديد
لتظني گصير لسان بعشره الصاع ليك نعيد
لاچن موش اقذفنك اعد سوالفك تعديـد
الك چلمات مستوره من انگطها وابد ما زيد
تعرف الناس ليش وياي تسلك مسلك التنديد
شيفيد العتب وياك من اعتب بعد شيفيد
----------
من اريد احچي الك عندي سوالف ما يكفي الليل
لچن حچيي شيفيد وياك عندك ما اله تــحليل
ادريبك ترد عليه بتحريف وبعد تظــــليل
اعرف الدافعك للزوم والحثك على التاويــل
واعرف اللي جعل منك دميه بكوك تسرع حيل
للودك واخلص لك بالـتنـديـد والـتـنكيـل
چلماتك ترن بذني وما تحتــاج للـتدلـيل
اِصحه ورِدْ عليها اردود خلي گرايتك ترتيل
تشوف شلون ظالمني ولو كت ندم دمعك سيل
اگلك ندم ما ينفع يصويحبي وفات الريــل
جروح البلگلب صارت ما تندمل بالتضميـد
شيفيد العتب وياك من اعتب بعد شيفـيـد
----------
اريد وياك اتحاسب لتمل لو حسابي يـطول
على المكشوف نتحاچه وبالمكشوف يحله الگول
من انشدنك شنو ذنبي شجنيت وياك مني تنول
ماني صوحيبك بالروح واظنه عليك مو مجهول
علي تچذب وتتهمني بحچي يا صاح مو مقبول
گبل چنت اعرف لسانك منطوقه حلو ومعسول
شنو الخلاه ينفث سم اريد اعرف سبب معقول
مرة بحچي عليه تجول وبمكتوب مره تصول
تريد بذنبك الجاسي وذنب غيري عليه تحول
هيهات العفه لظنك هل ظن بالمهد مچـتول
لون ما فكرت بيه ما تدري ورانه شـبـول
مثل جمع الثريا چان مجمعنه وغده تبديــد
شيفيد العتب وياك من اعتب بعد شيـفـيد
----------
رد يصوحيبي لنفسك وحاسبها بعدل وانصاف
عليمن تشگ هذا الشگ الما ينخاط لا يـنـراف
تحگ الباطل عليه وتبطل الحگ شنو الاهداف
تگلي انته حرامينه وانته گعيدي للي حــاف
ومرة تگول مو موزن ما چنت اظن هلگد جاف
و ترد غشاش تندبني ما ردك حيه اسـتـنكاف
المن جندت نفسك يا هو الدار بـيـك ولاف
من اكتبت مكتوبك براسك ملك يمكن طاف
اتركك للزمن يا صاح هوه المحك والمكشاف
وبعد هذا الشتم كله تطالبني بهوية عـيـد
شيفيد العتب وياك من اعتب بعد شيـفـيد

--------------------



















ظن وندامة

وسافه والف حيف وياك فتره من العمر مرت
ظنيتك اخو ومخلص وامي الـك مـا ولــدت
ظنيتك صحيب الظيم وليالي السود لـو مـرت
ظنيتك تـساعدني النوايــب بيه لو حـلَّـت
ظنيتك تشـلهــني الـمـصايب علي لو چلَّت
ظنيتك تنشف العين بوكت الـضـيج لو هملت
ظنيتك رفيجي تصير الشدايد علي لــو كلفت
ظنيتك تسد خله علي عـذالي لو خــلـّـت
ظنيتك تفرج هموم روحي بـكـدر لـو همّت
ظنيتك وظنيتك ونـفـسي وهـم ما ظـنّـت
وسافه والف حيف وياك فترة من العمر مرت
---------
حبيتك وما حبيت مــثـلـك لا وحگ الـبيت
وصرت اطوع الك ياصاح من نفسك والك لبيت
وخليتك شريچ الروح وبگليبي فتحت لك بـيــت
وصرت موضع لعد سري لغيرك ابد ما سريـت
وبشچواي ليك اگصد من امي لو جِرِت وشچيت
وسمّعتك ونين الروح من تـنـظام لو ونـيـت
على گلبي وكل حشاي امّرتــك ولـك وليت
وبعت الكل لجل عيناك ولشخصك تراني شريت
وسويتك كليم الروح وبنجواي الك ناجيت
وصرت عصّاك للغايات وبيه عله الغنم هـشيت
ليش تصير فرعوني ونفسي بـيـك مـن ذلـت
وسافه والف حيف وياك فترة مـن الـعمر مرت
---------
عتب وياك عندي چثير ومتحير شلون ابدي
ما چنت اظن هل طعنه من مثلك علي تسـدي
صريح وياك كل مسراي وابدي لك شما عندي
وانت بسر تلف وتدور لسرك ابد ما تـبدي
بگصد تشري وتبيع وياي وانت العارف بگصدي
غافل چنت ومغفَّل من بعتك محـض ودي
شچم واحد الذميته من اعدّنهم عـجـز عدي
ولا مرة سمعت تثني عله غيري وللمدح تهدي
لازم احس من ازمان لاچني چـنـت هـندي
حيل وياي خل جرحي ما ينـدمل خل يـدّي
من ايدك مانشف دمه وانت الـمـردت چبدي
ما ينفع ندم للروح من عشرتك لـو نـدمــت
وسافه والف حيف وياك فترة من العمر من مرت

--------------------






























العجيد والسلف

حريمه عله السلف واهله الدايم بيه جاهل ساد
اليسود عله السلف واجب عجيد وحيد وبن اجواد
بسواني العرب عارف زين وبفتواه ما ينحاد
باصول العرف متمرس من ياخذ وينطي استاد
عادل لو فته بالناس عيب لغايته ينگاد
حامل كل صفات الجود وعله الكرم دوم اعتاد
يحضر بس محاضر خير لمحضر سوء ما يرتاد
شامخ طود بالطيبات منهل يظل للوفاد
العود بهل صفات يكون يتحله وعليهن زاد
لاچنه اليسود اليوم دايم للشغب گصاد
حريمه على السلف واهله الدايم بيه جاهل ساد
* *** *** *** *** *** *
سلف چان وعليهم حيد محمود وبگه منهل
تمدحه الناس چي لنه عجيد وبالعرف يعقل
ومن يحضر محافلها يگول وينصت المحفل
وگوله ما يرد للگاع چي مرتوب ومــعدل
يگول الحگ على نفسه ومن يگول ما يختل
مگصد للمشاچل چان بيه على العرف تنحل
ومن يگصد يطب الدار يخلي ابوابها المدخل
لنفسه لو طلب مطلب من ينهوه عنه انـسل
بيه السلف مو محظوظ المحتم عليه چلچل
لاچنه الحوه ابداله السلف للمثل يـتـمـثل
خرفسانه ورجلها تمد تريد نعال تـتـنعل
باول شيخته انشرمت تراچيه بنهـيبه وذل
خله يحذر المنهوب ما طوله نهب بــعناد
حريمه على السلف واهله الدايم بيه جاهل ساد
* *** *** *** *** *** *
اريد انشد طوايفها وكل السلف للعربان
هم تقر عجيد الگوم للتفرقه يظل عنوان
هم تقر يظل الحيد منگاش بوسط نيران
هم تعترف لَبْنِ اجواد يستضعف فرد انسان
هم تعترف للمرتوب لو شاغب ببين اخوان
هم ترضه للمعدَّل يغدر صاحب الاحسان
ردت جاوبت كلها ومن جاوبت فد لسان
ما هو للسلف منهل لا هو عارفه وريسان
مو هذي صفات العود لاچنها صفات اهدان
وارد ردود انشدها اريد الهل نشد تـبيان
بعرفها وكل سوانيها بيش الي نهب يندان
گالولي هدر دمه ويروح بعالم النسيـان
خله انوب يعرف زين وكت الدين حل وحان
لو طار لسمه السابع الطير الحر حتم ينصاد
حريمه على السلف واهله الدايم بيه جاهل ساد
* *** *** *** *** *** *
--------------------


اصول السلف

يبن روضان حسبه وياك اليَّ ودين

مو وحدك وابن اليرغ هم وياك مطلوبين

----------
لفاني الطارش وگلي جماعة من هلك يردوك

من فراش المرض هبيت گلت ذوله الذي يشفوك

على جنح الطير لن يمهم واگولا هله ويا مبروك

تعانقنا وتحاببنا ومامش بينَّه من شين

----------
گعدنه ودارت البسمه على وجوه الجمع كله

هناك ولن يصك سمعي صوت لبيتكم يله

جفلت وگلت وي نفسي( ومحمد) شگلله

لحظه ولن صحيت اردود ارحب بيهم عله العين

----------
گلت گوموا يلمحبين بيوت البنجف فد بيت

ولن اسمع نشاز يگول نروح بلا غده ويا ريت

گلت هذا يحدث بس بالدوارس يخوتي والميت

گومو هناك نتحاسب موش حسابكم هل حين

----------
دخلنه البيت لن البيت گام يهلهل يمرحب

واهتزت حياطينه بلّي جايينه بحب

حفل صار وحفل مهيوب بهل البيت واللي طب

نتجاذب حديث الشوگ كلنه وبيه فرحانين

----------
هناك امتدت السفرة گصدنه بزادنه نمالح

اخوتنه وولد عمنه الما بيهم فرد جارح

لن ابن اليرغ ينفر بوجه اصفر وجه كالح

يدوس لسفرتي برجله ويعبر سفرة الطيبين

----------
رديت عله ابن روضان احشمه ينقذ الموقف

لنه يبتسم بسمه مصفره ويريد ايسف

يخويه شجبت ليمونات اطنه وحيده خل نرشف

چنه بوحده ببن اليرغ وببن روضان صار اثنين

----------
عيبة عله الزلم من تطب دار العود لازم تحترم هل دار

باذنه من تطب للدار وباذن غيره تغادر عار

ارفع شچوتي لَبْنِ العنگ جبار واخبره بالجره والصار

اريده ياخذ بحگي وحگي انعِرَف كلش زين

----------
يبن العنگ اسمع زين لو ما تاخذ بثاري

افر للسيف من مياح المهند وابثه بيه من ناري

واگلن له نفر مجذوب دخلو گعدو بداري

بوكت الغده گامو سحگو سفرتي معمدين

----------
يمير الكل يلمهند اريدك تشل يمنه العال

وانته اليوم عود الكل اريدنك تعدل المال

لون حاضر هلال الكون وبلاسم ما جرى هل حال

بيدك تاخذ بحگي يضنوة كل هلي الماضين


--------------------



















الترفع بعد الغنى

ظنيتك اخو يفلان وامي الك ما ولدت

حبي تفاوت ويه الناس مثلك روحي ما ودَّت

تجد تهزل ويه الخلان لچنها وياك بس جدت

هويتك من چنت يافع وكل ايامنا الولت

كل يوم على يوم تزود عِشرتنه وابد فد يوم ما فلت

سنين الود عمر كامل على على العمر الكهل عدت

للود نتجاذب دوم بكل ايامنا المرت

ضربنا امثال بالعِشرة تِعَلم الناس لو حبت

انتفانه بالوفه والحب عله هذا ارواحنا تعودت

يا ريت النسب ما چان البيه الوادم تحيرت

ظنيتك اخو يفلان وامي الك ما ولدت

---------
آه شگد گضيت ايام حلوه وتِسِر للوجدان

خلنه ليوره نرجع نعدها نشوف بيها شچان

انتبادل چيف چنَّه الود والاخلاص چل خلان

هم چنه انتفارك يوم ما نتشاوف وچل بالموده لسان

لو مر مثل هذا اليوم الكل منَّه يظل ولهان

عله جنح الهوه يطير بشوگ ينشد وين صار فلان

ولهان ويجي مدوهن يريد يشوف شنهو الچان

شنهو الأخَّر الملگه وليش فلان شو ما بان

جِزانه وكت المشاوف هذا بگصد لو نسيان

اريد جواب شنهو الصار روحي مسوربه تحيرت

ظنيتك اخو يفلان وامي الك ما ولدت

----------
اريد اعتب يبعد الروح لاچن يگصر لساني

وين العشرة وين الود شنو الخلاك تساني

شما ردت انتقد واعتب يردني ردود وجداني

يگلي نسيتوا ذاك الشوگ المر وما إله ثاني

نسيت مسابگ الاخلاص البي تظهر واله عاني

نسيت بفرح تتعناه تدناله وهو داني

گتله ما نسيت الكل لچن ارد اعرف شجاني

شنهو الصار شنهو الصدر مني ويرد يجفاني

ماني مدوهن و حيران ورويحتي التتفتت

ظنيتك اخو يفلان و امي الك و ماولدت

---------
شما ردت اكظم لغيضي تتمرد علي الروح

وياها النفس متنفرزه وصديت لن حتى الگلب مرموح

اعرف الغيَّرَك يفلان شاراته بدت و تلوح

شريكك بالعمر مغرور صوته بيه ظل مبحوح

يتلوح بين طبعه الزين وطبعه المكتسب مفضوح

يعمل الطيب بافعاله وبلسانه الغرور يفوح

مثل اليطعم بلگمه و يغمسها بشِري المشيوح

مثل اليطرب بغنوه وعگب الغنى يگوم ينوح

وانته تطيعه چِفْيَت شَر حَتْ لو بخوتك خلت

ظنيتك اخو يفلان وامي الك ما ولدت

---------
الف حيف والف وسفه تضيع ايامنا الحلوه

عگب واحات عِشرتنا تخليني بارض شلوه

اريد اعرف سبب للصدر مني شصدر للجفوه

هل ذاك السبب يكفي يضيع ايامنا يسوه

الحال تغير بخطوات انته مشيتها بعنوه

صرت صاحب عقار ومال وهذا السبب للبلوه

وانه بگيت بمچاني اراوح راحتي بغفوه

غم راي اليغره المال للدنيا الغدر سلوه

نجيها كلنه ابتسعه عرايا ومالنه غطوة

وكلنه نغادر بتسعه ماكو ببينا فجوه

فگرنه يعوف كل فگره وغنينه يفارگ الثروه

شيسوه العمر والمقياس الناس شسوت شعملت

ظنيتك اخو يفلان وامي الك ماولدت


--------------------






الاملاك في البلدية والساعدي

قيلت هذه المقطوعه عندما كنت اشتغل في شعبة الاملاك في البلدية ومثلها قلت في القريض كثيرا الا اني لم احتفظ بها الا بعد حين في الحسچه.

وموظف الاملاك يصرخ نادبا
أهل الشوافع ما بهم من أرشد

لا يفهمون اذا اجبت سؤالهم
فمضوا الى عبد الامير سويعدي

فيصدهم عبد الامير معربدا
ليس اختصاصي ذا وما و في يدي

امضوا و قولوا للمدير شكاية
أمراً بنقلي للشوارع في غد

إني اجول بها أسَّر لمهجتي
من ان اظل بامرة المتمرد

أعماله تجري برغبة ذاته
لا وفق انظمة تسود ليهتدي

آناً من الاملاك شعبتها غدت
ان يستقيم فيها الموظف يُنْقَد

بل انها للنصب صار مسارها
ويظنها خبث النفوس كمورد

فيها يزيد ثراؤه في حاله
وعقوبة القانون منه بمرصد

والبعض يعمل رغبة في مظهر
من مرتش ما بينهم او مفسد

بل جُلُّ ما يبغيه قبلة( تفلة)
من شيخه صلال ذاك الامجد

ظل الخلي بفكره متحيرا
أي الفريقين الذي هو مسعدي

ونهاية التفكير فضَّل نقله
فيها ليصبح كالطريد المبعد

من ان يزج بنفسه في موضع
من دون محمود لديه واحمد


--------------------

























بمناسبة تخرج ابنتي طبيبة

عندي أمل چان للطب أدرس وأنهل
وبنيت صرح الامل لاچن هِوه وانهل
وانعصر گلبي وغده دمعه يكت وانهل
عاگني وكت و ظروفي وگلب عندي امل
باولادي لاچن تسربوا وآنه عيبٍ امل
واحد واحد سره بمسراه وانظر وامل
وهناك بكحيلتي بان الامل وانهل

----------
مهنايه يبنيتي ومبروك الف مره
تعبتي ونلتي الشرف باشرف مهن مره
الستة السنين الغدت حلوتها والمرة
بيهن طبيبه غديتي ومهنتج مرضه
ويه اهل الالم شغلتچ يحبيبه والمرضه
وياهم حنينه وخل سيرتچ مرضه
مو بالطمع والجشع نفسيتچ ترعه
للفقره خلي نصيب الاسد ورويحتچ ترعه
مهنتچ رحمه وملاك تشابه الترعه
تنطي ومتاخذ اجر بس اليمر مره

----------
اوصيچ يبنيتي إنوي العمل گربه
لله وراعي الرحم يحبيبه والگربه
وبالاخص ارعي الفقير وگربي گربه
وانطيه منچ دوه من فلوسچ ومنسر
وخليهْ يطلع فرح يحبيبتي ومنسر
يدعليچ بلهفته من يضطجع منسر
يحميچ شر العوادي وعينچ تگر به


----------


















ابيات القريض للشيخ اليعقوبي رحمه الله تاثر بها الشاعر فباراها

ومن البلية ان تعيش بموطن
بياع الرذيله ضرب وتره
بليه بوطن تبگه تعيش وتره
يدعى دني القوم فيه شريفا
علي، أجرع أود للحتف وتره
دني الگوم الشريف شلون بيه

----------
ويعيب عرضك قاذفا متهجما

من تعاشر صحيب السوء عرضاك
يعيب ويقذف بسر دوم عرضاك
من عاش ما بين الورى مقذوفا
صُفَه ضدك ويفتك بيك عرضاك
البگه مقذوف ما بين البريه

----------
يزن العقول من الرجال وعقله
حليف السوء بيده رفع رايه
عگول الناس يوزن لچن رايه
لو قسته بالذر كان خفيفا
بچاس الذل صحيبه يود رايه
بذره من تقيسه يخف خطيه

----------
فدع العكوف على سباب زعانف
غراب الشوم ظل عل ناس ينعاب
تعكف على الزعانف تسب ينعاب
عاشوا على سب الكرام عكوفا
وليل الحُر ردي لو شاع ينعاب
على سب الكرام تعيش هيه

----------
جاءت بهم صحف الليالي غلطة
احرار اشراف عشنا بعز علينه
الصحف بيهم اجت غلطة علينه
لا تقبل التصحيح والتصحيحا
لچن اهل الرده بعصره علينه
أبد ما تقبل التصحيح هيه

----------
ان فهت بالمعروف قالوا منكرا
الردي واهله عله اهل الشرف منكر
الحچه المعروف صار عليه منكر
ويرون منكرا مااتوا معروفا
چن ميت وعليه حساب منكر
ومنكرهم غده معروف اليه

----------
إني منيت بمن إذا جاوبته
خصيمي يود بيه ينول منا
الردي شما جاوبيته كسب منا
أكسبته الاعزاز والتشريفا
شمگله الدرب هذا يگول منا
تعزيز وشرف وآنه الضحيه

----------
فيصدني وأنا القوي ترفعي
الردي لذمي ابد ما ترك ونها
الترفع صدني عنه دوم ونها
عنه ويحسبني الغبي ضعيفا
وروحي زاد بيها وكثر ونها
ضعيف الغبي يظني ويشك بيه


وسكت عن نكرات قوم ربما
عَليَّ اهل الردى اطلگت عنها
نكرت گوم اسكت اصح عنها
قد كان تعريضي بهم تعريفا
أبت ترشد وشر النفس عنها
بتعريضي جزم تنعرف هيه

----------
تراني مقبلا فتصد عني
مشيت بهود ممشه الغيد عناي
شمالك من تراني تصد عناي
كأنَّ الله لم يخلق سواكا
وگصدي ليك يل مغرور عناي
چن الله خلقك دون البريه

----------
ومن يجعل المعروف في غير اهله
بلسان الاحبه الگلب يندام
لغير اهله الصنع معروف يندام
يكن حمده ذما عليه ويندما
يظل للهم نهار وليل يندام
حمده يصير بس ذم وأذيه


--------------------

ابيات القريض ليست للشاعر تاثر بها فباراها

سيغنيني الذي اغناك عني
التعالي فتك بيه وشال فقراي
غناك يزول وآنه يزول فقراي
فلا فقري يدوم ولاغناك
لا تطغه وتظل مغرور فقراي
يبدلها الغناك وتذل ليه

--------
فلا يغرنك ثغر بابتسامته
المظاهر تهشم بسدري وترضه
ليغرك ثغر باسم و ترضه
فربَّ شوك توارى خلف ازهارِ
ولا تحكم عجل بيها وترضه
خلف الورد شوچ البي أذيه

--------
أقبِل على النفس واستكمل فضائلها
المشاچل لا تصر بيها فضلها
اقبل على النفس واستكمل فضلها
فانت بالنفس لا بالجسم انسان
عجل وانفض ويَ الودك فضلها
البشر بالنفس مو بالجسم هيه

--------
الناس صنفان موتى في حياتهم
الجهل تنفث سموم الذل حياته
البشر صنفان ميت في حياته
وآخرون ببطن الارض احياء
الخلگ والعگل دوم بعز حياته
وآخر خالد بطن الوطيه


--------------------





متفرقات بلا عنوان

لا ترجي يا صاح من دنياك غير الولم
والعاشَِر البدوفه يجني الطلايب ولم
لو عِثر يرميه بسهام الشماته ولم
عله النار زاد الحطب ما يهم بلي يرى
يستانس بنشوته بالذل صحيبه يرى
شما تعتمد لك فرد مجرى الافاعي يرى
لاچن صديچ الشدايد بالشدايد ولم

----------

روحي من الموده ما تملها
وعشرتكم الچانت ما تملها
امل بيكم توفوا ما تملها
يوفي شلون ابو ذات الرديه

----------

لحظات الغدر تنطبع تنساك
بروحي وعن اهواكم تود تنساك
ابتعد عني تراهي تريد تنساك
تهيِّج ساكني بمرتك عليَّه

----------

دليلي من فعلتك تلف ونهاك
وبگيت اتهل يبد الذات ونهاك
امنعك لاتجيني بعد ونهاك
عرفتك ردي ومنته خوٍ(ن) ليـه

----------

الوسعة ضاگت ولتظن تلمني
سياط شگلت من ذمي تلمني
الملح ما گصَّر لسانك تلمني
بالباطل يبو ذات الرديه

----------

مثلي للرديه اشلون ينگال
ثجيل وبالوساوس عيب ينگال
لَوَن كل الاعرفه بيك ينگال
تعريت وهتك سترك بديه

----------

العشاير چان الها عود ينهاب
يِحامي وينصف المظلوم ينهاب
حاميها حرامي اليوم ينهاب
العود لدايم بهاي السجيه

----------

رذيل البيه عن العرف ماله
ودليلي عله ظليمه صبر ماله
الينهب من تطگه فصل ماله
هدر دمه يروح وهاي هيه

----------

صوت الحگ يصك للزلم فاهم
يدوس عله السواني عيب فاهم
ما ظنه يعرف العرف فاهم
حياته بهل سواني تصير ديه


----------
الك اگصد بچلماتي وعاني
معرفنك لچن غدرك وعاني
تِنحَّه عن طريچ الحب وعاني
ابتعد يلي تبث ذاتك رديه


--------------------















السياسيات












مع الانتخابات في الحكم السعيدي البائد

يل تسأل بهذا العصر
بس الظلم بي والكفر
هذا العصر عنوانه
ما بي نور يلفانه

هذا العصر عنوانه
--------
هذا العصر عصر الظلم
بيد الخصم بي والخصم
بس بالتهم بيه الحكم
ما يحكم بوجدانه

هذا العصر عنوانه
--------
بوجدانه ما يحكم ابد
للشعب كافح واستعد
ولا يهتدي برايه استبد
ويهدد بهجانه

هذا العصر عنوانه
--------
يل شعب لتظل غافل
لو ما تجد و تناضل
عن حگك ومتخاذل
ما يستقل لوانه

هذا العصر عنوانه
--------
ان چان رايد تستقل
ضد الوصي ونوري النذل
بِلْواك جاهد بالفعل
البطُّمع ولهانه

هذا العصر عنوانه
--------
شوف البلاد تفرهدت
وعليك ما ظنها خفت
واحرار امتنا انولت
كل قادتك خوانه

هذا العصر عنوانه
--------
انظر حلف بغدادك
صون الكرامه وضادك
صيطر عليك وسادك
خلها ترد خسرانه

هذا العصر عنوانه
--------
خلي الحلف شوف النفط
مقيد بَلِف شرط وشرط
نفعه غده تحت الابط
بس للغُرُب جريانه

هذا العصر عنوانه
--------

هِب يا شعب ييزي النوم
بالتزكيه المجلس دوم
تولِّتك أشرار الگوم
عرشك غده لعوانه

هذا العصر عنوانه
--------
يا شعب يابو الثوار
العرش الوگف بالمگوار
دوك الظلم خل ينهار
الفاله تهِّد اركانه

هذا العصر عنوانه

--------------------




























ذكرى وعد بلفور

صوت عاصفةِ الفتح من يافه
صدح يعلن ثورته الخطافه

----------
صدح صوت الحگ يصك سمع اليهود
عن حياض الوطن مسلوب الوعود
ثورة يعلن عارمه وبيها يذود
بسيل جارف ما تفيــده ريافه

----------
من فلسطين الجريحه هب شعب
من وعد بلفور كل صبره نضب
مارد وجبار فتاك وغضب
خله وايزمن يشوف اسلافه

----------
خله يگعد مؤتمر يعقد اپال
البيت الابيض من بدل بلفور حال
زال ذاك الوطن من الشرق زال
ما دره الجبهة تقلم اظلافه

----------
خل اساطيل البحر تحمي اليهود
خل تعيد لپال شيكاغوا اردود
بعد ميفيد الوعد لا والـوعود
وطن قومي جديد يحمي اجلافه

----------
حي فدائي العرب من للنفس باع
ابين هيئة امم وبين الاطماع
شاف لو ظل على الاغاثه الوطن ضاع
صمم يشيل الحمل باچتافه

----------
حان وايزمن نرد منه الثار
الحمل گامت بي هله وترجع الدار
نمحي وعد المال وننفض العار
حي فتح والعاصفه العصافه

----------
حي طلائع امتي ويا للعجب
الحگ يعود بسيف ميعود بخطب
ترضه بالذل چانت وحگها انهب
ترن بالمذياع والحگ عافه

----------
اندحر عهد الخطب باسم العاصفه
ما نود التفرقه وعهد الجفه
عهد صاروخ ومدافع خلفه
كسد سوگ الشغب عد صرافه

----------
انتهض مارد منتفض من فلسطين
بالخليل ابتده واردفها بجنين
گصده من ذيب البشر يخلي العرين
الموت بيها ينزرع باشرافه

----------
انطلق مارد امتي يخطف ارواح
والفدائي بجيش اسرائيل صاح
من بني صهيون واشتد الكفاح
الوطن ظامي ومن دماك ارشافه

----------
حي فتح حي جبهتي الشعبيه
حيها جبهة موحده ومضويه
حي منظمتي التحريريه
تحت رايه خافقه ورفاقه


--------------------










الحنين الى الماضي المجيد بعد هزيمة الخامس من حزيران

ضاع مجد العرب منها وباسها
بخامس حزيران منهو الداسها

--------
وين يمجاد العرب ذاك العزم
الچانت تجوب الفيافي ولا تهم
وين ذيچ الفُرَّس ووين الزلم
شلون ديّان اصبحت فراسها

--------
وين عز العرب موروث الاجداد
شلون معبود الابو للابن ساد
البيها منهم كل فرد بالروح جاد
چان سايسها غدا سيّاسها

--------
العرب چانت ترفل بعز ومجد
والغزه الحد تهب لي للحد تجد
تتصف بالتضحية وبيها تجد
اليوم صهيون الاصح اعكاسها

--------
العرب من چانت تهب تحمي الحدود
تجود بالانفس ومتهاب الاسود
بيها تتوسع وذاك الحد يزود
إسأل الصين وجبال اوراسها

--------
العرب چانت امة وحده موحده
شلون صارت دويلات معدده
منها ويه الفرس والروم شسده
الصوچ مو لشعوبها للساسها

--------
العرب چانت ترهب ولا ترتهب
تالي شذاذ الارض تحكم نتب
ولو دعه داعي الوطن بالعز تهب
عليها تتأمر وهو نبراسها

--------
إسأل التاريخ عن ماضي العهود
العرب چانت سايده صارت مسود
هوه ينبيك الخبر عن الجدود
عبيد چنها وخاضعه لنخاسها

--------
العرب چانت لو دنه منها الخطر
شلون مغلول اليمين الها دحر
تهب متوحده الراي عله الاثر
بالهزيمه جرعت كل چاسـها

--------
العرب چانت الها قادة منتبه
شلون صارت عايشه بذل الهبه
ناكره الذات وتحافظ عل ابه
ترضه وين الشرف وين احساسها

--------
چانت جيوش العرب تحمي الوطن
غدت متنافرة وديدنها الفتن
والقياده موحده حين المِحن
والمثل سراقها حراسها

--------
شلون ترضه القادة بالنكبه وتهود
تعود يا مجد العرب لازم تعود
بيها تفتك شرذمة من اليهود
وآل يعرب بيك ترفع راسها


--------------------










النجف والبيادة

سنة الواحد وتسعين للحضرات سدوها

وبعاشور للعادات بامر صدام منعوها

----------
يل تدعي باصلك يرد للكرار حامي الجار

شلون بمدفعيتك هدمت للنجف دارٍ دار

بگبت جدك المزعوم بصواريخك تدك وبنار

حرت وتحيروا ربعك الجريمه شلون تخفيها

----------
غلگتوا الصحن والحضره وزعمتوا الغلگ للتعمير

چذبت وصدگت نفسك تالي انفضح هل تعمير

گبة حسين والعباس ما خلصن من التدمير

الشيعه اتعرف كلش زين غايتكم تدمروها

----------
تدري النجف يا صدام مركز مهم للشيعه

وتدري بكربله تتبع لامر النجف وتطيعه

النجف رمز العلم والناس الها تدين بالبيعه

عصبه وللظلم يصدام متبايع يعرفوها

----------
اذكرك لو نسيت شلون من امنعت البياده

هاجت زلم والنسوان شيب وشاب عل عاده

عله رغم انفك مشت لحسين عادي الناس والساده

اظهرت ربعك وهي ترجف كل ظنهم يخوفوها

----------
مشوا يصدام رغم انفك بحب حسين مجنونين

عبروا خان المصله وخان النص بعزم حسين

وصلوا للنخيله بزود وبفد روح متحدين

السلاح العدهم الايمان للعاده يثبتوها

----------
هناك اهجمت يل غادر بطيارات فوگ الروس

وعله الارض دبابات تزمجر تدوي يل منحوس

غده طشارهم بالبر الكل منهم الروح تحوس

اكثرهم وصل لحسين ولهل النجف شرفوها

----------
بهل عمله النجف يصدام رفعت رايه ترويهم

بيضه وكتبوا عليها ايد الله على اديــهم

صفوة اتكلفت بيها الشهيد حسين يحميهم

وانته صرت مثل يزيد وبامرك عدمتوها

----------
بكل هذا الجره يصدام گلي النصر المن صار

الك لو للنجف واهله ذوله اولاد حامي الجار

عله رغم انفك مشو واليوم هم يمشون ذوله احرار

الهم جائزه من حسين بالمحشر يحصلوها

--------------------

نخوه للحسين بجاه العباس الى الله

گوم يلعباس گوم وياي
نروح يم حسين اله شچايه

------
جرنه يل عباس من هذا الزمن
نريد نشچي صدام من كثر المحن
البيه المصايب تصب مثل المزن
منه جرنه وفاض بينه هوايه

------
فاض بينه وجار بالنار وحديد
يقرر اليوم ويرد باچر يعيد
براي نام ويصبح براي جديد
بجرم يغفى ويگعد بفد سايه

------
مجرم وما يثبت براي ابد
ويه ربعه ارفيج ماعنده وضمد
قاسي ظالم سافل ومنحط بعد
يكرّمه وباچر يعدمه لغايه

------
هذا ديدانه ويه خلانه نوصف
الخلو ازلامه طشر كلها وجيف
چيف وي شيعه واخص اهل النجف
كل فرد من مرته اخذله عبايه

------
بعبي النسوان اشردوا من النجف
وبگوا ثلث ايام نجسين النطف
وظل فطيس بشارع المنهم وگف
وتالي اندفنوا بأمر الآيه

------
ومن شرد جيش الحرس من الحرب
المدن اكثرها اصقطت بيد الشعب
شاف صدام الشعب منه غضب
نجن جنونه وفگد عقله ورايه

------
وصل جيش امريكا يم المنتفج
رادوا ايسقطوا لصدام العوج
ولسماوه وحاطوا بكل الطرج
وتالي وگفوا خايفين الثايه

------
اوچبوا من شعب العراگ انتفض
على صدام وزمرته وحزبه انتهض
بالجنوب وبالوسط كله اعترض
كلها شيعه بثار رفعت رايه

------
كلها ثارت تطلب بدم الصدر
هوايه معدومه ومسجونه شكثر
وثار سادتها وشباب البل قطر
الما سلم بيتٍ بكل ولايه

------
امريكا خافت غضبة الشيعه الصيد
وگفت للحرب بشروط ووعيد
نفهت لصدام من حله وجديد
فرح بيها صدام واصفر نايه

------
خافت امريكا من الشيعه وتظن
تشلف شيوخ الخليج وتحتضن
لو تسلمت للحكم تبدي الطعن
للشعوب وللنفط يترايه

------
خوف امريكا انطه لصدام الهدف
بالصواريخ المدن كلها قصف
جمع كل فلوله وعليهم شرف
وراجمات ومدفعيه بدايه

------
ظل يصب حقده وسم روحه النذل
وزحف دبابات ظل بي ينتچل
فترة يمطرها بقنابل ما يچل
يحصد ارواح الشعب البرايه

------
حسين كامل وجهه يم كربله
الناس فرت يم گبر عمر العله
يهد بالدور ويصب بيها البله
هجم ليه الجيش يرمي ضحايه

------
وتالي للجزراوي وجه للنجف
چيف چانت قاعده ومركز شرف
وحاطها بكل قوته بقسوة وصلف
تخطط تنفذ تهب بعنايه

------
النجف لرحي الحرب گامت تدير
شرذمت للجمع بسلاح يسير
وصدت الجيش بحزم ماله نظير
وافتكت بيهم طعن ورمايه

------
بگوا ثلث ايام صيد وصامدة
بگت بس بارواحها تصد العده
نفذ منها عتاده وصفرٍ غده
ونهر ذاك الحزم رد جف مايه

------
تلملمو وتناخو وحاطو اردود
وصبو عليهم غضب حقد الجدود
بالنجف واغلگو فتحات الحدود
واعجز اوصـف نارهم دوايه

------
راجمات ومدفعيه مكثّرة
وزحفت عليهم دروع مجنزرة
وصك صواريخ ارض ارض متناثرة
وسلِّمت ما تنفع النخايه

------
من خُفه صوت النجف واهله الصيد
ننتظر كلنا يرد يوم جديد
المدن كلها تهاوت بسر من بعيد
ونحش كل ازلامهم زرع (الخره) بگشايه


--------------------































الثورة الارترية

شباب العرب يل ثائر الف حياك بالثورة

امة العرب تهديلك يشعب ارتيريا الحره

----------
يا شعب ارتيريا اخبار منك لفت تنبي بخير

شباب من الطليعه بيك ثارت تطلب التحرير

هله وحياك رف الواك للثورة بديت تدير

لرحاها عله الاستعمار يشعب ارتيريه ودحره

----------
يشعب ارتيريه الاحباش تريدك خاضع الها دوم

تريدك طير مگصوصه جناحه وتبگه هيه الحوم

گللها ابابيلچ احنه وعيد ذاك اليوم

گللها الشعب ثائر بالثورة ارتكز فكره

----------
خلها تسمع الاحباش صوت الحگ عله وجلجل

شعب ارتيريه خاضع للذل بعد ما يقبل

فدائي وثار كله اليوم يرويها شري الحنظل

خلها انچان ما ترضه الصاع الها يرد عشره

----------
خلها انچان من صهيون تاخذ درس تتعلم

تشوف الذل تشوف العار تاليها وعلي تندم

شعب ارتيريا يحرر ارضه بالدمه صمم

من الجبهة اخذ درسه ومن العاصفه عبره

----------
يل احباش اگللكم شعب ارتيريا شعبي

عله دروب الكفاح نسير دربه صار من دربي

دسوا شما گدرتوا الدس شعب ارتيريا عربي

لارض الام ترد ارضه ويگضي ويه العرب عمره

----------
عهد الذل يل استعمار وله وبعد ما يرجع

جوز وهود بالعربان بالاحرار لا تطمع

تسمعك صوتها الهدار بالرشاش بالمدفع

شما ليلك عليها يطول شعبي يبدده بفجره

----------
بزغ فجره علي واسفر نوره يشع للاحرار

مثل شعب الجزائر طود صار ورمز للثوار

دوك ارتحل عن ارضه التلهب تحت جدمك نار

جدمك من تواطيها تچويها تره الجمره

----------
أيِّس ها يل استعمار شعبي هناك مو وحده

احرار العرب وياه والعالم عرف گصده

وحده يريد للتحرير وين اليفهم الوحده

بيها نشترك كلنا نِذَوْبِ الذات لا إمره

--------------------

الادوار السياسيه التي مرت بالعراق

تيهنا الراي ضيعنه بكل الادوار
بالمذياع الكل يتبجح
اليلزم للدف يغني بكل الاطوار
ما ندري ويامن نربح

اليلزم للدف يغني بكل الاطوار
----------
بعهد مظلم چنه نرزح والعهد جاير وظالم

مستبد حاكمنا بامره خضع لاستعمار غاشم

ما يهم بالشعب لاچن يهم بس يحضر ولايم

باع الوطن باع الشعب* ينهب بخيراته وسلب* يحمي غده لسوگ الشغب
همه بس العرش سالم
يحمي باحلاف كل ظنه العرش المنهار

ودايم سلطانه ويحكم بالاستعمار

مغرور وما يدري اتباعه* الكل منهم يعمل لطماعه
اليلزم للدف يغني بكل الاطوار
----------
هذا ديدانه الحاكم چان ما يرعه المصالح

تُهمه عنده بيها يصبغ كل فرد مخلص مكافح

بالشيوعيه يلطخه شما حمل من هدف واضح

حزبين عنده للعمل* ماعدها كل غايه وامل* نايبها للكرسي وصل
بتزكيه وتزوير فاضح
تتناوب دوم عله الكرسي وعل استيزار
ج
تتعاهد دوم تتحالف ويه الاشرار

بل سر عل جور تتفاهم* لاچن بالظاهر تتخاصم
اليلزم للدف يغني بكل الاطوار
----------
بگت تحكم قسم منها وقسم عل ظاهر يعارض

مستبده بحكم ظالم لا تفاهم لا تعارض

حديد نار وسجن بيهن تقابل الثائر الناهض

جور وفتك عدها وسجن* تشريد عل شبهه تظن* بيها الشعب ظل ممتحن
عليه تهجم بالمرابض
يوطد سلطانه الحاكم بحديد ونار






والعارض مخلص يصبح من الاحرار

واستاد الكل فد واحد* واحد للثاني يعاضد
اليلزم للدف يغني بكل الاطوار
----------
نشت تحكم بالضلاله وما درت بالشعب ناقم

تظن چانت بيه راضي وعل مذله يظل نايم

خططت تحكم الطوگ لاچن التخطيط واهم

بتموز ماردنا نهض* باربوطعش منه انتفض* عنده هدف عنده غرض
يفجر الثورة ابن قاسم
انتفضت احرار للثورة انتفضت ثوار

تدك عرش الجور وتحطم كل الاسوار

تدري الحكام خوانه* تطرب للجور والحانه
اليلزم للدف يغني بكل الاطوار
----------

انتهض شعبي الچان نايم من بزغ فجر السعاده

يحطم الاغلال گام ولنظام الظلم باده

انطلق متحفز وواعي يجد يحفظ للسياده

راية نصر بيده تِرِف* كل يوم ويحطم حلف* متوحده بچفه الرهف
يحمي يسند للقيادة
ثار ولا هاب مستعمر لا هاب اخطار

والقائد قاسم باسل حيد ومغوار

حي قاسم حي اصحابه* ثاروا عل جور واسبابه
اليلزم للدف يغني بكل الاطوار
----------
انطلق شعبي ويه القيادة يرسم يخطط مصيره

اصوات متوحده وتهتف للزعامه عله المسيره

الركب سار وگلت ما ظن صوت كل نابح يضيره

سارت وسيرها الشعب* الحگ بيها للباطل غلب* لا تفرقه عدها وشغب
للشعب صارت نصيره
وجموع الخاين صارت بالبر طشار

وكل يوم بنعشه القادة تدگ فد بسمار

چانت خوانه وما تنصح* والماضي يفصلها ويشرح
اليلزم للدف يغني بكل الاطوار
----------
الشعب ظل منتشي بحكمه وبالنصر فرحان مستر

سار متركزه اجدامه وللوطن يخدم تحضر

تالي ما دامت الفرحه اختلفت القاده و تدمر


اختلفت بعضها عله الرتب* گامت تنمي للشغب* من عدها ابن قاسم غضب
الها شتت الها دمر
هذا على الوحدة ينادي موجه الانظار
ج





وذاك الفدرالي يريده ومنهاجه اختار

والناس احتارت وتعاين* ياهو المخلص ياهو الخاين
اليلزم للدف يغني بكل الاطوار
----------
اختلفت القادة وتطاحن بگت بس على الزعامه

قسم صارت للزعيم وقسم صارت ضد نظامه

تگول دكتاتوري هذا انحرف عن خط السلامة

ارعن غدت تنطي لقب* متعسف بحگ الشعب* للثورة عن خطها گِلَب
بفعله ما يتبع كلامه
وقاسم تتآمر عنها يگول عله الدار

ما عدها اهداف للسلطة تريد المعبار
ج
تيهنا المگصد والغايه* والبركه بيا حباية
اليلزم للدف يغني بكل الاطوار
----------
انقسم شعبي الچان واحد والتناحر صار فنه

هذا قومي وذاك بعثي والاهداف العدها رنه

وقسم من عدها شيوعي الكل ينول الحكم ظنه

ظلت تخاصم عل حكم* ظلت تنابز بالتهم* الكل منها عل ثاني هجم
ينفرد بالحكم عنه
تتفاهم ليش بچرازه وحد البتار

ما ندري عليمن تطلب چن كلها بثار

غاية وعدها تدگ عليها* ما ندري شلون تاليها
اليلزم للدف يغني بكل الاطوار
----------
احتدمت ومن صفت عارف صار يزَّعَم الثورة

الحكم حزب البعث داره وحرس قومي اللي ينصره

وحدة حريه ينادي واشتراكيه الفكره

ظل الحزب يحكم وطر * لاهدافه وبيها انشهر * تالي سلام اللي انتصر
من الشعب جرَّد الامره
الحارس لا قومي الحارس صرح امرار






يعبث باهداف هل أمه بروح استهتار

لاچن هو اليراس الها* اليا غاية ارتد عنها وذلها
اليلزم للدف يغني بكل الاطوار
----------
ضرب حزب البعث عارف واحتكر للسلطه وحده

انتهز فرصة اختلف بيها فتك بيه ونقض عهده

ما گصد للوطن يخدم لچن چان الحكم گصده

ما عنده اخلاص بعمل* گبل البعث قاسم خذل* بحكم الشعب ضل وفشل
وعل الفشل رحمن بعده
رحمن شلون يتسلطن شنطق محتار






شنهو المقياس للقادة ووين المعيار

قحطت عدها الامه القاده* يولا صارت عدهم عادة
اليلزم للدف يغني بكل الاطوار
----------

انتصب هيكل للرياسه وشكل رحمن الخيانه

الدار دفت الحكم طاهر وهو مربط من اذانه

البعض من القادة فرهد والبعض ظلت حزانه

للدور ظلت تنتظر* تسستلم للسلطه وطر* مسجله سره لاجل الغدر
للحكم عدها اسطوانه
تتسلطن لابد يوم بحكم الاقدار






ونشوف شعدها اهداف وعدها من اسرار

من كثرة هالقاده وعدها* ابزعنا وما نعرف مگصدها
اليلزم للدف يغني بكل الاطوار
----------
هناك لن البعث عوَّد و استلم بيده الرياسه

گال صفحة جديده نفتح للتفاهم بالسياسه

الحكم شعبي ودمقراطي الجبهة تركيزه واساسه

تالي الحچي كله طلع* بس للدعايه والطمع* غدر الحزب شع وصطع
للشعب صارت نخاسه
بس چانت تحكم همها وما تدري شصار






تفرض عل ناس الخاوه وتفرض افكار

انكشفت طماعه وغداره* والوادم ظلت محتاره
اليلزم للدف يغني بكل الاطوار
----------
هذي نبذه من الادوار المرت عله الشعب كلها

شما تطب أمه لاختها تلعن وتنقد عملها

تنتهز كلها الظروف وبالعمل ثابت فشلها

كلها انتهزت للفرص* بس الزعيم اللي خلص* يخدم لعد شعبه حرص
صار للأمه أملها
إسأل أفراد هل أمه بكل الامصار






لكريِّم صار تمثال بفكره وتذكار

ما ينساه وشاغل باله* وباجي القاده الكل حياله
اليلزم للدف يغني بكل الاطوار

--------------------









































دعاء بواسطة الحسين عليه السلام الى الله( عز وجل)
وذلك حين سجن جلاوزة النظام المقبور ولده.. في زيارة الاربعين، وبفضل الله تعالى وكرامة الحسين عليه السلام على الله افرج عنه قبل ان يكمل الشاعر قصيدته ولله الحمد أولا وآخرا وصلواته على محمد وآله

يلعباس گوم وياي يم حسين شچايه






اخذوا وليدي الظلام وهمه سبب بلوايه

-------
انهض يعباس بساع گوم وياي






نتعنه لحسين واخبره ببلواي

خادمكم آنه واود تجزوني جاي






بغايه اجيت وما اظن صعبه عليك الغايه

-------
يوم اربعينك يحسين ابني لفه ويه الزوار






متحدي صدام الطغه ويه الاشرار

كل گصده تبگه زيارتك مشعل ينور الثوار






هذي عقيدة وراسخه ما تنمحي بمحايه
ج
-------
صدام غم رايك تود تمحي العادة بالجور






أدوار مرت بالظلم كلها گضت دورٍ دور

وهذي العقيدة ثابته بحب الحسين المنحور






گبلك هواي زنابير طنت يطاغي هوايه

-------
دوم بخطابك تدعي من التاريخ تاخذ عبر






شينبيك هذا التاريخ عن يزيد ذكره ان حضر

مجرم خبيث وملعون جبار ينبيك الخبر






بفد مزبله انته وياه بجهنم الدوايه

--------
تطبل اذنابك تدعي ياصدام اصلك يرد للكرار
ج





چا ليش تكره لحسين وكرهك حقد على الزوار

فعلك يردك ليزيد ميردك عله الابرار






انته وزمرتك ظلام وعله ناس گصايه

-------
يل شيعه اگصدوا العباس باب حسين ومراده






ومشوه يم المظلوم بزيارته عل لعاده

فك سجن ابني المعبود بحسين وباجداده






بعد القصيده ما گضت والله استجاب ادعايه


--------------------








القريض هنا للشاعر الجليل الشيخ محمد علي اليعقوبي رحمه الله تاثر بها الشاعر وباراها.

وليس بالحازم من لم يكن
رأى القضايا فوعى واعتبر


الما يرعى الخلگ للخلگ مالم
اليره الاحداث مو حازم ومالم
يبگه وحيد والدلال مالم
يعيها ويعتبر ياخذ سجيه

----------
ولم يجد بين الورى عاذرا
من ضيع الفرصة ثم اعتذر


المصلح للوسائل دوم ياجد
بين الورى عاذر عيب ياجد
يثابر يخلص وبالعمل ياجد
الضيع فرصته ويعتذر ديه

----------
اذا ماثورة خمدت لظاها
ذكت اخرى فشب لها وقود


من الثوار اخذ انهج سناها
لظى ثورة ان خمد يذكى سناها
التجارب والعبر النا سناها
ثورة ثانيه ويلهب بديه

----------
لقد حمل البريد لنا حديثا
ألا لله ما حمل البريد


الگدر ضرسه الوطن لاچه ونابه
البريد شحمل من اخبر ونابه
وگدر للگلب واهظم ونابه
الا لله البريد شعمل بيه

----------

بان معابد العرب استبيحت
وقد فتكت بسادتها العبيد


القوانع ما تضير السار تنباح
العرب منها المعابد عيب تنباح
من تشچي اصوات الثار تنباح
العبد يفتك بساداته رزيه

----------
شعوب العرب محكوم عليها
وتحكم في فلسطين اليهود


غيوم الذل على العربان ظلت
محكومه شعوب العرب ظلت
بحزازات وفتن للمجد ظلت
وتحكمها اليهود شلون بيه

----------
أتحسب ان ذاك الغاب يبقى
لها وطنا وتتركه الاسود


اليهود شلون للخدعه تملها
ذاك الغاب لا تحسب تملها
كل ظنها نصر حاسم تملها
وطن واتركه اسود البي رعيه

----------
أتطمع بالسيادة في بلاد
عليها العرب أجدر ان تسود


انظر للصهاين من بلدهم
تطمع فلسطين تظل بلدهم
تظن اهجع واستسلم بلدهم
العرب اجدر تسود وتظل هيه

----------
جنوا فيها فضائع ليس يجدي
عليها الاحتجاج ولا يفيد


اليهود تريد شعب العرب يجداي
فضائع جنوا بيها عيب يجداي
حگه وببلاده ضيم يجداي
عليها الاحتجاج وتفت بيه

----------
فمن متطوع للنفس فادي
وذي مال بثروته يجود


شعب شاذ العرب ذلها وفدها
الفدا نفسه يعز يعرب وفدها
بهيئة امم ما ينفع وفدها
اليجود بثروة ويكثر عطيه

----------
فكيف تغرها خدع الاماني
ومن بلفور تغريها الوعود


اليهود البعض امتنا تغرها
الاماني شلون تخدعها تغرها
افكار مسممه تگصد تغرها
ووعد بلفور يرضيها الرديه

----------
أينسى القوم ما لقيته منا
أوائلهم قديما والجدود


اليهود بوطن نفسه دوم منه
عفاها شلون تنسه شلگت منه
غزت للعرب ظنها رضت منه
أوائلهم بالايام المضيه

----------
عشية لا الخنادق حجَّبَتها
ولا حصن ولا باب حديد


سماء العرب من رعدت حجبها
خندگ لاحصن عنا حجبها
وتدانت للوغه وما ظل حجبها
ولا باب الحديد من المنيه

----------
يا شقيقي في الهوى عرج معي
لنرى حال فلسطين الشقيقه


استعلت شرذمه چنه نراها
معي عرج حبيبي خل نراها
وچانت تقتبس منه نراها
فلسطين الشقيقه اضحت شقيه

----------
كم دم زاك اراقوه بها
أحرام دمع عيني ان اريقه


عدَّت أمتي عله الظيم عده
دم زاچي انراق عجزت عده
وصبري لعد صبر ايوب عده
حرام عليها دمعي يسيل ميه

----------
لم تزل ايديهم مغلولة
كيف اضحت في فلسطين طليقه


اليهودي نفس عنده يفيض غلها
ايادي دوم باري الكون غلها
الدسيسه وين ما حل طبع غلها
شلون اضحت طليقه اتعبث بيه

----------
أتسوق العرب عنها معشر
منذ كانت بعصا الحكم مسوقه


المخذوله غدت تنطلق عنها
فلسطين العرب تنساگ عنها
عمل بابل وخيبر اظن عنها
بمعشر بالعصا تنساگ هيه

----------
زعموا انك صهيونية
كيف والاعراق بالمجد عريقه


نست شعبي شلعب بيها دعاها
صهيونية ارض يعرب دعاها
شراذم هايمه وتكثر دعاها
وعريقه اعراقها بالمجد هيه

----------

أمة دونك لا بل أمم
هي في النجدة والبأس خليقه


اجيال الشعب نرجع ليچ ترعه
امة الچ لا بل امم ترعه
فلسطين الغزاچ بظيم ترعه
اهي بالباس والنجدة صخيه

----------
متى ينجلي هذا الظلام المخيم
وينجاب عنا العارض المتجهم


الوطن لو چان بيها احرار ينجاب
الظلام الخيم عله الوطن ينجاب
من يطلب تهب تحميه ينجاب
شوكت والعارض وتسفر عليه

----------
أحقا بنو صهيون تعطي حقوقها
ويغصب حق العرب جهرا ويهضم


أريد اصبغ بدمي الراح وحنا
لبني صهيون تعطي حگوگ وحنا
التحرير الوطن مشتاق واحنا
جهر ينهظم حگنه اعظم رزيه

----------
دعوا السيف ينهي الحكم فيها فانما
تحل القضايا في شباه وتحسم


علمنا العدو يرشي الخلگ وانما
خلو السيف ينهي الحكم انما
يشعبي الثورة من الخطب انما
القضايا بالشباه اتحسم هيه


--------------------




















الاسريات












أول الفاجعة

كنت ارجو عند المشيب حماكا
فلماذا عند المنى لا اراكا


من كل شين انهرك چنت وانهاك
ردتك من يهدني الشيب وانهاك
وكلما ردت تعمل خير ونهاك
لچن عند المشيب گطعت بيه

----------
يا لائمي في عزيز القلب لا تلمي
جرح بقلبي ومنه العين لم تنم


يريح الهاب صوب جواد وانه
يلايم لا تلوم الروح وانه
اخبره الگلب عيب يهود وانه
جريح ولا تنام العين هيه

----------

تعال وهاك روحي وشوفها شبيها
عجز منها الطبيب اللي يداويها

----------
من سمعت يوليدي غديت ايسير
انهدم حيلي وعگلي تاه بالتفكير
هبطت روحي وگلبي يريد يطير
كل همي رجعت لامك اواسيها

----------
رجعت لمك يجودي ومالگيت امك
دفگ دمعي يروحي وندبت بسمك
نشدوني هلك يجواد ليش رجعت وشعندك
ومن صوتي اخوتك گبَّر بواچيها

----------
بگيت ابچي يجودي وما تهل دموع
لنها امك لفت منها الگلب مفجوع بس اصرخ يروحي والدليل يلوع
تسليني بدمعتها وبالآهات اسليها

----------

بگيت الاه فني وبس اجّر حسره
ما مفجوع گبلك باليسر مره
وعيني مولحة والمهجه موجره
تاهت روحي لفرگاك تاهت وين مدريها

----------
ليل نهار شخصك ماثل گبالي
بهاي وذيچ يبني تيهت بالي
أتمگَّل معانيك يدلالي
وصُفه بروحي الدهر بالكندي تاليها

----------
طبيب الكندي يوليدي فحصني وگالي شمالك






ما شوفن مرض عندك شنهو الشاغله لبالك

ما يدري الجسم يمه وروحي مسوربه گبالك






گلته دواي عند جواد هو الروح يشفيها

----------
يمهجة گلبي تدري الفرگه صعبه چثير

كلما هلك زاروني بالكندي دليلي يطير

يحوم بكل ارض ايران وابگه محير التفكير
جج
وابگه اتنادم ويه الروح همك حيل ماذيها

----------
چنت يجواد كل ظني من اهلك يزوروني

خاب الظن ولا مره اجيت وشافتك عيني

اقبل ياشريچ الروح ولو بالطيف وافيني

روحي بطيف يا مدلول تبخل من توافيها

----------


يوليدي ودليلي ومهجتي والروح

تراني بعملتك چبدي تفتت والگلب مجروح

هم ترجع ليالينا واشفه من المرض والنوح

ويلتم الشمل واشفاي من وجناك ارويها


--------------------


















حديث ذو شجون

يا بعيد الديار وجدي كثير
انا في راحة وانت اسير

-------
اريد انشد عليك الطير ونسر
عيب اهنه بلذيذ العيش ونسر
اريدنها تگلي جواد ونسر
وأسير انته وصعب فرگاك اليه

-------
شلون تاسرت والاسر جاني منين
سولفلي يجودي ويا ضوه العينين

-------
چنت گبلك افَكْر بعلي واسراره
انفگد خالك يجودي وضاعت اخباره
وگبل ما اطمئن وتنطفي ناره
الناس احتارت بواحد وانه تحيرت بثنين

-------
فَگِد عبد الله يجويد حبس طبعي

ولا تنسه علي العريس يوليدي حِنَه لضلعي

وبيسرك بگيت نحيل من انهض ارد اچعي

ثلث وردات ومفتحه ها لاله ثلاث شموع ومنورين

-------
اعد ايام فرگتكم وضاع العد

اريد وياك احچي وبالحچي انشد

اگصدكم ثلاثتكم واريد ترد

گلوب عليكم موجره بحزنها وللخبر ولهين

-------


يروحي ودگة گليبي ويكل عضاي

شلون تاسرت سولف يبعد چلاي

هم كضك ظمه الحر لو شربت الماي

هم چتفوك واچتافك صعب ومتين

-------
شگال گليبك بحر الشمس والنار

هم گلبك رجف لو خفت لو محتار

هم شعرت بالذل سولف شما صار

هم حنيت لو ونيت يو لاله شعرت بالبين

-------
سولفلي شگلت لمن بگيت وحيد

وصك الدان واشتد بالمعاره الويد

من سلَّمت گلي شلون شلت الايد

بعد اليسر وين صفيت گلي وين

-------
گلي شگد بگيت بلا اكل لا ماي

هم تمرغلت عل رمل يبني هواي

شلونك من گضو ربعك يبعد حشاي

هم انصِبِت واصوابك كَلِف يو زيـن

-------
سولفلي يروحي وياهم من اخذوك
ج
هم شدّوا عيونك يا ترف واذوك

سولفلي يعگلي بيا سجن خلوك

بگيت ببدلتك لو بدّلت يحنين

-------
اظن سجنك طويل وتكثر ايامه
ج
عله عمري ولا اشوفنك يشمامه

بگيت مهندم ومرتوب لو هبّطت للهامه

سجن ايام لوله شهور لوله سنين

-------
يل رديت يوسف سالم ليعگوب

ردلي جواد شعرة گلبي المنيوب

ردلي جواد واخذ الروح مني انوب
ج
كافي يرد لَمّه ولخوته الطيبين

-------
ردلي جواد واكمل فرحتي وياه

من يرجع علي وعبد الله وتلگاه

نعرسهم ثلاثتهم يراعي الجاه

وتسر گلوبنا بجاهك وجاه حسين


--------------------





























تبدل السلوى بالبلوى

يبدر اخوتك يمته تهل وناراك

لغيابك غديت انحل وناراك

اسعَرت نار الوكت بيه وناراك

اشد سعيرها واوجرت بيه

-------
فجعني الوكت واعمت حرت بلواي

بفگدك صرت اطفي الواي بلواي

چنت سلواي جودي وصرت بلواي

اصك راح عله راح ونار بيه

-------

يمته تهل يبدر اخوتك بسماها

چنت للروح سلوه وصرت بلواها

-------
يمته تهل يبدري وبيك اجدّي خطاي

يمته تهل يروحي ومهجتي وسلواي

عيشي سگم بيك ومر يجودي الماي

بچاي العين مولحها وطفه ضواها

-------

شمردت انساك يوليدي وردت اسلاك

دومك شاخص گبالي وعيب اگدر يجودي انساك

روحي هنا عليله عليك دوم وماتمل ذكراك

ليل نهار محبوسه ومرمره بذكراها
ج
-------
روحي مرمره وفكري شتت يجواد

هايم بيك يوليدي وجفيت الزاد

عيب الروح هادت لو دليلي هاد

مدوهن عيني بيك النوم جافاها
ج
-------
مدوهن يلعزيز وما اعرف النوم

غذاي السگم يجواد وشرابي هموم

دلالي شرد مني يوليدي وعليك يحوم

بسفينة شوگ شخصك هام لاچن وين مرساها

-------
دليلي يلوب من شوگك ما اگدر اصبرنه

ونفسي عليك بل وسواس دوم بنوح ولجنه

ديدنها غده الحسرات و الاهات و الونه

وهي من اول عليك تحوس ومحيرعلى شفاها

-------
افكر بيك يوليدي لو بخوتك لو بالروح

لو بمُك العجزانه تفهمني وملتني جروح


انوح من الوكت يجواد يو لاله عله روحي النوح

المصايب صبت عليه ومدري منين ملفاها

-------
احس وحيد يوليدي وليمته اظل وحيد

عيوني مسوربه بدمعي يجواد ولويت الجيد

يمته تعود تدري رجعتك للروح هيه العيد

مالي روح من فرگاك متلوفه عله فرگاها


-------------------------
















صراع بين الحزن والفرح

لون اگدر اتسله آ لوني
صروف الدهر كلها مالوني
يجودي النيب من حنت لوني
لچن فرگاك هو الفتك بيه

--------
افرح لو اجر حسرات تتصارع وياي الروح

وجهي فرح من عرسوا اخوتك والگلب مجروح

--------
من عرس اَمَر يجواد بگيت اتصارع ويه العين

تريد تهل دمع من دم لجلك ما ادريبك وين

اتظاهر فرح مسرور لاچن الحزن تبطين

گلبي عليك يگطر دم ليل نهار يَبني ينوح

---------
بگيت امصارع ويه الروح واتكارب ويه الدلال

اگلهم هذا هم ابني اهو وجواد فد منوال

من اريظهم اشوف العين يدفگ دمع منها وسال

من اخفي الروح والدلال عيني لعد سري تبوح

--------
هذا آنه يبعد چلاي لا لي ليل لا لي نهار

بسرعه نسيت هل فرحه ونسيت الفلك دوار

خطف شخصك غفل مني وشت عگلي وبگه محتار

عيني مولحت لجلك ودموعي عله وجهي سفوح

--------

يسباح الگلب لحظات اصحه وارد للتفكير

تراني مقصر ومستحي وعيب چثير
ج
گلبي وياك تايه سبب هل تقصير

بحگ اخوتك چي لن الگلب مرموح

--------
عتگ عبد الامير وما شفت فرحه

وبگه الدلال مرموح وخزن جرحه

گلت وي كرم افرح واسهج القرحه

ولن عادت حليمه تعود عيب تروح

--------
بعرس اخوتك عيب انشرح دلالي

اشوفك اول العرسان يبني حيل يحلالي

يو لاله تزفهم انته يل غالي

وبيدك تعجن الحنه بفرح مشروح

--------
يبني اخوتك ما فرحوا سبب فرگاك

ليله من العمر الهم خذتها وياك

يعوضهم يسباح الگلب ملگاك

يمته الفرج يل غالي وترد الروح


--------------------


























أمل ورجاء

يهل ماخذ جواد ايسير تنعاد
يروحي ارد انشدنك علي تنعاد
اودعه فراگه لحظه بعام تنعاد
هذيچ ليالنا الحلوه الزهيه

-------
هم يعود دهري بيك هم يعود
وترد ذيچ الليالي ونرد ليها ردود

------------
هم يعود دهري بيك يا غالي
تاه الراي بيك وتاه دلالي
وترد ليه واشوفك گاعد اگبالي
رديت بنگيصه وغربت للزود

------------
يمبسل الگذله ويا شطب ريحان
يحسوة ماي بشفاف الظمه وعطشان
ياريح العذيبي وزهرة الشبان
يبگجه مقدح وتعطر شذى من ورود

------------
ينسمه من الربيع وتهب يوم الصيف
الف وسفه يغالي ومية الف ياحيف
يبلسم للجرح لمن يجيس السيف
بل تجنيد اسمك تنكتب مفگود

------------
بل تجنيد مفگود وتگلي الناس
وأكَّد لي اليسر مكتوب من عباس
سمعنه جواد سلَّم لا تظل تنحاس
وآنه ملولح التفكير ما يقبل عليك يهود

------------
تفكيري ملولح والدليل يلوب
بهاي وذيچ يوليدي العگل مصيوب
چي لن ما سمعتك لا شفت مكتوب
همي زاد اخاف الناس والمنگود

------------


عگلي انصاب يوليدي وضاع البال

أسولف ويه نفسي ورگد مني الحال

يوليدي بسگم ريته البيني وبين شخصك حال

عليل ولا يعرف النوم ورويحتي بظيم تزود

------------
يعالي الشان بالزهره وزينب والطفل وحسين

اريد جواد اشفونه سالم يرد گبل البين

وبكل جاه اسوم عليك ببابك واگفين اثنين

الام ثكله الابو مفجوع ترد وليدهم وجود


------------------------------













الفخر والحنين

عاد احد الاسرى المعوقين من ايران اسمه هادي من اهالي الهندية، فمدح ولدي جواد كثيرا مبينا انه كان يخدم الاسرى الذين معه، منها انه اشتغل في معمل خياطه فيحصل على بعض النقود البسيطة التي كان يجمعها ليشتري لاخوته الاسرى ادوية او سجاير او بعض الملابس الداخلية وغيرها فكتبت في ذلك هذه القصيدة.

ينبراس الفخر يجواد يا بو الطيب
لو مثلك الام اتجيب لو لتجيب

--------
لفتني علوم عنك من ارض ايران
هادي لجابها وصارت الك عنوان
تسر الروح يبني وتفرح الوجدان
أدريبك جفاك العيب بي مَتعيب

--------
صرت خياط هادي يگول بالاجره
تريد فلوس تجمع ولو بالحسره
عند العجم يبني وعيشتك مره
تود تكرم اخوانك ونته خاوي الجيب

--------
صرت تكدح وتعرگ بس تلم عانات
تلم يا ترف بالاهات والحسرات
لاخوانك الاسرى تشتري دويات
وتصرفهن بنشوة عله اخوتك وبطيب

--------
حگي لو فگدت الصبر وابچي عليك
چايدني الفراگ وادري بي ماذيك
چي لنك مرتّب واعرف اللي بيك
ادريبك شهم ويهمك الترتيب

--------

شلون گدرت يبني تفارگ كحيله
بيك مدللـه والغاثها ويله
هاي الچان هيله يجيسها هيله
عگب هذا الدلال شلون عنها تغيب

--------
وشلون گدرت تنساه لزويد
خلافك الف حسره لـ(هدله) يجويد
يو لاله اخيك سعد وعبيد
تجذبها والف دمعه عله خدها تسيب

--------
يخو (هدله) وشيلة راسها المهيوب
شغلها الصار يبني البدل المكتوب
خلافك دنگت رِد خل تعز النوب
تعال ردود يوليدي خلي الدنيا بيك تطيب

--------
ولا تنسه رشاد وكرم و امُيِّر
فتيانك يراعي الزود والمعشر
هذوله حزام ظهرك لو ردت تنذر
تعال وشوف حنتهم حنين النيب

--------
وامك آه يبني لو تشوف امك
تعيش بلا گلب يجواد تراهي گليبها يمك
تريد تشوفك وبحضينها تضمك
ما ظنتك تتيسر وبيك تخيب

--------
آه والف آه لحسرتي ولوعي
تره صار الجريب بعيد دومي اغص بدموعي
فراگك يفت چبدي وأحنه لضلوعي
عيوني بيضّت لفرگاك يا بو الطيب

--------
وعروبه الحبتك من گبل متشوفك
چانت تود حنتها بيها تخضّب چفوفك
وهملت دمع من اكتبت مكتوبك
وتزفها وتصك الراح ولشمعتها انته تجيب


--------------------




حرقة الفراق

موال

أسرك يجودي سلبني النوم والراحه
والهم چتلني بجفاك و أصفج الراحه
ظليت عگبك شبح لابي وعي وراحه
أكره نهاري واحب الليل واردنه
أتمنى طيفك يمر بالنوم واردنه
بالعكس صار السهر يوليدي واردنه
ليلي ونهاري سوه بالجيه والراحه

--------
صروف الدهر للعگل يجواد ولجنه
وخيطٍ رفيعٍ بگه من الصحوة ولجنه
لا شفت الك طيف ومراسيل ولجنه
هيهات روحي تچن والدمع مني سال
عن لوعتي وحسرتي للنجم يبني سال
فراگك عليه صعب هو لچبدي سال
الفردوس الي طلعتك يوليدي والجنه

----------------




أبوذيه

على فراگك يجودي العمر ماجت
ودموعي فوگ خدي انهار ماجت
رسايل ليش منك أبد ما جت
تطفي النار يبني التشب بيه


------

على الهم امسي واصبح وانتخالي
يجودي الوكت حورب ونتخالي
انته امي وابوي وانته خالي
وكل اهلي ونار السرت بيه


------

جريحه الروح يبني ولم بيها
وخسرت العگل بالجد ولم بيها
شمَجْمَع بتوت گلبي وألِم بيها
تراها مگطَّعه والوجد بيه


------


يجودي( شعطلك شبطاك شلهاك)
غريج بدمع عيني انتظر شلهاك
چثيره جروح گلبي هاك شِل هاك
ومن تبطي تجاربني المنيه


------

اجفاك الجدم شلها وشل ياداي
وداي امچيد عيب انعرف ياداي
جرح البل گلب يجواد ياداي
عجز منه الطبيب وجاس بيه


----------------------











نايل

اشتاگ الك يا ترف كل ساعه من يومي
وفيض الدمع ما يجف ولا تسكن همومي
كلما اصبر النفس يجواد لفراگك
يلتهب مني الگلب وكل ساعه اشتاگك
هايم عليله النفس لا حيل بيها وحال
سهران اعدِّ النجم فراگك صعب چتال
يجواد كلشي حملت من الدهر وصروفه
لاچن يكدر النفس شخصك فلا اشوفه
يا حيف يبني والف وسفه يجي ببالك
مكتوب الك ما ادز وتكتب لعد خالك
يا حيف يبني تظن اهمل مراسيلك
الگلب مني شرد يمك يباريلك
لا حيل يبني بعد لا گلب عندي وحال
چماله عله بعدك جفه تدري الجفه چتال
عوَّد يطيب النفس يجواد يا ابو الطيب
واكتب يريع الچبد لتخلي نفسي تخيب
رديت كل الكتب اللي اجت منك
وچثير مني كتبت اسأل تره عنك
نسيت العمر والوكت ونسيت كل حالي
وغيرك فلا بي احس ويخطر على بالي
جواد عني بعد وعيوني متشوفه
والدمع مني همل متروفه كل روفه

-------------------------

دارمي

أنْحَب واهَّل العين وانده يبو الطيب
ما تحن حن الروح يوليدي النيب
-----
سلواي صار النوح واهمل دموعي
بگلبي تفت ذكراك وحنت ضلوعي
-----
يوليدي وحشه الدار من غبت عنها
ظلت مكسفه عليك يلچنـت ضيها
-----
يل مِبْعِد عله العين مولحت عيني
اتمنه اشوفك يوم من گبل بيني
-----
روحي خْلِصَت يجواد من كثر الهموم
وانحلت ما بياش بس شيل الهدوم
-----
خد دمعي يا بو الطيب بخدودي اخدود
اتمنه بالساعات يوليدي تعود
-----
يوليدي راسي عليك من همي موجوع
فر گلبي بالحسرات من بين الضلوع
-----
اگرب وشوف الروح هامت بالاوهام
سهرت مترضه العين تتهده وتنام
-----
هم ترد يا بو الطيب ونرجع للافراح
واهزج واگول اليوم بدر العمر لاح
-----
ما چنت اظن يجواد تبعد عليه
وانته بأسر مهظوم والبيه بيه
-----
الدنيا ماتسواش امك تگلي
ما تدري كل دنياي انته وعگلي
-----
تترجه يا مدلول ما دزلك اشعار
چا بيش اهود الروح بيش اطفي النار


-------------------------










الغراميات












غادة

شفت غادة التجن عگل الشافها
مرح تمشي وحاير باوصافها

-------
شفت غادة وريتني ما شفت غيد
وبلحاظ العين ادمتلي الجيد
گلت اوصف گالت احذر ما تجيد
وبلسِمَت جيدي برشيف اشفافها

-------
بلسمت جيدي ووگفت مطوسه
وشارت برمش العيون الناعسه
گالت اوصف لچن حز گلبي الاسه
چيف روحي ابلشت وي خطافها

-------
گلت وجهچ شبه بدر السمه التم
شزر گالت والغضب بيها احتدم
هذا وصفك مثل دس العسل سم
فكرتك خلني أبَيْنِ اجحافها

-------
البدر مظلم دوم ضيه من الشمس
ذاته ما بي نور منها منعكس
لچن وجهي ينور من ذاته ويمس
وسط هذي الواسعه واطراحها

-------
البدر يچسف من يتم بعض الشهور
عله الارض من يظل قانونه يدور
لچن وجهي ما چسف دومه ينور
شما تچل عليه عيون التافها

-------
البدر ليلة يتم بكل شهر
يبدأ هلال ويرد ماله أثر
لچن وجهي تام دوم وما انحفر
يبهج گلوب البشر واشغافها

-------
البدر جامد فاگد لمعنى الحياة
بفلك داير دوم بي يمسي ويبات
لچن وجهي حي نظر بيه الصفات
مالك الكون بقدرته صاغها

-------
گلت ورده مفتحه وعطرچ يفوح
شذا ولو هب النسم يبهج الروح
بچت گالت انشبت گلبي جروح
الوردة تذبل من يحين جفافها

-------
الوردة تفگد كل عطر من تنگطف
ما دريت ولا يظل وصفك يسف
روحيتي مرحه وابد ما تنتلف
مستحيل عله الشباب اگطافها

-------
گلت عودچ بان يتمايل طرب
ومن يمر ريح الصبا بغصنه عذب
البان گالت مشوچ وذاته حطب
واخذ ذاتي وانظر الهفهافها

-------
گلت من تمشين چن ريم الفله
تيه مضموره الجسم ومبسله
الريم گالت وحشه دوم مجفله
الوحش ويه الغيد عيب اصفافها

-------
گلت ييزي فلسفه وطغيان دوم
يهل غاده ريضي واحذري اللوم
بالطبيعه توصّف اعتادت الگوم
الاجيال السابقه واسلافها

-------
گالت اوصف بعد ما تسمع الرد
گلت ثغرچ باسم ويچشف برد
والرضاب معسل وچنه شهد
تود كل الناس منه ارشافها

-------


عگرب الحاجب وعل وجنه رصد
صاعقه العينين من ترمش رعد
لعد ملچ الموت وياها عهد
الوصل يمها جبن منها وخافها

-------
الجيد بلور ويشف منه الماي
الريگ بلسم للجرح يشفي الداي
الصوت نغمة عود لو مفرد الناي
والزلوف امبندره على اچتافها

-------
اللون حنطي معسل وشهلة العين
والرمش غيمه وتظل عل وجنتين
الحلگ زاگوره وشبه وردة التين
والجعود اتعبت چف السافها

-------
اتعبت چف الظفر منها الجعود
اللون قمحي وطولها يطاول العود
من مشت عل گاع خدتها اخدود
طولها من الراء لاسفل قافها

-------
ناهدة النهدين باطراف الصدر
للمتَيَّل من يطخ بيها تطر
رماح چنها مشرعه لاچن تدر
ماي من عين الحياة الضافها

-------
هذا وصف الظاهر وخلي الخفه
بيه ما يدري الذي حصته الجفه
يگضي عمره بالسعادة الوارفه
اليحضه بيها ويلتحف بلحافها

-------
هنا نهض عگربها بالجبهه ونفر
صاعقه من العين لمضت بالشرر
من وصل وصفي لعد هذا الگدر
تحالفت كلها وغدت سنجافها

-------
تحالفت كلها وعلنت للحرب
وضاگت الوسعه وتيهت الدرب
السلم ناديت ورجف مني الگلب
وخفت من ويد الحرب واقصافها

-------
نادت الغادة الك مني عهد
عرفت گصدك طاهر وتبغي الوعد
الوعد يم الشارع ونگضي الابد
العمر كله بالسـعادة الرافها


-------------------------


الوداع

مشيت مودع الله وما دريت شصار

بگه دمعي يكت عليك ليل انهار


يكت دمعي عليك لفرگتك يا زين
خد بوجنتي يسمر تره خدين
الساعه عله محب گالو تصير اثنين
دوك انظر
خد انهر
گلت اشهر

لجلك مولحت عيني
وغيابك الماذيني

هاك الروح هاك العين هاك حشاي تلهب نار
-------
مشيت مودع الله وخذت مني الروح
بسهم جفاك دلالي غده مجروح
اخبرك صار ريِّ البچه غذاي النوح
يا مدلول
ظل مذلول
حلو الطول


همك رگده لحيلي
معرف نهاري من ليلي

هايم وانظر بعنين ظعنك بعد عني وسار
-------
بگيت نحيل چي شخصك جفه وابعد
ما تدري الجفه چتال گلبك صخر لو من صد
ارعه البدر كل الليل بلچن نلتگي بالعد
غفل يَسْمَر
واظن اكثر
واظل اسهر

ساهي ولا اعرف النوم
على شخصك خيالي يحوم

غريج بّحر شوگي عليك بعدك والفكر محتار
-------

غريج بوابل الحسرات اتهل والنفس نگّاد
هم سامع بطير الحر لگطايه غده منصاد
چتيل الشوگ اظل بهواك يا مدلول للمعياد
مالي روح
وكله جروح
ليش تروح

رحت والروح الك راحت
وساعات الوعد لاحت

انگضه عمري البگه براسك راح وما اله تكرار
-------------------------


















أنين القلب

ونينه الگلب هاك اسمع ونينه
يذوب عليك من شوگه وحنينه

يذوب عليك دلالي
ولا يهدأ بعد بالي
تورطنه بهواك شلون بينه

ونينه الگلب هاك اسمع ونينه
--------

أحبنّك يغالي وانته تدري
سلمتك دليلي وبيدك امري
هايم من هواك وتود هجري
وهذي الروح الك ولهة وحزينه

ونينه الگلب هاك اسمع ونينه
--------

ذبل عودي بجفاك وصبر مالي
مرمرني هواك وسگم حالي
وعيني مولحت لجلك يغالي
حرام تخونّه وتبعد علينه

ونينه الگلب هاك اسمع ونينه
--------

دليلي من الوجد بهواك مالوم
تسوم اللي يودك بابخس السوم
سهران الليالي وفاجد النوم
كل اللي جره علينه من ادينه

ونينه الگلب هاك اسمع ونينه
--------
ظنيتك وفي وبالعشره تسوه
ردتك بهجتي ولگليبي سلوه
وتگظي ابام عمري وياك حلوه
ظالم ما دريتك بس علينه

ونينه الگلب هاك اسمع ونينه
--------



















الملامه

لاموني بهواك الناس لاموني
آنه وياك متراضين
شلهم كار عنك من يعذلوني
صارنّه يغالي سنين

غايتهم يمحبوبي يبعدوني
لاموني بهواك الناس لاموني
--------
شلها الناس تتدخل ينور العين
ما يدرون وحده الروح للجسمين
آنه وياك عل حب للأبد باقين
أَحِنْ واهواك غايتهم ينسّوني

لاموني بهواك الناس لاموني
--------
ما أنساك خلهم بالسگم خلهم
تفارِگنه وتباعِدنه الخلگ شلهم
لوله الناس تتجمع علي كلهم
أعوفنّك يبعد الروح يردوني

لاموني بهواك الناس لاموني
--------
شلون اسلاك يا غالي وأعوفنّك
انته روحيتي هايم واريدنك
مَلكتّك دليلي وحيل احبنك
لاچنهم ظوالم ما يرحموني

لاموني بهواك الناس لاموني
--------
آنه وياك اظل واهواك للتالي
تدري احرگ حبيبي گلوب عذالي
ولو تبعد يظل طيفك على بالي
چيف الثم شفافك من يشوفوني

لاموني بهواك الناس لاموني
-------------------------

رد

رد يل شادهه لبالي
ردتك تشرف بشخصك
مو بعدك سگم حالي
واحكم بالهجر تالي

رد يل شادهه لبالي
--------
اذكرنّك ان چان نسيت
دلالي افتحتلك بيت
يوم البي شفتني وجيت
رد للمرخص الغالي

رد يل شادهه البالي
--------
نسيت منادم الگمره
عهدك هلبت تذكره
يغالي والهوى وسحره
رد و شفيلي دلالي

رد يل شادهه البالي
--------
نسيت احيينا چم سهره
غيابك بالگلب جمره
سكارى من الهوى وخمره
رد طفي اللهب عالي

رد يل شادهه البالي
--------
نسيت شلون ذرعانك
توشم وجنتي اسنانك
من اتضمني لاحضانك
رد وانظر اليجرالي

رد يل شادهه البالي
--------


نسيت ايامنا الحلوة
چنت سلواك يا سلوة
نسيت مشابك الخلوة
رد ولا تظل سالي

رد يل شادهه البالي
--------
نسيت العشگ چا والشوگ
عهد توفي بچيدك طوگ
نسيت من انتباوس بوگ
رد دارك يظل خالي

رد يل شادهه البالي
--------
نسيت شفافي فوگ شفاك
شنهو التبتعد خلاك
تتراشف رضاب وياك
رد ختموت عذالي

رد يل شادهه البالي
--------
نسيت حبيب تنادي
دليلي لشخصك ينادي
وترك سدرك على افادي
رد بس اگعد گبالي

رد يل شادهه البالي
--------
نسيت من ارتوي بنهدك
للعاذل حلو بُعدك
تشم سدري واشم سدرك
رد الوصل يحلالي

رد يل شادهه البالي
--------
نسيت منادمك بالعين
وين العهد والحب وين
والغمزة وحچي الردفين
الكل ظلت تراوالي

رد يل شادهه البالي
--------
شچان انسيت اذكرنك
شفاك ونهدك وسدرك
شهود هوايه الي منك
وحت روحك چنت مالي

رد يل شادهه البالي

-------------------------


















دجلة والعتاب

على دجله وشواطيه تنسى العتب ما ظنيت

امواج النهر تحچي وغياب الشمس يا ريت

----------
على دجله وشواطيه تنسى الگعده يل محبوب

من گريت الك خطي نسيت شچان بي مكتوب

بيه شلون چنت تخون كل مره ودليلي يلوب

بكل وعودك وعهدك بس عله الغدر ظليت

----------
اريد انشد دمع عينك من فيّض نهر دجله

نشيجك تسمع الوادم ليش ودمعك تهمله

ما تقبل اودعنك يغالي وعنك اتخله

احبنك يسلوه الروح وانته ابد ما وافيت

----------
بگيت تنوح ياغالي ما ترضاني اودعنك

تگلي ابگه حبيب الروح لاچن تغدر بحبك

رضيت ومزگت خطي ووثقت العهد منك

تاليها العهد خنته وايمانك خنت ونسيت

----------
عاهدت وحلفت ايمان عل تضحيه وتبگالي

طلع عهدك چذب وانته بس تباري عذالي

ليش التضحيه صارت نقمه علي بالتالي

وضح غايتك يسمر موش لچبدتي سلّيت

----------
ان چان تظن يبَدِّ الذات أنسه رسالتي وعهدك

چيف تمزگت أيِّس من هاي وخطأ ظنك

تراهي مسطره بگلبي وارد اردود اودعنك

رد گلبي واردلك كلما قدمت وهديت

----------
هديت روحيتي وگلبي لشخصك يا بعد عيني

حسبتك وفي وطيب الذات تذكرني وتوافيني

ما ظنيت بالهجران بس تريد تاذيني

ما تسأل نجوم سهيل بيها شگد الك ناديت

----------
أهديلك دليلي وچبدتي وعقلي

وانته تريد اذيتي وتستود چتلي

ان چان تود تعذبني يبعد اهلي

رد هديتي خلني وحيد ان چان حبي نهيت

----------
رد هديتي يسمر تراها هديتي گلبي

خليني اعيش وحيد آنه ولهفتي وحبي

الك دربك يحلو الطول وآنه بوحشتي ودربي

تلگاها انچان آنه إلي حوبه وحگ البيت

-------------------------

ذكريات

على شاطي النهر يسمر كلما امر اذكرنك

وي شمس الاصيل آنه بصوت الروج اصحيلك

--------
كلما بالنهر مريت مر طيفك على بالي

محدد لا رحت لا جيت ماثل شخصك گبالي


اصد اردود للروجات
انشدها عل حچايات

ترد اتجاوب بلهفه گال هنانه احبنك ـ اذكرنك ـ اذكرنك
--------
رد شاطي النهر عالروج گله وياك الي چلمه

شهادة حگ اگولنها سمعتها من اگعدوا ولمه


سمعت اعتابهم باذني
يگله الشوگ عذبني

دمع عينه سگه ورودي حبيبي تظل اريدنك ـ اذكرنك ـ اذكرنك
--------
ولشمس الغروب انوب صديت بگلب مكسور

اناشدها على الغالي ودمعي عله الوجه منثور


يلمعذب تجاوبني
اسكت لا تناشدني

ادريبه العهد خانه ابدا ما سئل عنك ـ اذكرنك ـ اذكرنك
---------

مشيت عله النهر خطوات ادور عليك اريد الگاك

خاب الظن چنت ظني اعيدن ذكرياتي وياك


حرام عليك يا غالي
تعاهدني وتشت تالي

موش انت الهمل دمعك لمن ردت اودعنك ـ اذكرنك ـ اذكرنك
--------
أودعنك ردت يسمر چيف تساير العذال

بالحب مرمرت گلبي وعذبته وعذابك طال


تعاتبنه وتصافينه
تعاهدنه وتراضينه

بگيت التضحيه فني ليش انت الغدر فنك ـ اذكرنك ـ اذكرنك
--------
تعاهدنا على حبنا ردود تصفالي وتضحي الروح

شنهو اللي صدر مني يلغالي وتريد تروح


بس ارد اعرف الاسباب
يلي بيك ظني خاب

نسيت ايامنه الحلوه شخذت مني شخذت منك ـ اذكرنك ـ اذكرنك
-------------------------






تعال وشوف

تعال وشوف حالي شلون بعد جفاك

تعاتبني شعملت آنه وجنيت وياك

-----
تعال وشوف حالي ياعزيز الروح

تراني معلعل خلافك وحگ الروح

عله شوگي عليك والبيدك غده مذبوح

تذبحه بسيف هجرانك شنو الخلاك

-----
شنو الخلاك تذبح بالهجر حبي

وتزرع شوچ ياغالي على دربي

شنهو العذر وتشچ خنجر بگلبي

ذاتك هاي يو لاله الهوه ولاك

-----
ولاك الهوى وخلاك تطعنّي

ضميرك مات ما تسأل بعد عني

چا متخاف من حوبتي تعذبني

ما ظنيت بالحب ظالم وفتاك

-----
ما ظنيت فتاك وصخر گلبك

تخون بساع تنكر يا ترف حبك

فتني الشوگ واظناني البعد عنك

عيني مساهره وخلها اتغمض عيناك

-----
خل تغمض عيونك وانه اظل سهران

أحسِّب بالنجم واهمل دمع غدران

ألوب عليك وانته بعالم النسيان

ساهي ولا تهم لا چن تِعَرْف هواك

-----
ساهي ولا تهم بهواك يا غالي

تخون اللي يوِّدك ما اجه بّالي

البل حب ماله اول ما إله تالي

اريد انساك علمني شلون انساك

-----
شلون انساك علمني يناسيني

من ابچاي لجلك مولحت عيني

شنهو اللي جنيته وياك تجفيني

ما تدري الجفه يمدللي هلاّك

-----
هلاّك الجفه تدري بالمحبين

تعابي بلا سبب چن لك عليه دين

وين ايامنه الحلوه وعهدك وين

خاين ذات يو لاله الحِسِن علاك

-----

منو العلاّك يل بذِّل چنت عايش

يل مغرور تندم من تظل طايش

تنهي الشوگ چا ذرة وفه مامش

وتنچر طيب المحب وتطيع عداك

-----
طيبي وياك ما أثَّر يبَدِّ الذات

بعينك لا ملح غزر ولا سهرات

تنسه منادمي وياك والهمسات

عيب تخون گلب الودك ووافاك

-----
روح اوداعة الله وخل دليل يهيم

آنه ويه الزمن نتناك وابگه مجيم

ردلي انچان تتوازه ويجيسك ظيم

تلگاني وفي لولا الدهر چواك


-------------------------
































شيفيد

شيفيد العتب بعد العتب شيفيد

بالخاين وداده ويشت عني يريد


لو ينفع عتب وياه
ما چوّه الگلب بجفاه

شيفيد العتب بعد العتب شيفيد ـ شيفيد ـ شيفيد
-------
اريد اعتب يغالي وللزمن عتبي

موش وياك چي لنك خنت حبي


عتبي عله الزمن وياك
چيف گضيته احن واهواك

شيفيد العتب بعد العتب شيفيد ـ شيفيد ـ شيفيد
-------
اگضيت من عمري ثلاث سنين

بالحسرات صحوي والمنام ونين


سنينك طيف الي صارت
وروحي من الوجد خارت

شيفيد العتب بعد العتب شيفيد ـ شيفيد ـ شيفيد
-------
طيوف ايامنا صارت يبعد الروح

تحز بحشاي واغدت كل دليلي جروح


عيوني من البچه ملحه
وعينك تنظر ووكحه

شيفيد العتب بعد العتب شيفيد ـ شيفيد ـ شيفيد
-------
خليني يغالي وروح خليني

هايم ما تِعَرْف النوم ابد عيني


بس من حوبتي تحَّذر
تندم بالغدر تعثر

شيفيد العتب بعد العتب شيفيد ـ شيفيد ـ شيفيد
-------
اخاف عليك من حوبتي ومن بچاي

تعثر لو ردت عني تشت يهواي


شنهو وياك انه ذنبي
چي مخلص الك حبي

شيفيد العتب بعد العتب شيفيد ـ شيفيد ـ شيفيد
-------










شنهو الگصد

شنهو الگصد يمدللي تجفيني
اتجربني رايد يو تود تاذيني

كل ساعه عندك فد راي
تتسله صاير ببچاي
چلمة رضا يو لا رفض دنطيني
شنهو الگصد يمدللي تجفيني

----------
بلسانك تگول وتريد الفرگه
وعيونك اگراها تود الملگه

ياهو الاصح بينلي
معاديني يو لا خلي
كافي بعذابي ولهفتي مخليني
شنهو الگصد يمدللي تجفيني

----------
محيرني بين عيونك وافعالك
شنهو يغالي وضحه اليحلالك

شنهو السبب ماني هواك
شنهو الجنيته وياك
تدري الهوه يْفِت بيه ويچويني
شنهو الگصد يمدللي تجفيني

----------

شنهو الجنيته وياك من تهجرني
بدال الوفه يروحيتي اتعذبني

تنسه الماضي كله
وعار الخيانه اتحِمْلَه
حَن عاذلي بجفاك ويسليني
شنهو الگصد يمدللي تجفيني

----------
ان چان تايب من هواي وندمان
وعاشگ لغيري هذا طبع الخوان

عاده اليحب فد مره
ويظل عليه كل عمره
عذرك شنو من تعتذر حاچيني
شنهو الگصد يمدللي تجفيني


-------------------------









الحنين والفراق

تراهي الروح جارت والوجد بيها

وهجرانك يغالي حيل ماذيها

--------

تراهي الروح هامت ما تعرف النوم

چيف تبيعها وترخِص يغالي السوم

يومك عام بغيابك اللحظة بيوم

وسنتك عمر يمدلل تسويها

--------
يغالي اگرب واريدك تشرف عله الحال
ج
ذبل عودي عله شخصك والدمع همال

وانهت بالعزيزه بغير مهجه وبال
ج
چاس الحتف بيدك ليش ترويها

--------
أودنَّك يغالي وتبتعد عني

چَنِّي وياك مذنب لا محب چَنِّي

وحگ عيناك عگبك ما ضحك سني

وعيناي الدمع لجفاك جاريها

--------
محيرني يغالي وشادها لبالي

ساعه الحب اشوفه بعينك يلالي

وسهم جفاك ساعه يصير چتالي
ج
تشچ حشاي بيه وتردس عليها

--------
يغالي ان چان رايد ما تظل ولفي

عيب تشوف خير وهذا ما يخفي

حلفت ايمان بالحب تخلص وتصفي

ولولا تخون تعثر من تواليها

--------
تعثر لو تريد تخون ويايه

چيف وياك بالحب ما إلي غايه

عليك ادعي يغالي وتلهج شفايه

شبح ومخيف روحي عليك طاريها


-------------------------










الشكوى والعتاب

يغالي شنهو ذنبي وما تحاچيني

شعملت وياك متگلي وتعابيني

----------
يغالي ليش تنفر ياشريچ الروح

واغديت الگلب بجفاك كله جروح

وبچفك هواي ومديتك مذبوح

تحب غيري وتود للحب تضحِّيني

--------
شعملت وياك من تذبح يغالي الشوگ

وماخذني بهواك اتسوگ بيه سوگ

بالحب الوفي يبگه مطوگ طوگ

وفاك وياي تنچرني وتچويني

--------
تچويني بجفاك و لا ذنب عندي

وتدري انته العمر وعله النفس تبدي

بعت اهلي وحياتي ودنيتي بودي

وخسرت الكل وحگ عينك يناسيني

--------
خسرت الكل يناسيني وبگيت وحيد

وتشمت عاذلي بهجرك وبيه يچيد

من اشوفك فرحتي وضَيَّك هلال العيد

يغالي وبسماك مشوبحه عيني

--------
عيني مشوبحه لعينك تود ملگاك

اوچب علنهر للماي اگله وياك

أدز دمعه حزن بلچن تمر بشفاك

وتحس بنارها وترجع توافيني

--------
وَارِّد من النهر أنشد نسيم الهاب

اگله وياك اخذ حسرة گلب مرتاب

بلچن يشم ريحتها ويودي كتاب

بيه يگول چلمة حب تسليني


-------------------------











شكايه الى الحبيب بعد الهجران

يا شاغل البال عن حالي النجم سالها
تنبيك سهران والروح الوجد سالها
الناظر حشاي وحياتك دمع سالها
ظليت عگبك شبح ما سكن بالي ونمت
وترعرعت يا ترف آهاتي بيك ونمت
خوفي العواذل وشت يا صاح عني ونمت
چي لنك سيوف هجرانك علي سالها

----------
تنفرني يا صاح بالحب لو تظل وانتحر
دوم عله الاسباب نبحث يا ترف وانتحر
نعجز نوچِّد ذنب منا صدر وانتحر
بليله وضحاها جفلت عني وبعد ما ردت
افديك بالروح اُطلب يا ترف ما ردت
بفرگاك والله الچبد يمدللي ما ردت
بغيابك الروح تتلف يا ترف وانتحر

----------
عاذلنه يا صاح گلبينه چوه حاسبه
من تنكر الود فكرك رد اله وحاسبه
هجرانك احاه دلالي مرد حاسبه
چيف المحب للعذل يا صاحبي ينظام
هم تظن يوم الخبر للي خبر ينظام
تدريبه ينصاب عگلي من الوجل ينظام
بفراگك الموت يا غالي تره حاسبه

----------
تحلفلي متخون توفيلي وحگ رابها
تصفه وتخالف بالهوه الرابها
وبشوگها تغيرت شنهو الذي رابها
ظليت هايم شريد وبس الج بالسم
وانده حبيبي تعال وللجرح بلسم
ماني نحيل وصرت خيط انلظم بالسم
ورويحتي الهم چلچلها وغده رابها

----------
عيب اترك الشوگ اگدر يا ترف ونساك
انته ونستي چنت وانه چنت ونساك
اترهب شلون عن حبك تود ونساك
ارويحتي تگول غيرك ما اود شابها
شنهو الذي صار ومحبتك شنو شابها
ومفارگي السود هجرانك تره شابها
بگليبي مطبوع حبك يا حلو ونساك

----------
روحي تجوب الفيافي من الوجد هامله
ومسهده العين لجلك دم حمر هامله
شخصك علي دين توجع بالهجر هامله
هلبت شجاك الگلب من لوعته وونته
من شدة الشوگ يبحث عنك وونته
مدريبه من تاه يا غالي الگلب ونته
چيف انته مشغول عنه بغيره وهامله

----------
يغالي الشوگ فت رويحتي والم
ما شفنه فد يوم عاشگ للعذل والم
ما تدري طيفك غده بلب الگلب والم
وتمثال الك صار بعيوني الابد منصاب
ومنها الدمع كل وكت يمدللي منصاب
تجاريني من صوب لاچن تبتعد منصاب
طشرت عگلي وعاجز عل جمع والم

----------
يا من بوجناك عطرت النسيم وورد
بجفاك كل يوم لازم بالنياحه ورد
ودمع البيابي غده من اظمه بهواكم ورد
ظليت ارعه النجوم وعيب اهدأ واجن
سويدة تصيب العگل من تصد عني واجن
بهجرك انول المذله من العواذل واجن
مجنون حبك صرت للدار رايح ورد

----------






























ابيات القريض للشيخ الجليل محمد علي اليعقوبي
مباراة الابوذيه

يا بدر هل لك ان تكون سميري

فعسى أبثَّك ما يجِّن ضميري


جوف الگلب حبك وصل هلاك
يغالي والوجد بجفاك هلاك
سميري يا بدر ما تظل هلاك
أبثك ما حوه گلبي من اذيه

--------
ان كنت في سهر الدجى شاطرتني

انّى تشاطر لوعتي وزفيري


يحادي العيس بالله عليك وانه
دليلي من جفاهم كثر وانه
انتشاطر بالسهر يا بدر وانه
وحيد بلوعتي واللوم بيه

--------
يا بدر علَّك في سمائك مطلقا

تصغي لشكوى مغرم مأسورِ


مهفهف والحسِن عليِوِد علاّك
دليلي الشوگ لجل الترف علاّك
مطلق يا بدر بسماك علاّك
لمأسور الغرام اسمع شچيه

--------
يشكو اليك وبالحشاشة ما بها

مما يكابد من جوى وسعير


الغالي لو يحن بالوصل چامن
عليه ولو بخل يا بدر چامن
اشچيلك لچن بحشاي چامن
سعير الوجد فتني وفتك بيه

--------
فتش فهل تلقى سواي مؤرقا

في العاشقين فانت جد خبير


الدمع بالعين لجل الولف مارق
جفاني ومرد كل حشاي مارق
فتش هل تجد يا بدر مارق
من العشاگ غيري شلون بيه

--------
ان كان يحجبك الغمام فطال ما

حجبته سود ذوائب وشعور


الغالي يابدر بالهجر ياما
صُبَي العين صار الدمع ياما
انچان انت يحجبك غيم ياما
تحجبه زلوف وذوايب سويه

--------
باحت لك العبرات سر لواعج

اعيى اللسان بها عن التعبير


انجلت يا بدر واختل بـعد سراي
وغده لجسمي ودليل الداي سراي
العبره بالم باحت الك سراي
لساني اعيه يبوح الصار بيه

--------
قمر الجمال أضاء مع قمر السما

فيها فَلاحَ لناظري قمران


يسامرني الغالي وألج بسمه
ملك گلبي و بدالي الثمن بسمه
گمر وجهه اضاء و گمر بسمه
بيهن حرت يا هو الأشد ضيه

--------
لوعاينت فرق المجوس خدوده

عكفت عليها لا على النيران


دموعي من بيابي العين شافت
من كثر البچي و عداي شافت
وجناته المجوس ان چان شافت
تعبدها وتطفي النار هيه

--------
ولم انسى يوم العيد موعد بيننا

فلا حان عيد بالفراق نذير


ليالي الحزن يسمر بيك لا حان
وعذولي ما يرق يا ترف لا حان
موعدنا بيوم العيد لا حان
عيد وبالفراگ انذير اليه

--------
سقت ادمعي ورد هذي الخدود

وتمنعني لثمه والقبل


يعگلي الترف خلك ليش وجناك
وسعيد الحظه بشخصك دوم وجناك
بدمعي سجيت يسمر ورد وجناك
وتمنعني من الثمه وتفت بيه

--------
سل النجم عن سهري في الظلام

وعما أقاسي به لا تسل


العريضي سيوفه علي سلها
خلافك وبجفاك الروح سلها
النجوم عله السهر يا ترف سلها
لا تسأل شقاسي من الأذيه

--------
هتكت بحبك ستر الحيا

وانّى يخاف الغريق البلل


طبعي ما نضج بالحب تراني
مسودن گامت الوادم تراني
اهتكت ستر الحيا بحبك تراني
الغريج من البلل ميخاف اذيه


--------------------------




































مختارات القريض لابن زيدون ومباراتها

هواي وان تنائت عنه داري

كمثل هواي في حال الجوار


يساجي الكاس دوك الكاس داري
مشه ولفي وعيني عليه داري
هواي اله شما تبتعد داري
مثل ما اهواه لو تم جار إليه

--------
العطر منها سرى له نَفَس

من نفس روض رق في السحر


غشامه ولا نعرف الهوه چنه
شفت سحره ودليلي ترك چنه
العطر منها سراله نفس چنه
نسيم الروض باسحاره الشذيه

--------
اني بصرت الهوى عن مقلة كحلت

بالسر منك وخد بالجمال وشى


حشايا حالها الجمره كحلها
بهواي المعضله لا حل كحلها
شفته السحر من مقلة كحلها
وخد موشي بجمال الفتك بيه

--------
لما بدا الصدغ مسودا باحمره

أرى التسالم بين الروم والحبش


بدال الود هجر ولفي بدالي
ورضه ويه العذل يمشي بدالي
صدغ اسود وخد احمر بدالي
روم وحبش تتسالم عليه

--------
أيجمل ان أبيحك محض ودي

وانت تسومني سوء العذاب


حبيبي دوك فد مكتوب وداي
دواه انت لدليلي دوم والداي
عدل منك ابيحك محض وداي
وانته تسومني باسوء اذيه

--------
فديتك كم تغض الطرف دوني

وكم أدعوك من خلف الحجاب


دوك اسمع صدى الدلال دوناي
شما واحد يودك جزم دوناي
فديتك لي تغض الطرف دوناي
أدعوك وحجابك فتك بيه

--------
أعِد في عبدك المظلوم رأيا

تنال به الجزيل من الثواب


حبيبي لي بحربك ترف راياك
عليه وتود دمعي يكون راياك
عيد بعبدك المظلوم راياك
تنال من الثواب اجزل عطيه

--------
تبكي فراقك عيني انت ناظرها

قد لَجَّ في هجرانها عن هجرك الوسن


الوادم من تعاشر ملح تنظر
تظل دوم بخيال وروح تنظر
بچت فرگاك عيني شلون تنظر
هِجَرها الوسن من هجرك اليه

--------
والله ما سائني أني جُفيت ضنا

بل سائني ان سري بالضنا علن


شمالك تمرد بچبدي ولاهي
العريضي عرف مني ولاهي
الضنه لو تجفي ما غثني ولا هي
سري ينعلن أضنه عليه

--------
عدتَ الى الوصل كما أشتهي

فالهجر باكٍ والرضا باسم


چنت سم چتّال وارد
اجي للدار اشوفك عيب وارد
عدت للوصل چيف اشتهي وارد
الهجر باچي الرضا باسم عليه

--------
حسبي انا المظلوم فيما جرى
ج
وان تشا قلت انا الظالم


عدّيت بهواك وفشل حسباي
فتني وباچ بالدلال حسباي
انا المظلوم بالي جرى حسباي
گلت ظالم ان چان تريد ديه

--------
وإذا الوشاح تعرضت أثناءه

طلعت ثريا لم تكن لتغيبا


شفت حلوه عليها الگلب تشرگ
ماي انچان تشرب بيه تشرگ
الوشاح انچان ثنيا ايعرض تشرگ
ثريا الما تغيب اتنور اليه

--------
ولزرته بل عدته ان الهوى

مرض يكون له الوصال طبيبا


گلبي بالجفه المحبوب فتاك
خوه بتوته اتلفت ظل بيه فتاك
زوره الاصح عوده الهوه فتاك
مرض تدري طبيبه الوصل ليه

--------
ولقد قضى فيك التجلد نحبه

فثوى واعقب زفرة ونحيبا


سره وما نگدر الفرگاه نحبه
بچه گلبي وزاد عليه نحبه
التجلد بيك يشگر گضه نحبه
ثوه وخلَّف زفير نحيب اليه

--------
أجِّد ومن أهواه في الحب عابث

واوفي له بالعهد اذ هو ناكث


دِليلي عله الهويته بنار واجد
وين الگه الذى يهديه واجد
بالحب عابث الاهواه واجد
بعهده ناكث ونفسي وفيه

--------
وما كنت اذ ملكتّك القلب عالم

بأني عن حتفي بكفي باحث


بفكري شبح طيفك صار عالم
تشتت وعجزت بهواك عالم
ملكتك دليلي وعيب عالم
عن حتفي ابحثت باثنين اديه

--------
فلو اسطيع طرتُ اليك شوقا

وكيف يطير مقصوص الجناح


بهواك العود مني ذبل واراك
يغالي وضعف گلبي عليك واراك
لو اگدر طرتلك شوگ واراك
لچن مگصوص جنحي شلون بيه

--------
وضعي قناع السخط عن وجه الرضا

كيما أخَّر إليه أول ساجد


انطلگ لعد خيل الشوگ عنّه
يغالي ليك گلبي الوصل عنّه
وجه الرضا قناع السخط عنّه
ذبَّه وأخِر ساجد عل وطيه

--------
ما للمصائد لم تنلك بحِيلة

ان الضباء لتدركن فتصاد
ج

دليلي انشبت بيه سهام بالصد
وتعابيني يغالي دوم بالصد
المصايد ما تنولك ليش بالصد
الضِبه من تندرك تنصاد هيه


-------------------------

مباريات ابيات متفرقه

احبك حبا لست ادري خواطر

من الخبل تعروني لذكراك ام عشق


الفگد حبك فگد فردوس جنّه
سهام اللحظ للدلال جنّه
ما ادري العگل ذكراك جنّه
يو لاله هواك الفتك بيه

--------

فاخرس عن نطق وتجري محاجري

بسري وكاد القلب إذ ذاك ينشق


چثيره جروح بالدلال گلبي
يغالي من هواك النطق گلبي
المحاجر تجريِ بسري وگلبي
ايتفطر شوگ دوك اعطف عليه

--------
ضرب لسانٍ كالعيون له بكا

وربَّ عيون كاللسان لها نطق


مجرى النبع سال الدمع وعيون
الوشات الهم علي حراس وعيون
ربَّ لسان يبچي بدمع وعيون
تنطق بالهوه وتبدي الشچيه

--------
حواجبنا تقضي اللوازم بيننا

ونحن سكوت والهوى يتكلم


عهد الحب علينه صعب نگضه
منك والحواس عليك نگضه
اللوازم بالحواجب خلي نگضه
الهوه بحچيِ وسكوت نظل سويه

--------
أمرُّ على الديار ديار ليلى

أقبِّل ذا الجدار وذا الجدارا


الجِدَم من سار جدّ الگلب گبله
دار البيها ليلى إلي گبله
من هذا الجدار وذاك گبله
آخذ من امر والوجد بيه

--------
وما حب الديار شغفنَ قلبي

ولكن حب من سكن الديارا


ر ليش الگلب يا مدلول گلبي
من وجدك تراه النبض گلبي
مو حُب الديار العشق گلبي
لاچن ها السكنها الفتك بيه

--------
ولله إن الشهد بعد فراقكم

ما لَذَّ لي فالصبر كيف يطيب


يغالي جفاك هد حيلي وهاني
متيم وانحلت بعدك وهاني
الشهد عگبك فلا لذ لي وهاني
شلون يطيب صبري على الاذيه

--------
لما اناخوا قبيل الصبح عيسهم

وحملوها وسارت في الهوى الابل


العواذل تابعت الها وسارت
بجفاكم فرحت وشمتت وسارت
العيس الصُبُح من ناخت وسارت
محمله بالهوه وبعدت عليه

--------
يا حادي العيس عرج كي اودعهم

يا حادي العيس في ترحالك الاجل


النوِّدَه سار وبمسراه خلنه
شلون انهود نصبر بعد خلنه
يحادي العيس عرِّج عَجَل خلنه
نودعهم وخل تدنه المنيه

--------
إني على العهد لم انقض مودتهم

يا ليت شعري بطول البعد مافعلوا


الوشاة خلاف عينك علي يارت
يغالي وبهواك العذل ياريت
بمودتكم عهد ما خنت يا ريت
اشوف البعد شنطاكم سجيه

--------
لما علمت بان القوم قد رحلوا

وراهب الدير بالناقوس منشغل


ريت الولف ودني عبد ود ريت
عيوني من الجفاهم بچت ودريت
مِنِّ الگوم عني ارحلوا ودريت
همت مترهب واصفج بِدَيه

--------
شبكت عشري على راسي وقلت له

يا راهب الدير هل مرت بك الابل


بگربك عيشتي يا ترف مرت
الرشفه من العسل بجفاك مرت
اشبچت عشري عله راسي وگلت مرت
عليك الابل يلراهب سريه

--------
فَحَنَّ لي وبكا بل ان لي وشكا

وقال لي يا فتى ضاقت بك الحيل


شمال الولف بالهجران يفتى
شِلَه عندي ويريد الگلب يفتى
الراهب شِكَه وحَنْ وگال يفتى
الحيل ضاگت عليك وبچه عْلَيّه

--------
إن البدور اللواتي جئت تطلبها

بالامس كانوا معي واليوم قد رحلوا


صك يسراه الراهب فوگ يمنه
وگال العطش يبگه سراب يمنه
البدور اللي تودها امس يمنه
اليوم ارحلت خل نوحك سجيه

--------
نَصَبَ الهوى شِركاً عَليّ فصادني


واصبحتُ في شَرِكِ الهوى اتقلبُ


الهوه بصندوگ حب ولفي وصدني
ونهاني من الوصل عمدا وصدني
عَلَيَّ اَحْكَم شَرَك قاسي وصدني
وصرت اتگلَّب بحرگه واذيه

--------
كعصفورة في كف طفل يذيقها

قساوة حر الموت والطفل يلعب


العرف يمنع وصل خلي وقاسي
وخطيت الهدف بالمدفع وقاسي
صرت عصفور بيده انحب وقاسي
مر الموت وهوه ايلعب بيه

--------
فلا الطفل ذو عقل يرق لحالها

ولا الطير مطلوق الجناح فيهرب


شنهو اللي جنيته وياك وجناح
انه دومي اود للورع وجناح
لون مطلوق مني الفكر وجناح
لچنت اهرب وبلچن ترق ليه

--------
لو كان لي قلبان عشت بواحد

وتركت آخر في هواك يعذب


بظعني للبوادي گطعت واحد
وعن ولفي اريد ابتعد واحد
لون گلبين عندي بفرد واحد
أعيش وخلي الاخر للاذيه

--------
يا من هواه أعزه وأذلني

كيف السبيل الى وصالك دلني
ج

يغالي ما تگلي شلون وصلاك
يگلي بنار وجدي اچويك وصلاك
الهوه عزك وذلني أود وصلاك
سبيله منين يلمحرب عليه

--------
عاهدتني أن لا تخون مع الهوى

أين اليمين وأين ما عاهدتني


يغالي صفيت گلي ورحت وايمان
وبگيت التفت يسره عليك وايمان
عهد منك خذت متخون وايمان
چا وين العهد يلخنت بيه

--------
وتركتني حيران صبّاً هائما

ارعى النجوم وأنت في عيشٍ هني


يغالي اسمع صدى الدلال ونته
فگدته وبي أبد مدريت ونته
انا حيران صب هيمان وانته
تعيش مهنه دوك اعطف عليه

--------
فلأقعدن على الطريق وأشتكي

وأقول مظلوم وانت ظلمتني


يذات الولف من عني وشاكي
اظن عاذل غدر بيه وشاكي
بمفرگ طرج ردت اگعد وشاكي
انا المظلوم وانته ظلمت بيه

--------
لأدعون عليك في غسق الدجى

يبليك ربك بالذي ابليتني


لهب گلبي وعگلي تاه بالواي
وبگيت اعمت يغالي والح بالواي
الغسق ادعي من الله عليك بلواي
بيها تبتلي وانذل سويه

--------
يا ليلُ دُم لي لا أريد صباحا

يكفي بوجهِ معانقي مصباحا


يوم اجفاك راح وريت مارد
وغده رضابك من اظمه چاس مارد
يليلي دوم ابدا صبح مارد
وجه معانقي مصباح اليه

--------
طوقته طوق الحمام بساعدي

وتركت صدري للمنام مباحا


يوصل الترف ما ظل بـعد بيداي
وغده عمري بهل لحضات بيداي
طوگته بطوگ الموت بيداي
وبحت صدري لمنامه بغير اذيه

--------
سألت الريح عنكم كلما خطرا

وغيرك في فؤادي قط ما خطرا


الفرگه لمهجتي يا ترف سليت
عگبك للدمع عل وَجِن سليت
الريح شما يمر عليك سليت
وغيرك ما خطر بالگلب ليه

وبيت آخر لنفس القريض السابق
صرت بهواك بس للظيم انشد
حمام الدوح لجلي الحزن انشد
الريح شما يمر يا ترف انشد
بگلبي وما خطر غيرك عليه

--------
لو بات من أهواه وسط حشاشتي

لقلت ادنو مني أيها المتباعد


جفاني ودنيتي بجفاه وحشاي
يغالي وما نسيتك أبد وحشاي
لون بالگلب ولفي يبات وحشاي
أگله اگرب يهل مبعد عليه

--------
ألا ليتَ الشباب يعود يوماً

وأعلمه بما فعل المشيبُ


عن دنياي اريد ابتعد واحد
عله عمري البس ثياب السود واحد
شبابي يعود ريته يوم واحد
واراويه المشيب شعمل بيه

--------
عندي رسائل شوق لست أذكرها

لولا الرقيب لقد بلغتها فاكا


چبدتك لا تفتها ماني بيها
وليالي جفاك يسمر ما نبيها
رسائل شوك عندي مانبيها
اخاف من العذل لشفاك هيه

--------
سأسكت عن جوابك لا لعيٍ

ولكن انت تعلم ما مرادي


ما همك احن وانهك ولاعي
ذبل عودي بسبب شخصك ولاعي
مو عاجز جواب انطي ولاعي
شريد انه تعرفه وتفت بيه


-------------------------



























مع ام كلثوم في اطلالها

يا فؤداي لا تسل أين الهوى

كان صرحاً من خيالٍ فهوى


هويت مبسله وظلت تسلني
شمذكرنها تود هيه تسلني
يگلبي عله الهوى بالك تسلني
گصر شامخ خيال وهدم بيه

-------
إسقني واشرب على أطلاله

واروي عني طالما الدمعُ روى


للحب ما صغه الغالي وصبلي
شبابي ما بگه لاجله وصبلي
اشرب عله اطلاله الحب وصبلي
كاس اسگيني خلي الدمع ريه

-------
لستُ أنساكَ وقد أغريتني

بفمٍ عذبِ المناداةِ رقيق


الغالي بعشرته شدني وغرني
وچاس الشوگ شربني وغرني
عيب انسه حلگ سرني وغرني
بعذب صوته وانغامه الشجيه

-------
ويدٌ تمتدُ نحوي كَيَدٍ

من خلالِ الموجِ مُدَت لغريق


روحي فراگ محبوبي يچنها
وعيب احد يهدِّيها يچنها
ايده من يمدها لي يچنها
چف تنشل غريق من المنيه

-------
وبريق يظمأ الساري له

أين من عينيك ضي ذاك البريق


كل مغرم يود بيداه يظمى
لچن بالصد يظل يرميه يظمى
المشى من يشوف نور العين يظمى
خفه تالي البريق وضاع ضيه

-------
هل رأى الحب سكارى مثلنا

ونديم قدم الكاس لنا


بعيني الدمع مولح ليش همشاف
عْلَه شم وجنات حلو الطول همشاف
مثلنا الحب سكارى يوم همشاف
ويقدم الراح اله وواحد إليه

-------
ومشينا في طريقٍ مقمرٍ

تَثِبُ الفرحةُ فيهِ قبلنا


وحگ كتاب الله النزل واياه
چتلني الشوگ والاحاه واياه
بضوه الگمره مشيت بدرب واياه
گبلنا الفرح بيه يشب عليه

-------
وضحكنا ضِحْكَ طفلينِ معاً

وعَدَوْنا فسبقنا ظِلَّنا


ارتوينا راح راح الحب وكلنا
بهوانا وعيب من الشوگ كلنا
نتباسم شبه طفلين كلنا
وسبقنا خيالنا بعدوه سويه

-------
اَعطني حريتي اَطلق يديا

إنني اعطيتُ ما استبقيت شيا


تِلف چبدي بهواك وصار ويداي
وغده جرحي يكت خزان ويداي
طلگ حْرِيتي اريدنهاش ويداي
كلشي انطيتك وما ظل بِدَيه

-------
آهِ من قيدِكَ اَدمى معصمي

لِمَ اُبقيه وما ابقى عليا


آه ونك شبيه الطفل ودمه
وظنيته يطول الشوگ ودمه
قيدك حز معصمي حيل ودمه
عليمن يظل هو العم عليه

-------
ما احتفاظي بعهودٍ لم تصن

وإلى مَ الاسرُ والدنيا لديا


تركني وما درى الغالي عليمن
جروح خيانته بچبدي عليمن
احفظ عهد ما ظنه عليمن
ييزي الاسر والدنيا بِدَيه

-------
أيها الساهرُ تغفو
تذكرُ العهدَ وتصحو


اطبه الروح اناشدهم وسلهم
جفاك حشاي فتتها وسلهم
اظل مساهر اتألم وسلهم
واصحه من اذكر عهوده السخيه

-------
واذا ما التأم جرحٌ
جَدَّ بالتذكارِ جرحُ


الغالي بعد واضنه الروح بعداه
وعدى عني وشل العگل بعداه
بدليلي انچان جرح يطيب بعداه
تِجِّدْ جروح بالتذكار اليه

-------
فتعلَّم كيف تنسى
وتعلَّم كيف تمحو


اريد الناس عن فلان تعلم
اصول الحب غدرها وخان تعلم
يگلبي شلون تنسه الولف تعلم
وتعلم چيف تمحي الماضي اليه

-------
يا حبيبي كل شيء بقضاء
ما بأيدينا خُلقنا تعساء


حبك لا نمه ولاكبر لازم
بجفاك الهم غده للروح لازم
حبيبي اللي تحتم يمر لازم
التعاسه مو بيدينه تصير هيه

-------
واذا أنكَرَ خِلٌّ خِلَّهُ
وتلاقينا لقاء الغرباء


بعد حبكم شرد عقلي ولاهام
نود نعرف مودتهم ولاهام
انچان الخل نكر خله ولاهام
غُربَه وياه نتلاگه سويه

-------
ومضى كُلٌّ إلى غايتهِ
لا تقل شئنا فإن الحظَ شاء


حشاي الهم غدى بضرسها يرمها
يعذبها الهوى چانت يرمها
كل منا مضى لغاية يرمها
حظنا يريد موش احنه شبديه


-------------------------











متفرقات اخرى من المباريات

فدع المسدس جانباً اَوَ لست بالالحاظ تحرس

من عنده هذي العيون فليس يحتاج المسدس


جفيت وخلفت لليود خله
ظالم كل خليل يعوف خله
عْلَه جانب للمسدس ولك خله
عيونك أشد وامضه سلاح بيه

-------
يا حبيباً لديهِ قتلي مباح

في سبيلِ الهوى ووصلي حرام


أصيح وصار صوتي عليك منباح
وغده ستري يغالي بيك منباح
چتلي ليش عندك صار منباح
لچن وصلك حرام شلون بيه

-------
أسِربَ القطا هل من معير جناحه

لعلي الى من قد هويتُ أطيرُ


عيوني عليك يا مدلول ينحين
يا يوم انتلاگه بيه ينحين
يَسِربِ الگِطه نريد اتعير ينحين
اطيرن للهويته وهاي هيه


---------------





















الدارمي

خل عندك شوي طيب واذكر ودادي

من تبتعد يهواي تمرد افّادي

------
لا تگصي حيل وياي روح ورهيفه

ما تحمل من الشوگ شخصك تعيفه

------
ها من صخر يفلان يو لاله من صد

گلبك يبعد الروح وتتعمد الصد

------
بسك تعذب الروح يوليفي بسك

ماني انحلت وسليت والبيه منك

------
كلما يجن الليل انده حبيبي

ليش الهجر يفلان منك نصيبي

------
هايم واصك بالراح ليلي ونهاري

دمعي عله ساهي العين علوجنه جارى

------
دوم انشد الركبان عنك يغالي

هجرك يبعد الروح شادهلي بالي

------
دوك اشفق عله الروح يلعندى غالي

شخصك يحلو الطول داى ودوالي

------
بيه احلفت مرات يا غالي توفي

گلبي اسلبت يهواي واتلفت شوفي

------
شـچم مره يا بذات عهدك تخونه

بعد الغدر هيهات نأمل تجونه

------
دلالي يلمحبوب سلمته بيدك

شما ردت تعمل بيه قابل واريدك

------
كل ساعه الك فد راي تخون وتوافي

ساعه عله حبي تذوب ساعه تجافي

------
جسمي يناس عليه ناحل وساهي

شما احشمه ليه يعود لاچنه لاهي

------
بالك تحمس حشاي حافظ عليها

لا تظن تغله عليك چيف انته بيها

------
لو ردت عني تروح روح عله رسلك

ارد اعرف الاسباب ميخالف اهلك

------
عاده اليحب يفلان ميخاف العيون

عذالي عني وياك خلهم يگولون

------
عاديت اعز الناس لجلك يغالي

تخون وتشمت عداي تغدرني تالي

------
تنسى وتخون بساع ماجه عله بالي

شلون انسه لثم شفاك وانسه الليالي

------
البلعهد ما يوفيش واضح وباين

هم ردي وهم بذات بافعاله خاين

------
شما افحص عله الغيد احلاها بسمه

چي لنها ليل نهار بشفاها بسمه

------
كلما اصيح بصوت بس الج بسمه

افعى العشگ يا ناس چاتلني بسمه

------
بالك تعمق جروح دلالي اكثر

تدري الوكت غدّار دولابه يفتر

------
عينك تغط بالنوم ومسهره عيني

لجلك هلي من الشوگ ملَّو ونيني

------
ملكته الدلال حسبالي يسوه

ما چنت اظن بذات شيمته القسوه

------
ظنيته حبه يدوم بيه ابتلينه

بلا تجربه شريناه كله من ايدينه

------
يهل الهوى من هواي نشچي اعتنينه

نريد النصف تنطون النه وعلينا

------
من اول لحظ للعين شفته وهويته

فرّغت اله الدلال خليته بيته

------
من دل دليلي عليه للحب دعيته

خزرني وحچه بعيناه ودك رضيته

------
حلوه وتسر الروح مرت ليالي

حبيب يصك الصوت وانده يغالي

------
ما ظل سواه يجـيس ذهني وخيالي

شما اگرب من شفاه اكثر دنالي

------
ظلت اجساد اثنين برويحه وحده

من هوى وشوگ الروح العندي عنده

------
عاهدته اظل للموت وانطاني عهده

انطاني وخذت أيمان يودني واوده

------
سرنا عله هل المنوال فترة وچثيره

لو ظلت بهل روح حلوه المسيره

------
العاذل واخذ ينحاس شالته الغيره

گرّب لساهي العين يحثه ويثيره

------
مأمِن وفي المحبوب ما خذت حذري

العاذل يأثر عليه ما چنت أدري

------
ابتعَد عني وراح ظل دمعي يجري

خلافه دليلي انعاب وانهتك ستري

------
بلا ذنب تجني وياي شنهو الجنيته

هل دمعته من العين من عاتبيته

------
لو عاهدت توفيش گتله نتصافه

تحلف وتالي تخون كلش وسافه

------
سامحني بس هنوب گال بلطافه

احلف وحگ عيناك عيب انتجافه

------
لو تصغي يلمحبوب لو عني تجفي

ملكتك الدلاّل أمِّن يولفي

------
خلنه انتسامر دوم من العتب يكفي

من الثم شفاك نوب كل ناري تطفي

------
بعد العتب واللوم بالحب صفينه

يهمس نغم بشفاه وترگص لي عينه

------
ولفي ورجع للشوگ عاد لحنينه

هگوا الگلب بهواه تارك ونينه

------
من شافت العذال للحب رجعنه

ردت توش وهواي خان وطعنه

------
لاچن عرفته بيوم لا سأل عنه

گلبي انصدع وانصاب هلكثر ونه

------
يجفي ويحب بساع ما عنده فد راي

يو لا يسل بالروح اعتبره هواي

------
انحسبه عله المحبين يو لا على عداي

يهل الهوى ويه فلان افتو لي بلواي

------
أهوى وأحِنِّ عليه شما لعب بيه

غايتنه يهل الشوگ من الشچيه

------
نفس الحملها هواي نعرف رديه

شنهو الحكم تنطون يو لا وفيه

------
يلواشي دوم تحوم شلك علينه

گصدك تفت چبدين كلسا تجينه

------
گلبي عله شوف هواي اسمع ونينه

هلبت تحن وتشوف نوحه وحنينه

------
خلني ويه ساهي العين إبْعِد ينمام

مهجتي فراشه تصير تدريبه لو نام

------
يلواشي عني وياه خل تحجي الايام

من شفاي بالوجنات كل جانب وسام

------
إبْعِد يهل نمام خلنه بهوانه

سكارى نتراشف شوگ محبوبي وانه

------
تغيض وتشب بنار من انتدانه

توشنه وتظل فرحان ونظل حزانه

------
مني شتريد انطيك بس ابعِد بعيد

آنه وشريچ الروح نتنادم نريد

------
ما تحِن للعشاگ صد گلبك حديد

نار عله نار الشوگ بس گصدك تزيد

------
هلبت دليلك يوم ينصح يخايب

شغلك تعلم الناس بس عل مصايب

------
تندس يشبه ابليس بين الحبايب

تفارگ احباب شلون تگدر عجايب

------
العاذل وكض يمناي جاوبني راهي

لتظن للمحبين اگدر يفاهي

------
محبوبك المزعوم چاذب ولاهي

من يگضي لذته يحيد عنك وساهي

------
عاد اليحب والظيم يتحمل عذاب

لو تظفر المحبوب لو گلبه ينصاب

------
شلون اليحب بِخلاص يتبع عواذل

يو غادر وبذات يو لون جاهل

------
عايش على الاوهام يگليبي غافل

حب الغِدَر بالشوگ بالك تواصل

------
شلون اترك اول حب رَدْ گلبي ناده

باجي العمر للموت ابگه بوداده

------
تشهد نجوم الليل ويه الوساده

اتسامر ويه سهيل صارت لي عاده

------
لو جاهل ولو خان خله يتماده

مو يقضه بس الطيف خله يتهاده

------
گلبي شيگول وياك تسمع يولفي

أقبَل ولو بالطيف من تمر يكفي

------
گلبي يلوب عليك ليش انته تجفي

من علته الدلال هم تظن يشفي

------
مگدر على فرگاه بطِّل يلايم

دوك انظر الدلال من شوگه هايم

------
همي عله شوگ هواي كل لحظه زايد

هايم واصك بالراح بس شوفه رايد

------
لا ملح لا معروف غَزَّر بعينك

تعاهِد تحِب يسراك تغدر يمينك

------
روحي اخلصت بالنوح ما بيها تنهت

هايمه بشوگ هواي للعيشه ملَّت

------
مثلك يغالي يچيد ما شفنه ظالم

خل عيني تسهر بيك ظل انت نايم

------
چانت تود كل ساع نومي بحضنها

تنچرني هيچ بساع ما چنت اظنها

------
تنسه الموده بساع گلي شجينينه

ياغالي گلبك ليش ما حَن علينه

------
تذبح يغالي الشوگ ما چنت اظنك

هذا اليحز بحشاي هَلْوِلَم منك

------
كل ساعه روحي تروح ويه الهوى الهاب

بلچن يمر عل دار وتشوف الاحباب

------
كل لحظه عيب انساك يل ناسي حبي

بسمك يلج يا صاح بكل دگه گلبي

------
ما شفنه يوم الشوگ ينشره وينباع

يَو وفي يو بد ذات تابع للاطباع


******************************











الفهرست
الموضوع الصفحة
فصول الكتاب --------------------------------- 3
الاهداء ------------------------------------- 4
التقاريض ------------------------------------ 5
مقدمة الشيخ اليعقوبي ---------------------------- 11
القيم والمفاهيم الاجتماعية في شعر كاظم شحاثة ------------ 14
مقدمة الناشر( الشاعر كما عرفته بقلم جواد شحاثة) ---------- 25
الحسينيات ----------------------------------- 29
بيعة الغدير ---------------------------------- 30
عزم الحسين عليه السلام على المسير ------------------ 33
اهداف نهضة الحسين عليه السلام -------------------- 36
خلود الحسين عليه السلام واهدافه في نهضته -------------- 39
اهداف الانصار ------------------------------- 43
شجاعة العباس -------------------------------- 47
عتاب زينب لاخيها العباس عليه السلام ----------------- 49
شكوى الحوراء زينب الى اخيها الحسين عليه السلام --------- 51
وصية الحسين عليه السلام الى شقيقته زينب -------------- 53
عتاب زينب لاخيها الحسين عليه السلام في ليلة الوداع -------- 57
شكوى الحوراء زينب الى اخيها العباس ع بعد مصرعه-------- 58
محنة الامام زين العابدين عليه السلام ------------------ 61
دعوة العباس عليه السلام -------------------------- 65
استنهاض الحجة عليه السلام ------------------------ 67
تمسك الشيعة بالعادة السنوية ------------------------ 71
سجن الاخ محمد حسن عطية زاهد -------------------- 73
مرض الامام الحكيم ----------------------------- 74
تقريض ديوان روضة الزاهد ----------------------- 77
موال اهداء روضة الزاهد ------------------------- 79
شكر الى السيد هادي الطباطبائي الحكيم ----------------- 80
مباريات شعرية -----------------------------81-85
الاجتماعيات والمعاتبه --------------------------- 87
وصية الى ولدي ------------------------------- 89
مقاييس الرجال --------------------------------91
حقوق الجورة -------------------------------- 93
التقدمية بين الماضي الحاضر ----------------------- 95
وداع ودعاء --------------------------------- 98
الفجيعة بالوالد ------------------------------- 100
شكاية الى الوالد ------------------------------ 103
شكاية الى ابو فاضل العباس عليه السلام --------------- 105
هوسات عند وفاة الشيخ عبد الكاظم الغبان --------------- 107
عتاب الخائن للاخوة ---------------------------- 110
كشف الحقيقة -------------------------------- 112
تهنئة بالحج --------------------------------- 114
ندم وعتاب --------------------------------- 115
شيفيد العتب وياك ----------------------------- 117
ظن وندامة --------------------------------- 120
العجيد والسلف ------------------------------- 123
اصول السلف -------------------------------- 125
الترفع بعد الغنى ------------------------------ 128
الاملاك في البلدية ----------------- ------------131
تخرج طبيبة -------------------------------- 133
مباراة للشاعر ------------------------------- 135
السياسيات ---------------------------------- 141
مع الانتخابات في الحكم السعيدي -------------------- 142
ذكرى وعد بلفور ----------------------------- 145
بعد هزيمة الخامس من حزيران --------------------- 147
النجف والبيادة ------------------------------- 149
نخوة للحسين بجاه العباس الى الله -------------------- 151
الثورة الارترية ------------------------------- 155
الادوار السياسية التي مرت بالعراق ------------------ 157
دعاء بواسطة الحسين عليه السلام ------------------- 165
مباراة شعرية لابيات للشيخ محمد علي اليعقوبي ----------- 167
الاسريات ---------------------------------- 173
اول الفاجعة --------------------------------- 174
حديث ذو شجون ------------------------------ 177
تبدل السلوى بالبلوى --------------------------- 181
صراع بين الحزن والفرح ------------------------ 184
امل ورجاء --------------------------------- 187
الفخر والحنين ------------------------------- 189
حرقة الفراق (موال) --------------------------- 191
( أبوذية)----------------------------------- 192
( نايل) ------------------------------------ 194
( دارمي) ---------------------------------- 195
الغراميات ---------------------------------- 197
غادة ------------------------------------- 198
الوداع ------------------------------------ 203
انين القلب ---------------------------------- 205
الملامة ------------------------------------ 207
رِد -------------------------------------- 208
دجلة والعتاب -------------------------------- 211
ذكريات ----------------------------------- 213
تعال وشوف -------------------------------- 215
شيفيد العتب بعد العتب -------------------------- 219
شنهو القصد -------------------------------- 221
الحنين والفراق ------------------------------- 223
الشكوى والعتاب ------------------------------ 225
شكاية الى الحبيب ----------------------------- 227
مباراة ابوذية مع اليعقوبي وغيره -------------------- 231
مختارات لابن زيدون ومباراة للشاعر ----------------- 237
مبارات لابيات متفرقة -------------------------- 243
مع ام كلثوم في اطلالها -------------------------- 255
الدرامي ----------------------------------- 263






والحمد لله رب العالمين